之前去上海都是以私家車代步的，极少搭乘地鐵，這次因為要陪第一次到滬的友人游覽觀光，全程幾乎都以地鐵做交通工具，這下才驚覺上海的地鐵發展得如此迅猛，令人嘆為觀止。
因為世博的關係，地鐵迅速地發展至10條線路，全長超過200公哩，城隍廟、南京路步行街、東方明珠塔、七寶古鎮甚至松山......幾乎所有的熱門景點、地標都有地鐵直達。地鐵站環境、衛生都不錯，就是空氣循環系統不怎麼地，有待改善。
地鐵站的 自動販賣機居然有賣藥的！
細分成很多種類的疾病，讓係一目了然地'自我藥療'！
10條地鐵線用10種不同的顏色標識車廂、車身和站牌，最喜歡10號線的粉紫色，顏色好美的。
也有像捷運般的博愛座。因為會聽會說滬語，坐地鐵八卦到不少當地人的'生活'和'心聲'，對物價、樓價怨言總是有的也不少，但總體來說還是以身為上海人而自豪的，特別是面對我們這些'外來人'問路的時候，那種當家做主的主人翁感覺真是濃得化不開的。
如果大家都是月薪1000元港幣的話，上海人的追求是iPod touch 8GB ，而香港人追求的卻是32 GB的iPhone 4 ，這就是兩者間最大的分別了。相對1000元的月薪，iPod touch 努力一下就到手，iPhone 4卻像海市蜃樓般虛無縹緲，所以前者可以衝衝衝，後者就是不斷地怨怨怨......
發表文章
我對上海的感覺也是挺好的！
回覆刪除也不知是怕還是不該怕，香港如此吵鬧下去，早晚不及國內幾個大城市了！
我反而對上海地鐵有意見, 其一是作為一個千多二千萬人口的大城市, 全新開發地鐵車廂比hk狹窄好多, 比得上日本, 十分令人奇怪。
回覆刪除據我久居上海的朋友所言, 部份線路的車廂size與其它線路大不同, 令我大為震驚, 而且他們言之鑿鑿, 說其中一條線是招了標訂構了車廂, 才開始規劃。
其二是好難想像, 有幾條線晚上7時(?)之後就沒有sevice,應該因為偏遠地區使用率低的關係。是想用地鐵帶動地區發展 ?不知到了該等區域發展後, 有沒有需要更換車廂 ? 發展模式與hk相反, 誰好誰壞, 要日後先知
其三是配套, 我有幾次入錯閘去錯月台, 想行番過對面, 都搞唔掂, 行左好多分鐘.
沖沖沖 = 衝衝衝??
回覆刪除上海地鐵對地下水的處理能力，跟香港還差一段距離。
10號線服務時間過咗仲可以賣地鐵飛，售票機又無寫出嚟。同樣地，某啲站要出站轉線，用單程飛要買兩次飛，但售票時又係無講清楚。
上海的地鐵亦應該不能做到如香港一樣1分鐘一班的緊密。
我們港鐵已為內地城市，包括北京、深圳，以及其他海外地方提供，營運、收費系統、顧問等服務。
上海???慢慢來，慢慢追。
上海人追求iPod Touch想是要來用的，但港人追求的iPhone4卻是要來炒的!
回覆刪除上海... 因為那裏有位姑娘，所以想去也不敢去，唉，都是自己作的孽。
回覆刪除-同學MBA
超喜歡博愛座呢個設計, 就好似坐上層巴士咁, 要讓坐落樓下啦唔該.
回覆刪除校長：或者有得吵都係一種幸福呢？！hehe...
回覆刪除篤篤篤撐 ：狹窄好多咩？我又唔係好覺喎！反正上下班高峰一樣係人逼人，非繁忙時間有位坐一樣咁舒服快捷。
>部份線路的車廂size與其它線路大不同, 令我大為震驚,
好正常啊！少人搭的路線咪細啲容量囉！幾好吖！
>其二是好難想像, 有幾條線晚上7時(?)之後就沒有sevice,應該因為偏遠地區使用率低的關係。
10號線係下午5:30呀！因為係試營運(趕世博面子工程？)吖嘛！正式通車之後就唔會了。
>發展模式與hk相反, 誰好誰壞, 要日後先知
你知唔知上海幾大呀？如果跟hk模式發展咁就大檸樂囉！
>其三是配套, 我有幾次入錯閘去錯月台, 想行番過對面, 都搞唔掂, 行左好多分鐘.
10線真係好鬼復雜，我冇畀心機去研究真係完全搞唔掂。
過內人：已改，thx.
回覆刪除真係覺得自己好醒(畀我認下叻先)，標題寫咗「個人意見」，我寫咗之前去上海都係揸車，係市區塞車塞到想打人，哩次搭地鐵方便快捷到想唱歌，所以印像幾好。
>10號線服務時間過咗仲可以賣地鐵飛，售票機又無寫出嚟
當地人都知道未班車係5:30pm，一早通知咗我所以我又唔覺哩個問題。
>某啲站要出站轉線，用單程飛要買兩次飛，但售票時又係無講清楚。
九成九用售票機賣飛而售票機又真係幾難同你'講清楚喎！我哋自己上網做足功課由市區轉三條線去七寶都只係4蚊人仔遮嘛！雖然轉線要行唔少路但節省幾百蚊的士錢和三份二時間喎！
>上海的地鐵亦應該不能做到如香港一樣1分鐘一班的緊密
嗯，想問你如果有條線由山頂去沙頭角使唔使1分鐘一班呀？
當然上海地鐵都有不足，地鐵站啲空氣真係好唔掂，人多少少我就抖唔到氣，如果我去長住一樣會揸車代步或者睇下有冇能力請個司機啦！
當地人都知道未班車係5:30pm，一早通知咗我所以我又唔覺哩個問題。
回覆刪除九成九用售票機賣飛而售票機又真係幾難同你'講清楚喎！
上述兩個問題，最其實都係good or better 的想法。
當然，我都同意你話若要塞車，我真係寧願搭地鐵，但呢個係上海的士 vs 上海地鐵，若然要上海地鐵 vs 香港地鐵，響班尾車告示同轉線安排兩方便，一定係香港優勝。
以下同屬個人意見。
廣、京都搵港鐵幫手，係上海要面所以唔肯。
我提到的地下水問題，以我所知，港鐵最得最差嘅一個站係太子，所以成日有陣臭味。
當年上海整地鐵無搵香港，完咗隧道工程請過一班香港工程師去展示實力，點知……
成條隧道都係地下水，情況仲大鑊過香港好多。
地鐵入面仲有得賣大閘蟹既自動售賣機架。
回覆刪除過內人：你說得完全對。
回覆刪除鹿米館 ：好似係喎！
Ebenezer，炒好易接火棒喎！
同學MBA，車，你唔通知人咪得囉！(學我吖嘛！hehe...)
火鶴 ：我有次實在太暈坐咗呢...
當越來越多人發覺iPhone 4咁貴，並非緣於無原料起貨，而係有人人為收緊原料供應所致，自然會起哄~~
回覆刪除