嘩！我好'驚'啊！

誰在惡意抹黑菜園村關注組？ 阿貓雖然回應咗有人投訴我抄文？ 但我真係好驚驚啊！睇博已經少留言了，間唔中留一次半次就惹禍上身了。

人家篇文入面寫咗：「大家要看清楚同記著這個博主，以及其一眾支持者是誰和他們發表的言論。最好將一切儲存下來，將來關注組若決定要打官司追究責任的話，可以拿來作證據。 」

死啦，我係阿貓篇 菜園村關注組貪婪的鐵證 冇匿名留言話：「鼓掌！ (我睇文向來少留言，見到啲紅色字唔留唔得呀！) 」

极愛有機耕種的我又係阿貓篇聖「菜園新村」冇匿名留言話：「個重點其實係有冇人肯用360萬買棵咁嘅樹先？ 講真如果知道咁樣插隻腳落去(關注？)可以有塊免費靚地種植，我就唔使係天台種得咁辛苦啦！我哩個咁愛好種植的70後一定比啲80後總積极更奮身。 復耕牌(耕種牌？)我都好恨啊！ 如果哩次佢哋成功咗下次再有同類事我第一個奮身沖落去'幫手'。 」

我咁留言係咪算'支持者'呀？真係好驚喎！我剩係眼紅個復耕牌咋！不過咁，如果人家 「菜園村關注組」啲80後關注完之後咩著數都冇攞拍拍屁股返市區，咁我就真係抵畀人告嘅。

但如果「菜園新村」重建成功，并實行「井田制」，公耕地交由哩啲80後打理大小宣傳事務；

本是社工從公帑領薪半輩子退休後從事傳銷工作從沒有務過農的高春香主席，今次申請復耕牌成功的話，咁我就決定投身或成立關注另一個菜園村小組了，有著數驚都抵吖！

$$$$$$$$$$$$$$$$$$$$$$$$$$$$$$$$

哩篇文擺咗草稿匣度都好多日了，本來諗住費時出了，估唔到人家咁有'毅力'，尋日再出篇阿貓你唔係以為唔駛找數吧？謂：「我希望阿貓你千萬不要驚慌，不要就此"閃"走，做人千萬要如你針對關注組那幾篇文章企得那樣"硬"，否則就有負你那一班大部份是匿名的支持者了。」咁我哩個從來冇匿名的'支持者'點都要閃出來驚一驚了。

而貓姐最新篇 新浪香港博主 Uncle Ray 法庭見！真係好鬼型啊！(冇法了，哩個世界實在太多死纏不放的盲毛，唔畀啲厲害佢睇，真係以為你氣虛呀！)