2008年1月2日 星期三

一個想契仔去做鴨的契媽

靚仔鐵鎚blogger在今年聖誕前發起了前無 古人的聖誕交叉扑游戲(游戲在網間嘛)。我和火鶴都是較早響應(由始至終靚鎚都冇頒獎給我們這批第一時間拍手的博客):(的。在12月12號已經傳電郵給火鶴問準了可以在他的扑客張貼交叉文,接下來年尾總結很多工作又趕着去旅行,居然忘了寫交叉文給他,這孩子還蠻乖的,忍到22號才傳催文電郵給我,此時身在阿拉斯加。做人做事必須講信用,寫什麼好呢?
聖誕前在三點的博客回應裡開玩笑做了火鶴的契媽(沒辦法小女子天生愛開玩笑,有時候也會開過籠了,還望各位見諒,隨着功力日漸深厚希望將過籠情況逐漸消滅。),就想以火鶴的身份寫自已去做聖誕鴨,想深一層還是算了怕惹惱乖仔,急就章寫了一小段寄給他以穩定鶴心。寫交叉文匿名當然是想讓人猜不到,果然我寫的這篇口語化扑文沒人猜到。


《聖誕鴨 》
我叫張小強今年二十七歲,係一個專業的健身教練,雖然我讀得書少,中五畢業就出咗來哩個萬惡的社會工作,好彩二十七前成功制造咗我既嗰一晚,我阿爸盡心盡力,我阿媽都萬分高興,所以我哩個愛的結晶品硬件好好,身型好健碩,又幾英俊下。妹妹仔喜歡叫我高大威,細個時我都好驕傲,大個咗先知自己原來淨係威在外表,我個連體細佬咪又係普普通通。我一生人都好有女人緣,八歲已經開始收情信;十二歲同隔離班個小娟拍拖;拖過手仔又錫過個嘴;十四歲俾個英文miss嘗咗鮮飲咗頭鍋湯,當我認住佢係我的女人時,miss淨係俾咗封利是我,叫我以後唔好再搵佢。我喊咗五分鐘,用衫袖抹幹眼淚,跟住揸住封利是去買咗罐黑啤一飲而盡,原來啤酒一變黑係苦得咁緊要嘅。從此開始咗同我細佬一齊既閱女無數生涯。至今女人對我來就似街邊既的士,揮一揮手随時有得上,但係啲的士費越來越貴,咁落去真係唔係辦法。我咁靚仔時不時都會遇到唔收錢既司機,第一次固然興奮,內心實在感謝阿媽生成我一個萬人迷嘅外表,遇多幾次先發覺唔收錢既啲士通常都係巴士改裝。搞搞下我開始單手上網都唔搵女人了。就來聖誕節我都係孤家寡人似乎真係有啲齋,啲卡數又越欠越多,所以當今日見到熟客Bobo媽時就同佢講:聖誕嗰幾日假期我決定去佢間場客串。Bobo媽係尖沙嘴最旺嗰間會員制鴨吧既老板,成日都游說我去幫佢手,今日佢如願以償開心得笑不攏口。話保証我兩日攢到一個月人工喎。好,一於在唔凍既聖誕去做鴨。哩幾日我心身疲累,日頭係健身院返工身水身汗,放工返到屋企係咁上網做資料收集,夜欄人靜果陣時就拿起夏蕙姨幅肉照自我修練。唉,點知未還始做鴨先發覺到自己已經不舉,原來對住夏蕙幅相,個腦點諗舒淇同木村乃都係冇鬼用嘅。帶住萬分慚愧同內疚嘅心情,我忐忑不安地打咗個電話俾Bobo媽,聽我講覺不舉經過,Bobo媽係電話度足足笑咗兩分鐘,笑完佢話:傻仔,我哩個係頂級場,一個人一晚最低消費千五蚊未講街鐘架,街鐘就行緊長八短五,而啲客中意溝仔feel,未必咁快會去街,我果度絕對唔會有類似夏蕙姨嘅物體,所以呢你即管放心,淨係用你平時返工對我哋啲靚女客人嘅態度對我啲客已經ok,當然我總會操下你。女人哩樣野真係神奇,Bobo媽一句"操下你" 已經即時令我細佬昂首挺胸,諗起Bobo媽36D、26、36既美好身體(天然胸前偉大嘅女人條腰一定唔會22、23,哩啲係生理常識,兄弟們要記住了),運動後紅粉菲菲嘅面珠,起伏跌蕩嘅胸脯,啊呀!明知今晚要返工做聖誕鴨都係忍唔住爆發咗一次。冲咗個靚凉,穿上我衣柜裡唯一一套飲衫,姑慈嘅西裝,我覺得自己唔差得過劉華,下屆四點我淮時到達Bobo媽哩間於尖東海旁商業中心嘅酒吧,入門要按視像對話,確認咗先會由電腦開啓大閘,入到酒吧感覺冇乜特別,只是比較豪華,而沙發位全部呈U字型,超高嘅椅背私癮度較高,另外總有八間對住維港嘅VIP房。經理Dee哥帶我入咗老板房,Bobo媽穿了一你黑色吊帶裙,映得皮膚更雪白,胸前兩團寶具幾乎奪衣而出,我感覺到細佬又唔安份了...待續待續...

36 則留言:

  1. >>長八短五

    Err...請恕孤陋寡聞...啫係咩?晚八朝五?

    冰冰...又想問,呢篇“野”,真係你寫?

    回覆刪除
  2. Oops,掛住消化篇文,唔記得左:新年快樂,身體健康!

    回覆刪除
  3. 真係估唔到wor.........
    幾時寫埋下篇先

    回覆刪除
  4. It was written by you?! hahahaha

    It's a good one...Way to go!

    Happy New Year Again

    回覆刪除
  5. 兵姐萬歲﹗

    但係你仲未講,Bobo 媽點「操下」鶴仔呀?哈哈我都想搵 Bobo 媽操 fit 下呀﹗

    回覆刪除
  6. 估唔到係妳呀兵姐,好奇呀,竟然叫個仔去做鴨,兵姐果然奇峰突出!

    回覆刪除
  7. 其實係我貪玩就真, 只要契媽唔介意無啦啦多咗個不肖子就得喇.

    回覆刪除
  8. c.m,
    見到你識周圍去逛、去留言,真係開心!
    我係生菓報'托比'嘅間歇性fans,係佢度學格jar。
    "長八短五"=過夜八千,短聚五千羅(銀碼係我自創)
    呢篇“野”真係我原創絕冇抄襲,有疑問?

    回覆刪除
  9. 億利:
    hehe!
    得閑就寫格啦。

    回覆刪除
  10. 靚鎚:
    見你識補鍋頒獎,活檢我就唔參加了。
    不過會參觀。*.^

    回覆刪除
  11. 點點:
    係突發奇想啫,幫你報仇嘛。

    回覆刪除
  12. 乖仔:
    有啊呀遺傳啲!

    回覆刪除
  13. 報仇? 不如跟住就寫著住三點式嘅點點被公司派去放蛇, 但一見到強仔呢就情難自禁, 最後更被強仔攪到慾罷不能丫..

    回覆刪除
  14. 篇文响我度出咗十幾日
    依家先嚟消化
    原來呀小豺狼唔睇我個blog架嗚嗚~

    回覆刪除
  15. 果排我好似變左Clockwork orange 男主角咁呀。(米咁喇,衰鬼。)

    回覆刪除
  16. >>長八短五

    呢隻,真係好貴。

    >>?

    疑問就唔敢,不過估唔到原來托比都可以係女人啫

    回覆刪除
  17. >三點式嘅點點被公司派去放蛇, 但一見到強仔呢就情難自禁, 最後更被強仔攪到慾罷不能丫..

    哈哈
    佢一定叫「你去死!」

    兵兵:生日....噢!應該係 新年快樂呀!

    回覆刪除
  18. 阿仔哩次幫你唔到了(點點即管拖出去...)。最多幫你擦虛擬跌打酒?!
    *********************************
    衰仔連契媽醋都喝?

    **********************************
    c.m,
    依加冇事咪一天都光哂羅。

    應該係估唔到"原來托比嘅間歇性fans都可以係女人啫。"

    **********************************
    米米:
    咁快下集?總有中集架。

    ***********************************
    易亦:
    你都快樂得好遲喎。

    ***********************************
    貝貝:
    "好勁呀!!"
    你實係話小強定來。

    回覆刪除
  19. 後天下之樂而樂也
    嘿嘿~
    有心唔怕遲呀!

    回覆刪除
  20. -->米咁喇,衰鬼。

    哥哥同死鶴,終於公開關係喇咩!!!

    大隻仔,你果然知我心意,隻死鶴,我一定唔畀佢好過。

    大隻仔,佢之前話你「鞭長」「莫及」呀(講是非中)

    回覆刪除
  21. 嘿嘿~ 三點妹妹
    我長唔長你未必知
    我及唔及你冇理由唔知喎(拖埋你落水先)
    >;)

    仲有呀~你呀兵姐何止奇峰突出呀?直情插雲添喇!(要讚下主人家先得)

    突然調轉頭咁唸:咁...個契仔又想契媽做咩呢?嗯...

    回覆刪除
  22. 作者已經移除這則留言。

    回覆刪除
  23. 易亦:
    "有心唔怕遲呀!"
    要睇下講乜格喎。
    美人遲暮怕了掛

    *******************************
    "插雲"?
    咁又係你都唔長,得個恨字,等我叫阿仔幫下你先。

    *********************************
    喵喵:
    你真係醒!

    回覆刪除
  24. 兵姐,打大隻仔啦,佢講衰野呀!(挑撥離間中)

    回覆刪除
  25. 兵姐,我去左妳個分身度睇左篇文喇,但留唔到言,好慘呀,我成日上祈福商人當!

    回覆刪除
  26. 講乜?咪講新年快樂囉!

    怕遲暮?咁膚淺架咩?有時候同人生經驗豐富既人傾計可以聽到好多故事架!
    嗯~不過有時候膚淺下冇所謂既~嘻嘻!

    係呀插雲呀!插雲呀!
    (連3點都估到你冇理由唔知既!)

    你又知我唔長?莫非你...

    >佢講衰野呀!
    咩呀?我讚緊兵兵「好女人」呀
    哦!你話佢係衰野!

    哈哈!不過隨便打喇!打者~愛也!嘻嘻

    回覆刪除
  27. 原來係呢一篇!!! 嘩...令人熱血沸騰喎!!!
    :o

    回覆刪除
  28. 周身痕易亦:
    "不過隨便打喇!打者~愛也!嘻嘻"
    你咁講再加上你幅靚女相,好易令人誤會喎。
    ***********************************

    點點:
    我先唔打佢(打咪益咗佢)
    一於拖佢去同靚鎚一齊活檢

    ***********************************
    火女:
    "熱血沸騰"
    好喎,唔使手腳冰凍。

    回覆刪除
  29. 兵兵,咁你幾時同我R痕遮?

    哦!我唸左好耐邊鬼個係點點呢?
    原來應該係「點點點」

    >好易令人誤會喎。
    嘿嘿~你又唔係係度搵食
    怕咩喎 ;)

    同靚鎚一齊活檢?
    鐵鎚咁靚仔,你咁益我呀!

    回覆刪除
  30. hana:

    幾時有新作?我塘邊鶴咗好耐。你們的吹水熱哄哄,我這個2.5代老餅無位入。梗係啦,不到三代或以上,即係三級嘢無我份。

    期待你的夕陽無限好,因為我是近黃昏啊!

    laulong

    回覆刪除
  31. 傻亦:
    你真係傻咗。
    "兵兵,咁你幾時同我R痕遮?"
    竟然有咁嘅念頭,你傻得好緊要。
    *************************
    "嘿嘿~你又唔係係度搵食
    怕咩喎 ;)"
    你又知唔係?
    真係傻了。
    *************************
    "同靚鎚一齊活檢?
    鐵鎚咁靚仔,你咁益我呀!"
    係人都知你係男人來,做咩傻到不打自招啊?!

    回覆刪除
  32. laulong,
    多謝留言啊!
    出咗聲就唔好再做塘邊鶴啦,如果唔係會俾人打啊。
    二級半好喎,進可功退可守嘛。

    回覆刪除
  33. hana,打交,我唔驚。我打交大。拳怕少壯,棍怕老狼。比支棍我,多多殺起。

    ......講下咋,老骨頭最鍾意同人講耶穌,誨人不倦嘛!

    回覆刪除

淡极始知花更艷,愁多焉得玉無痕。

Related Posts with Thumbnails