2008年8月11日 星期一

盛夏交叉博

窗外落緊熱帶氣旋大驟雨,雖然是下午四點,但成個天已經黑哂! 一個淺綠色的百佳膠袋剛巧在窗外一百碼以外飄舞。 呢個橫風橫雨的畫面,令我諗起一年前初夏一個星期日的下晝。

當時,妳返嗰份工需要經常往返大陸,我約妳都約咗好耐,但係仲排喺隊尾。 大大話話都等咗成個月,妳終於話俾我聽星期日下午四時至六時有一個空檔, 想要搵人陪吓攝時間,問我願唔願意被攝? 我記得我喺電話旁大嗌三聲:「好!好!好!」
第一聲是告訴妳:「好!我願意!」、
第二聲是告訴自已:「好!我終於等到!」、
第三聲是我想身邊的路人都知道:「好!我真係好開心!」。

雖然下著大雨,3:45分我已經抵達目的地,是旺角新世紀廣場的帝京酒店coffee shop。我離遠望著coffee shop的入口,等待妳的到臨。 妳穿著黑色短袖T-shirt,坐低之後,妳叫了一杯涷咖啡;
話題開始了,妳講了很多大陸見聞,都是我前所未聞,好像劉姥姥遊大觀園。 不能搭上一句半嘴,我只有默默點頭和剩聽的份兒。 其實望著妳,入到耳入到腦的說話不足20%。 妳的眼神中流露出一絲蔑視,點解面前呢個男人如此無內涵? 偶爾藐藐嘴,我只好阿Q地當作是微笑!

雨一直下,妳望手腕上的手錶,夠鐘赴下一個約會, 妳說要結帳,是時候把對話結束。 好像心理醫生的診斷時間終止,叫醒睡在貴妃椅上的病人。

我堅持要送妳去的士站,雖然妳拒絕, 步行去的士站的同時,我替妳的別去,如穿梭機起飛般,作最後倒數。 抵達的士站,妳臨上車的時候,在毫無先兆下,突然轉身輕吻我右邊的臉,是一個點水式的Goodbye Kiss!可能是答謝我請客的那杯涷咖啡。 中了頭獎得意忘形到不知如何反應?只呆立望著的士駛遠。 一個淺綠色的百佳膠袋被風吹到我身邊而清醒過來。

一年後,妳仍然每天都很忙,或者妳已經忘記了我是誰, 偏偏窗外一個淺綠色的百佳膠袋,又勾起我許多許多... 記起當時妳上車的背影, 記起當時我面頰是如何燙熱。

14 則留言:

  1. 思從對面飛來,吻人的是你?

    不過,太癡,我若為那男子,會這樣嗎?

    回覆刪除
  2. 我都覺得 "吻人的是你"!

    回覆刪除
  3. 會唔會男女身份對調
    妳遭男性偷吻?

    回覆刪除
  4. Derek ,今日囉,冇咩人力物力所以冇宣傳吖!你知啦啲資源去哂"噢...暈"果度吖嘛!

    多口人原來係有心人!

    tt、火女、校長:唔係我寫架!

    回覆刪除
  5. 睇多兩次, 先發現係交叉博 :p

    回覆刪除
  6. Morca,好奇來?

    匿名:冇睇標題咩?

    校長:悟咗啲咩先?

    火女:咁係唔係啦!文風都唔同嘅。

    回覆刪除
  7. 諗起去年你哋嗰個聒聖誕交义 blog, 咪悟咯!

    聽日去旅行喇,下個禮拜先至再上嚟!

    回覆刪除

淡极始知花更艷,愁多焉得玉無痕。

Related Posts with Thumbnails