2009年11月18日 星期三

贏一半

Amy,

短炒或中線買入的股票我中意嬴一半止賺走咗先,股價再上我都有得益,萬一調頭向下利潤又一早經已鎖定。咁樣雖然唔可以賺到盡,有時甚至會賺少好多,但平衡咗風險,個人的情緒唔會太受股價左右,其實係投資市場上EQ比IQ重要得多。淡淡定,有錢剩就係哩個道理。

賭仔最容易喪失理智的場口就係面前堆咗好多籌碼,但唔明白啲錢一日未入袋,一日都未曾真正屬於自己,下一鋪開咩真係冇人知,所以啲庄家咪話:唔怕你贏,最驚你唔來。同樣道理股票的帳面盈利真係變幻莫測,唔套現嘅話永遠都係鏡花水月、數字游戲。

一注獨嬴的意思係得一注中曬,而唔係3、5、6、7注買曬落一隻股票度啊!總有奮曬身入市係炒股大忌,冇啲現金傍身,大特价都冇錢入貨,只有望门輕嘆的份。
Related Posts with Thumbnails