恩愛夫妻

以下係一位丈夫傳俾妻子既短訊：

老婆：
我想念你好耐了,
每天發條訊息比你,
想住你粉紅色的嘴唇,
令我牽腸掛肚,沒有你,
生命像行屍酒肉般沒有意義,
請跟我開心地過每一個時刻.

我對你的愛.....
盡在每行的第4個字haha


以下係妻子回敬俾丈夫既短訊：

老公你咁忙也發送電郵 ,
沒有很多女人有這種福氣,
作為女人,有你這樣的丈夫,
為你而死,也值得哦!
但你知唔知,每一分一秒,
我都想見著你,你這麼好,
當初對你的付出,全都賺回來了,
對你至死不渝,今生無悔.

我對你的愛也盡在每行的第4個字

知錯。認錯。沒錯

每個人在漫長又短暫的一生中多多少少都會犯上些大小不一的錯，有些錯無傷大雅，有些會影响一生；有的錯事後可以彌補，有的錯終其一生也鉻印深刻。有些人知錯卻不容易認錯，有些人容易認錯卻很難知錯。

我是個比較容易認錯的人，當然前題是我知道錯了，一旦知錯不論對像是誰我都會乖乖地認錯。記得女兒三歲的時候我已經開始向她認錯，所為何事我已經不記得了(那時候還沒有網誌呀！翻察日記？那是皺紋爬上額頭以後的事了)。

也有些人知錯了、認錯了卻不改正錯誤，自以為面面俱到朦騙了所有人，皆大歡喜了，到最後才發現積陋難改，傷害的最深的是自己。

在殺人放火之類的大是大非上，人們都有共識何為對何是錯，但是在一些很各人感覺的對某些事物的看法上卻往往都有不同的對錯標準，那麼如何介定真正的對錯呢？在我還很年輕的時候，固執地認為凡事總有對錯，不是你死就是我活。但隨著年紀漸長，接触的事和人，自己的經歷越來越多，財富、心靈、地位的不斷轉變之後，我終於發現這個世界有很多事情都沒有絕對的對與錯。對錯要看你自己站在什麼位置，這個位置指的不僅僅是社會地位也包括了你的靈魂。

影响靈魂的是我們的世界觀和人生觀，每個人都有不同的世界觀和人生觀，沒有人有資格去質疑他人的人生觀。人是會物以類聚的，我們通常會和思想相近的人做朋友，做愛人的話更是沒有相同的人生觀不行，但是如果你欣賞某人的某種特質的話，世界觀不同又有何碍？對某些事物的看法不同又有什麼關係呢？大家站在不同的位置，雖然看法迥異，但誰也沒錯。

花心才是王道

一心一意、心無旁騖、為一棵樹放棄整個森林...這些原本贊美的詞句如果用在投資股票市場上，如果專一的對像是匯豐的話，今時今日全部變成剜肉的利劍。

很多人，特別是年紀稍長的港人，鎖在保險柜裏的股票可能獨沽一味就只匯豐，現在的心情應該也不比雷曼苦主好多少，甚至可能更忐忑。雷曼苦主一味的等就好了，但匯豐苦主還要受供不供股的思想折磨。

受匯豐拖累，可以預計中小企的呆壞帳將進一步擴大以至於帶起另一次結業潮，失業人數事必上升。不少的老牌廠商由幾塊錢開始收集匯豐，積累的財富不少是匯豐的股票，不少人以資產抵押的方式向銀行借貸營運資本，現在匯豐價殘，很多已經到了資不抵債的邊緣，銀行開始追收差額要求平倉。錢從哪裏來？天曉得！我只知道匯豐真的跌到28、32元的話真的會有很多人跳樓。

在投資市場挑三撿四，選完再選，聲色不對立即轉投他抱，攬五親六，做個花心蘿蔔才是王道。

愛情祈福黨

「你有幾愛我呀？」

「好愛好愛妳。」

「即係有幾愛呀？」

「即係好愛好愛好愛好愛好愛妳呀。」

「咁即係幾愛我啫？」

「即係……哎…即係我愛妳愛到可以覺都唔瞓。」

「咁係儍喎。」

「……」

「咁你會唔會俾晒成副身家我架？」

「妳話呢？梗係會啦。」

「咁係蠢喎。」

「乜妳唔知道，愛係會令人變儍同變蠢架咩？妳睇我依家咁傻同咁蠢，就知我係幾咁愛妳啦。」

孔子有教無類之銀兩話事

三十而立，
俾三十兩銀子學費企係度上堂。

四十而不惑，
俾四十兩銀子學費有疑問可以問。

五十而知天命，
俾五十兩銀子學費可以預早知道考試題目。

六十而耳顺，
俾六十兩銀子學費淨係講好聽說話俾你聽。

七十而随心所欲不逾規，
俾七十兩銀子學費上堂任由你瞓、坐、企，想點就點。

笨象要食蕉

尋日渣打銀行業績一出更加顯得匯豐果碌葛有幾咁唔掂，哩趟真係點都唔會再入佢貨。笨象瘦咗要我哋啲小股民幫手買蕉俾佢食，咁如果佢總係青壯少年發育緊就多多都唔怕買來供佢食，但如果佢已垂垂老矣就食极都唔會再壯返，咁總值唔值得買蕉佢食呢？

繼雷曼迷債之後香港又多咗班匯豐苦主，話苦主一啲都不為過，點解佢盈利倒退七成九可以唔使出盈警都得格呢？証監會係咪要解解畫、負負責呢？

老實講對依家哩班匯豐高層非常之冇信心，邊個會入股人哋公司但就唔派自己人去實，俾大嗰錢人玩殘自己？咪碌葛囉！

尋日標普500跌落700點樓下，或者今日會買少少標普500指數基金玩下。點解總有心情玩？咁，做人嘅野三衰六旺時時有，唔睇開啲成世流流長點過世呢？輸錢不輸志，仔死錢還在吖嘛！(啊呀，咁似江湖兒女口吻嘅，明明斯文高貴大方嘛！睇來都總係暈暈哋吖我。)

PS：原來左丁山就係香sir香樹輝喎！唔怪至得寫啲野咁好睇啦！(我好背，今日先知啫:()

說閑話

我是個八卦的普通小女人，會和親近的人講別人閑話。雖然我很敬重那些從不說別人閑話的道德高人，但我卻一直無意改變自己的不高尚。

幸福女人蘋果在 鏞記一夜 中提到「縱使他們是超熟落，卻沒有說過任何人半句閒話，談話內容充滿智慧及正能量，叫我更相信世界的美好，都是為正面的人而存在。 」我想說超熟絡不代表親近，在那種場合(還有第一次見面的人呢！)誰會說人閑話呢？說閑話的時候通常都不會是超過三個人的場合，兩個人的居多，人一多大家都慎言，始終人心隔肚皮嘛！

人是群居動物但又各思己見，生活中總會碰上各式各樣的人，正如有些人喜歡我們有些人不，我們對別人也會有各自的喜惡。找個親近的人說說別人的閑話是心理减壓的一種方式。但是說閑話也應該有分寸，這裏說了這裏算是做人最基本的道德要求，所以說的對像也就非常重要了，如果我曾經和你說過別人的閑話，肯定是我認為你值得信賴不會搬弄(當然有時也會跌眼鏡)，要不然就是我們极度親蜜。當然如果你告訴我很欣賞某某我還是會幫你一字不漏地搬到某某面前的，好話怎麼搬也不為過的。

會說別人閑話的人比較少會患憂鬱症，是是非非都有渲瀉的途徑不用悶在心裏，人也容易開朗。有沒有人從不說人閑話之餘，還欣賞、喜歡每一個人甚至惡人？有的，德蘭修女應該是的，我很崇敬她的。

匯豐供股

匯豐控股公布，截至2008年12月底止全年業績，股東應佔溢利57.28億元(美元,下同)(相當於446.04億港元)，較07年同期的191.33億元倒退70.06%，遠遜於市場預期，每股盈利0.47元，擬派發末期息每股0.1元；期內營業收益升1.11%至885.71億元。

匯豐控股公布，按每股254便士(約28.12港元)，以每12股供5股方式，籌集約125億英鎊(約177億美元)(已扣除支出)，此舉將把匯控資本比率增加150個基點，按備考基準計算將於08年12月底核心股本第一級比率提升至8.5%，第一級比率提升至9.8%。供股價較匯控上周五倫敦的收市價491.25便士折讓48.3%，有關建議仍有待於09年3月19日取得股東批准。匯控稱，供股將強化集團的能力，以處理不明朗經濟環境影響及應付不可預見的事件，有助集團以超卓的財務優勢，掌握未來各種機遇。此外，集團將繼續集中於其核心新興市場及較高增長的業務。

***************************************************************

哩幾個月炒匯豐，買下沽下原來連埋勁蟹嘅"長錢組合"中的匯豐只有2141股，我會選擇全數供股。個男人係咁差嘅經濟環境下搵少咗好多錢，但都好過失業爭落周身債總要老豆阿媽養返轉頭果啲吖！做為一個明事理的女人點都要俾個機會佢。

銀行做為百業之母，經濟一旦復蘇最先炒上嘅都係銀行股(當然目前內銀股好啲)。如果5仔真係跌到＄40我會大大手增持。早前賣出果層樓後日收大訂，5月先成交，等住人人心慌慌唔郁我就來大跳特跳啦！小女人亂咁睇，環球經濟睇怕要到2010年初先有起色。

講多少少，就算匯豐要固本培元都總好過五勞七傷果啲投資大行，5仔不過係損手爛腳遮。係豆豉鯪魚兩年內由幾蚊加至十幾廿蚊一罐的日子裏，我認為啲錢應使就要使千其唔好委屈自己，下下都諗住勒緊褲頭過活，果啲叫捱日子唔係生活。即使咩都唔做今日你留起嘅18蚊唔擔保你一、兩年後可以買番罐豆豉鯪魚來嗲。人生最大的遺憾是人死咗啲錢總未使哂，人生最大的痛苦是人未死錢已經使哂，所以做人中庸好緊要。

匯豐股價幾年後會點，我唔知亦都冇人會知，現時食唔落咁多豆豉鯪魚所以我選擇搏一搏養住個男人先，等佢養好身子先做打算。

美錯

《洞仙歌》
李元膺
(一年春物，惟梅柳間意味最深，至鶯花爛漫時，則春已衰遲，使人無復新意。餘作《洞仙歌》，使探春者歌之，無後時之悔。)


雪雲散盡，放曉晴庭院。楊柳於人便青眼。更風流多處，一點梅心，相映遠，約略顰輕笑淺。

一年春好處，不在濃芳，小艷疏香最嬌軟。到清明時候，百紫千紅花正亂，已失春風一半。早佔取、韶光共追遊，但莫管春寒，醉紅自暖。

按：衣褸盡解唯留ipod侍寢，隨機傳來美錯之聲，復念此詞，興起，開機留之。

港女當道by火鶴

小弟早排喺＜港女應變災難中心＞摷到條Link，條Link係一條港女列左男友一百戒條。唔睇油自可，一睇就把幾火，所以小弟就流言屌佢囉。唉，點知條八婆洗左我個流言，越唸越激氣，依家咪整返女友三十條戒條作布復。原本想整夠一百條睇齊，不過廢是D人話我小氣啦，整三十條咪算囉，我係咪好有瘋度呢？哈哈
＜女友三十戒條＞
1. 我中意一個小島依人，聽晒我話既女朋友。
2. 自尊心極強係我既憂點。
3. 漫畫展係我每年最緊張既節目，我會擔定櫈仔排頭位，妳喺電視新民見到我唔使驚瓦。
4. 我唔覺得$10000HKD一隻Action Figure貴。
5. 你越無知我越覺得妳可愛。
6. 不知進取係每個人既弱點，無人可以怪責我，包括妳。
7. 我中意既遊戲係Xbox既Halo、Project Gotham Racing、Counter Strike以及PS既WE，妳千奇唔好買Scrabble同Blokus比我。
8. 沈迷打機睇慢畫玩Figure唔代表幻稚。
9. 我唔會每日打電話比妳，不過我會日日打機。
10. 妳見到我打機既時候，要囋我勁。
11. 如果我遲到，一定係我尋晚打通宵機唔知醒，所以你唔好比面色我睇。
12. 我一日打唔爆部機我一日都會情綷暴喿，妳最好唔好煩我。
13. 妳最好唔好叫我去Social，我留番D時間打機上網睇電視訓覺唔好？
14. 我想妳同我一齊買波衫買波鞋，宜且仲要囋我有眼光。
15. 唔可以唔妥我既豬朋狗友，因為佢地係我飲包食醉以及星其六晚睇英超聯既親蜜戰友。
16. 男人睇波女人收聲，叫妳針茶第水妳要聽。
17. 我唔主動嚷坐比老人家唔主動叫人早晨唔講唔該唔講多謝唔代表我無禮貌。
18. 我份人好易話為，唔會揀飲習食。出街食飯由妳話事，不過要揀間可以著Graphic Tee同波衫既餐廳，而且埋單要$100HKD有找。
19. 一齊食飯一定要AA制，如果我無帶錢，妳一定要在無人知既情況下過錢比我，唔可以落我面。
20. 餐枱禮儀純熟虛偽。
21. 我唔介意妳係肥定瘦，不過一定要咸磅。
22. 女子以身才為貌，不過都要有樣貌。
23. 你著套Gucci同我出街我會自俾。
24. 我向東時如果妳行西，我會即刻叫你去yak西。
25. 我介意妳望靚仔，更介意妳唔比我望靚女。
26. 我有睇四仔既習慣，妳最好唔好叫我戒。
27. 送超過$100HKD既禮物比妳會令妳陪養出貧慕虛榮既心，我都係為妳好。
28. 我唔介意你開罐頭或煮鮑魚比我食，不過我介意你唔洗碗，因為洗碗係女人既責任。
29. 我成世唔拍拖唔代表我係一條溝唔到女既可連蟲，而係我不肖依家香港女仔拜金刁盲既態度。
30. 如果妳對以上任何一條戒條有不滿既話，我會稱呼妳為「港女」。

本篇文章經過Fire-Crane™錯別字搜尋軟件程式version 0.11.1©2006檢查，如有遺漏實屬錯別字太多引致軟件程式支持不住，請讀者們自行修正。

按：哩排翻睇啲blogger舊文，尋日剔下剔下睇到火鶴 N前寫的這一篇，嘩，好鬼過癮喎！得到佢同意轉貼係哩度。佢話哩啲全部係反話，但1、4、16、18、25、26、28我覺得ok嘅喎(我另類嘛)！好明顯照哩30條來睇，應該冇一個女人唔係港女囉！咿，唔知過咗幾年有冇新30戒條呢？


延伸閱讀：
男友三十戒條 by小瓶子

新版三十戒 by火鶴