2008年5月4日 星期日

為什麼大難不死必有後福

中國人有句俗話叫:大難不死必有後福!略懂命理的人都知道,某些人一生中的某個時間會有一個關口,我們叫做劫,過不到就萬劫不復,大步欖過了就必有後福。聽起來很迷信似的,但想深一層,以科學的角度看也不無道理。

親朋好友對某些事物的痛苦執着,我們總會勸說:放下、自在!看開些。但是原來人是很難放下的,只有經歷過生和死的瀝練,人才能輕易地放下。當你死過返生,你的心、你的腦、你的眼都會豁然開朗,再有任何事發生都難不倒你的,因為人生在世沒有一件事是大得過死的。重新拾回生命令你輕視所有的身外物,而身外物偏偏是不入急門的,所以你往往就可以無心插柳柳成蔭了。再見藍天白雲你會更加珍惜身邊的親友,不再吝嗇笑容、擁抱和親吻,人是亙動的動物,所以你會擁有更多的愛。

大難不死的人徹大悟了,所以就有後福了。

21 則留言:

  1. 同意!
    我諗經過谷底, 嘗過最差的日子後,
    見到好番少少, 已經話自己走運啦

    回覆刪除
  2. 係呀,看破生死,天下無難事矣!

    回覆刪除
  3. 所謂刧同福, 只不過一念之間

    回覆刪除
  4. 咁我為求幸福,先求大難吧﹗
    唉... 真係大吉利事.....

    回覆刪除
  5. >>...不再吝嗇笑容、擁抱和親吻...
    嘩, 有趣美人, 黎黎...抱抱兼嘴番啖先 ^3^

    回覆刪除
  6. 好多時,人遇上劫,其實唔係個劫令你落漠,而係自己放唔開,不過要放得開,又唔係個個人容易做到。


    放不開,是和一個人小器,有直接關系。


    有說法指,人的三十歲前命數不能作準,要看三十歲後才是人生定數,我深信不移,因為我就是這類例子。


    而且,我也相信,你住邊區,係又會直接令你命數好與差,因為當區人的氣數,會帶旺自己。


    我對風水無研究,只係一見某些屋,一眼望落去覺得有道黑氣,話之裝修靚,但唔自在就唔自在,通常呢類屋,主人氣數都唔會好。


    另,我深信,家中女人,如亞媽老婆,烏鴉口一日吱渣到晚,又係唔會好命,因為科學點說,人沒有機會靜下來,腦裡也不能思想。


    我有些朋友,個老母幾丫歲人吱渣多事,個仔唔會好仕途,個女都唔會嫁得好,無得解,氣數也。


    揀老公,揀個鍾意既,唔好一定要計有幾多身家,因為命數係富貴,自有安排,命數註定爛泥不上柄,期望揀有錢仔,都唔會得手,因為個氣數和氣場,和有錢人格格不入,此為無緣。


    見唔少例子,不刻意求有錢仔,但通常嫁得唔差,但挑剔的,已經面帶陰氣、眼神古惑、面部無光彩,有錢仔都運路走。

    回覆刪除
  7. 火仔:

    咪咒你阿媽!

    最多話佢多桃花!

    回覆刪除
  8. 呢隻鶴,連老母都咒,好毒呀!

    回覆刪除
  9. 火鶴兄, 童言無忌,
    hana 妹, 百無禁忌!

    回覆刪除
  10. 傳統智慧一定某D道理。
    "大難不死必有後福",其實一個人面對大難都死唔去,往後發生乜事都會覺得上天恩賜啦!活著便精彩嘛!

    回覆刪除
  11. Hana,

    保重 and 祝君好運 !!

    過客

    回覆刪除
  12. sorry呀媽,
    手快快寫多咗.

    回覆刪除
  13. 你真係update 得好快...
    差d追吾切我之前個段留言...

    劫有時吾一定係命中之數, 仲有因果法則..此乃點解曾墮胎之人通常都有一段日子會異常背運...

    回覆刪除
  14. 卡卡:我係話差少少就死果種啊!
    谷底?好難意識到乜係谷底格喎,低處未算低丫嘛!

    老麥:係丫,差點死過就知世事冇野嚴重得過死,又會領悟到:萬般帶不走,唯有業隨身!

    回覆刪除
  15. 篤篤篤撐 :唔係一念,係一線之差呀。

    Gideon, hehe,哩啲難唔係想有就有架!平平淡淡都係福來架!話時話單獨同七十妹晚膳你同康小姐備咗案未架?

    過客:攬攬

    大文:三十前都係生命的一部分喎!

    乖仔:桃花劫得一個遮喎而且大步缆過咗,依加享緊大把桃花(也代表人緣)的後福。

    回覆刪除
  16. 三點:佢講笑啫,學渣兄話齋我百無禁忌丫嘛!

    c.m:多謝!

    校長:係丫,桃花盛開添丫!

    大口仔:係囉!

    過客:錫錫!

    乖仔:知你玩遮,sorry咩喎,玩得起喎我。

    二打六:嘩,無端端講哩啲,我哩個moment唔識答喎。

    回覆刪除
  17. 哈哈...吹下水姐...我諗我可能老左會去出家..

    回覆刪除
  18. 謝謝連結 ^_^
    開心地過活的話, 就可以在生時經歷天堂般的生活. 相反地, 只是太早進入了地獄.

    回覆刪除

淡极始知花更艷,愁多焉得玉無痕。

Related Posts with Thumbnails