2008年5月6日 星期二

婚姻合作社

很多人都以為婚姻是愛情的結果,實際上很多婚姻的誕生和愛情沒什麼關係。只有极少數的人是在很愛很愛的時候結婚的,這些人通常很年輕而且婚姻普遍不長久,因為很愛很愛的時候人會自動地把對方的缺點過濾,而且降低對愛情以外的事物的要求。

很多人在濃情漸淡或激流轉為細水時開始談婚論嫁,對婚後的衣食住行、柴米油鹽都詳細計划。還有一些人結婚只因亙相適合,談不上愛卻不討厭或有喜歡的成份。婚姻是男女同心協力經營的合作社。

香港的單親綜緩占整個綜緩人口的四成,貧窮家庭也是離婚率最高的階層,婚姻的牢固度和愛情的關係遠遠不及家庭資產,資產包括:房子、(鈔)票子、車子、孩子和面子。以資產分類婚姻合作社大致可分為三種。一是貧窮流動小販式,二是穩定中小企業式,三是富豪、政客上市公司式。

貧窮流動小販式的婚姻最不牢固,整個婚姻沒有什麼固定資產,收入不穩定,男人普遍讀書少,對義務認識不深,不願承擔責任,一有風吹草動,拍拍屁股就走人,反正老婆孩子有政府養而且和自已能夠付上的家用差不多。而女人也沒有挽留婚姻的能力,反而這個階層的女人很容易拖着孩子再找一個同階層的男人,就這樣惡性循環(如果經常看報紙或者有去明愛做義工,你就會知道此言非假)。

中小企的中產婚姻牢固度比較高,因為有共同的資產,而且雙方受的教育都相對較高,對孩子的責任感較重,即使握着老婆(公)的手就像左手握右手--一點感覺也沒有!也會為了孩子維持食之無味棄之可惜的雞肋婚姻。人是很奇怪的動物,如果婚姻中共同資產是100萬元的話,女人會認為自己擁有100萬身家,男人也認為自己擁有100萬,一旦離婚一人一半那就只有50萬了,一夜之間少了一半身家不是人人能承受的,還未計孩子和中產人士最看重的無形資產--面子呢!牽一髮而動全身的事不是凡人敢做的。當然中小企結不結業還得看有沒有人收購,只要誘惑夠大、前景夠秀麗,關門大吉也不是什麼難事。

上市公司的婚姻最牢固,因為婚姻已不僅僅是婚姻,牽涉的可能是整個家族甚至是公眾的利益。富豪的婚姻資產實在是太多,不能也不可以輕言離婚,所以我們才會看到儀態萬千的李夫人如常隨着街談巷議的寶baby進馬場去宴會;還有只此一位的趙世光太太何俐俐,以笑到最後的姿態推着坐在輪椅上的老公出來亮相。

想要長久的婚姻?敢緊為自己增值、為婚姻增值,婚姻裡的資產越多越不用害怕,如果朱培慶沒有房子、孩子和票子(可觀的退休金),一個Coco可能已經把他的婚姻推爛了。

18 則留言:

  1. 我亦發覺,香港愈來愈多【小小中產】人士會易離婚,即那種男的有萬零蚊、女的又有萬零蚊那種,很時代 feel 那種。


    男的必定要入 gym 會,女的常留意 Ball 場版 ( 雖然關你鬼事 )。


    例如不會上酒店吃 $ 1200 飯但會上麻麻地法國餐廳食 $ 600 Dinner ;指定去百佳碌卡及間中去 APITA 買嘢但不超過 $ 1000 buget ;一定會標榜自己識去蒲,並會強調【 I like Clubbing and French Style】但當然是飲生力啤;等等之類。


    呢類人,我親眼見過不少是離婚收場。

    好像有點啟示...

    回覆刪除
  2. 結婚係經濟需要,愈來愈同意。

    當結婚係生意咁run,當入不敷支既時候,公司就好大機會執笠。不過,如果當初資本投入得多,一旦執笠就渣都無,就無咁捨得執左佢囉。

    大文兄,你所言呢類無水扮貴族既,真係愈見愈多...

    回覆刪除
  3. 若虛兄:

    而家好多新一代夫妻,乜都要講品牌,乜都要外出 Service ,其實兩公婆合共搵二萬幾,扣了供樓,已所餘無幾,仲要生活品味,真係...


    買樓又死要會所,Cheap 會所照殺,好無謂。


    我記得以前 Hana 曾講過,個老婆如果只係外出打份文員仔幾千銀,不如直頭在家湊細路好過,反正請個印傭都去左三千幾,工人又唔會慳錢、又擔心工人打個 Baby ,又要 Fashion 上班,整下頭化下妝,都無錢剩,打工為乜。


    而且不用上班,多自在,又慳左外出食飯 $$$ + 洗衣店 $$$ + 一家健康。


    本人 1000000% 深表認同。

    回覆刪除
  4. 上市公司的婚姻 有可能係假ga...我有個friendD勁有$$$家族,兩個家族一個仔一個女結婚,兩個都周圍飛。自己有自己honey,各有各。

    回覆刪除
  5. 【小小中產】有很多,以为自己“蒲老兰”,讲英语就狂"卷利“,就很老外,很潮。只因他们这一世都不能踏足Ball 場,虚荣心太重吧。

    回覆刪除
  6. 那这盘生意怎做?做大,做中, 做小的都是死路一条,企业家梦碎了。。。

    回覆刪除
  7. 嘩吓, Clovis 兄弟,

    >>...一世都不能踏足Ball 場,虚荣心太重...
    咪由得人地發下夢囉, 唔關我地事個噃 !!
    不過你真係講出我嘅心底話, 一樣係 engineer 然後玩 financial 嘅係有少少相同視野噃 !! 過客真係愛你嘅唧 ^3^

    Hana 美人,

    唔好意思呀, 我同 Clovis 答嗲左兩句添 ;)

    夫妻如果淨識扮野咁洗唔識搵, 死得啦 !!

    我不想說, 但很現實 : 品味與見識係用【銀紙】長期培養出黎的, 不是剎那間變成的, 改不了 !! 如玩馬球、高爾夫球、看歌劇、去全球旅行...等等。 當然銀紙唔係一切, 但無佢就好閉翳喇, 更可能忿恨濁世添 !!

    過客

    ps : 美人呀, 我地攬攬又錫錫, 怕唔怕嘅哩, 吓 ? ^3^

    回覆刪除
  8. 寫得很深。

    但我始終認為婚姻是很戇居的制度,把兩個人牢牢鎖死,要脫鎖嗎?好多唔係斷手斷腳就係斷命。

    愛就是愛,婚嚟把鬼。要穿靚靚白裟裙,請親朋飲宴共歡,唔簽字結婚都得啫!

    回覆刪除
  9. 結婚, 結了後就不是兩個人的事,

    例如 家婆大戰媳婦的戲碼.

    所以晚婚會較好,就好像買start up company 同傳統大藍籌一樣的比較.

    前者較新鮮, 創造無限個可能,可能嫁了下一個李楷楷, 後者則勝在穩陣,像嫁了現在的李首富.

    晚婚, 一來經濟基礎較穩固, 二來人經歷多年的社會洗練, 總會磨平許多菱角, 多了幾分寛容, 三來, 受上一代的影響干擾的機會較低, 因為老一輩已入土為安.

    所以hana 姐你仲咁後生, 應要玩多十年廿年才考慮再結婚.

    回覆刪除
  10. 過客哥,我不是那么随便的人 *3*。。。

    怪人道格:太迟创业,高风险, 早点好,失败了,可以再来,老了。。。。没机会

    回覆刪除
  11. 沒有婚姻制度,其實又談不上有婚姻。

    婚姻制度的好處,正好就是它懲罰的作用。

    聽到利+兒和 DJ分開的消息,幾驚訝;只擺酒沒有註冊。相信是現代人的新方式。


    男粉絲

    回覆刪除
  12. 我啲朋友如果唔打算生孩子
    便同居算囉
    乾手淨腳

    回覆刪除
  13. 大文:哩類人係整體離婚率中所占比例係幾多下,但多唔過攞綜緩嘅。
    咁都記得!好野!

    若虛:>一旦執笠就渣都無,就無咁捨得執左佢囉。
    哩個係好多人唔舍得離婚的原因之一。

    soso:係丫,有個別嘅總男女都係同性戀添。

    回覆刪除
  14. Clovis,不會呀,怎麽會是死路一條呢?兩個人目標相同够明确,資產不可(舍)分割,心無旁騖,携手白頭也不難的。

    過客:怕咩呢?上綱打機又奸又殺都唔使坐監嘅。攬攬!


    校長:多謝夸獎!我諗一紙婚書有佢實用(際)價值嘅,僻如要離婚先要分居又要上律師樓見面傾談協議、簽字等等,多咗緩衝期、泠靜期。
    雖然我認同唔生BB唔使注冊。

    怪人道格:晚婚等如遲創業,萬一衰咗好難爬翻起身,而且冇經驗容易衰。同居同婚姻係兩回事。

    男粉絲:>懲罰?
    講得咁得人驚總有人結婚嘅?!
    應該算係一種約束吧!

    卡卡:同意!
    只不過有時啲野,你唔想嘅偏偏涌埋來,呻下總會俾人話你囂張,唉,大部份人恨唔代表所有人恨丫嘛!

    回覆刪除
  15. 大文兄:

    >>買樓又死要會所,Cheap 會所照殺,好無謂。

    非常同感!

    呢一類人,我只能話,無咁大個頭,唔好戴咁大頂帽。品味係可以慢慢培養出黎,但唔可以不斷洗錢炫耀堆砌出黎。

    另外,若虛係10000000%反對用工人揍仔,呢樣野我好似都有寫過下。工人可能有好好既,但大家都聽唔少會虐待小朋友既。仲有,搵工人去教仔,我直頭覺得係不負責任囉,工人教得好就話,教唔好個仔點知變成點?都無得救既時候,責任誰負?要怨又怨得邊個?

    回覆刪除
  16. 但係長久而痛苦的婚姻,跟離婚比又未必好得多少呢.

    回覆刪除
  17. 若虛:你都唔同我講野嘅:(

    牛油棒棒:所以遲啲會寫鈕扣婚姻

    回覆刪除
  18. Hana: 鈕扣婚姻起碼都仲好過拉鏈婚姻既.

    回覆刪除

淡极始知花更艷,愁多焉得玉無痕。

Related Posts with Thumbnails