生菓頭版擺明玩野。
「一個人對抗地產惡霸」：
【本報訊】地產霸權無處不在，操縱港人衣、食、住、行。 37歲的自由工作者龐一鳴看不過眼，決定以個人力量起革命，上月起拒絕幫襯大地產商提供的服務，光顧小型店舖，代替超級市場；以踩單車代替乘搭公共交通工具；以手洗衫代替洗衣機。三星期下來，他省下了金錢，還消耗了脂肪，更進行了自我反思：「就用未來一年時間玩玩自己，也和他們玩玩，看看大地產商在香港的壟斷有多麼長闊高深。」記者：袁慧妍
「用冲凉水洗衫冲廁」
電費是避無可避的開支，面對兩大電力公司壟斷，一鳴惟有減少耗電，衣服改由手洗，「用冲凉水洗衫，仲有剩就用嚟冲廁」。電訊行業同樣被大地產商壟斷，只有萬眾不屬大地產商，龐一鳴遂從新世界轉台至萬眾，更興奮地表示有數個朋友已跟隨。
拒絕幫襯大地產商亦有困難，龐一鳴憶述，有次深夜想買廁紙，但附近小店已關門，他不想光顧連鎖便利店，惟有以洗澡解決，廁紙翌日再買，「自此就學要早啲計劃買啲乜嘢」。
他認為就是這種沒有選擇下的選擇，可以讓朋友或更多人思考怎樣在香港生活下去，「唔止要反對地產霸權，仲要做啲有建設性嘅嘢」。
$$$$$$$$$$$$$$$$$$$$$$$$$$$$$$$$$$$$$$$$$$$$
我唔識擺條動新聞的片上來，看得到的朋友請留意18"的片斷，阿龐生在行人路騎單車是會被檢控的，各位千奇咪學。
58"的片斷顯示淋浴間中的藍色桶就是阿龐生用來接住的洗澡水的工具，我的疑問是點接？可以接幾多呢？如果龐生係企入個桶度嘅，扣除他雙腳的體積，水應該接得半桶咋！但可愛的龐生話：「用冲凉水洗衫，仲有剩就用嚟冲廁」喎！而龐生總話用皂去洗衫！如果唔企入個桶度淋浴啲水又點接呢？好撓頭...
最反智係哩段「龐一鳴憶述，有次深夜想買廁紙，但附近小店已關門，他不想光顧連鎖便利店，惟有以洗澡解決，廁紙翌日再買，」，洗澡省啲定係去便利店買卷廁節省啲呀？我就諗到住係親戚屋企洗澡省啲嘅，買廁紙要即刻磅水吖嘛！友人好搞笑的即時諗到：「佢用洗澡洗衫喎！啊呀呀！」
發表文章
我反而覺得最反智的是佢租樓唔買樓, 呢個logic成立的話, 呢度應該有好多人對抗緊地產商。
回覆刪除我其實都對抗緊法拉尼、保時捷、勞力士、....
不過, 呢段新聞上頸條, 代表今日冇新聞, 係好事 !!!
生果報同埋呢條茂利唔單止係反智，直頭係弱智。
回覆刪除利豐都算係地產商??
回覆刪除其實利豐有乜地產項目呢，我真係想知。
牛奶國際應該仲係hold 咗美心一半，但決策權仍然係響伍氏家族，佢要當係都無計。
中電近10年除咗海逸豪園外，都搵唔到有第二個樓盤，當然，要跨過去計大酒店又另一回事。
其實香港啲碼頭都係地產商、唔係和黃就係九倉；落深圳又係和黃，所以佢就算去士多買嘢，啲貨都有機會畀佢哋賺咗錢。若果係落飛機，又有機會畀咗錢太古賺。
其實呢d新聞可作作架喎, 好難/或者冇乜人會認真咁去考證.
回覆刪除當然, 生果亦可以搵個精神有d問題既人或者偏執狂既行為來做新聞, 但係佢地既行為就毫無代表性同參考性囉.
btw, 反正蘋果都係咁計，佢應該唔交稅。
回覆刪除因為政府就係全香港嘅大地主，所有地皮都只係賣使用權。香港有約一半人住公屋，即政府係一半物業嘅發展商。仲有，無論你間樓係發展商起、政府起、自己起，你都要交差餉、地租、地稅。
咁再延伸落去，就連水費都唔應該交，用水坑水吖，好清之餘仲有礦物質，好過水記啲水。
一貫的鼓吹仇商，肥佬黎依家係教主喇，勁過麻原彰幌！
回覆刪除同朋友食飯時洗唔洗對抗地產惡霸？
回覆刪除幫公司揾生意時洗唔洗對抗地產惡霸？
兵姐,係可以用某D HTML code 抄返蘋果嗰頁出來嘅,不過太複雜,要有一定電車技術才做到。
回覆刪除我通常都係用software download 左段動新聞,然後有upload上youtube,全程只需幾分鐘。
呢段反智新聞,最離奇係點解可以「以洗澡找替廁紙」。
佢好似同佢個親戚玩玩多D, 而生果報就玩緊D無思考能力嘅讀者.
回覆刪除蘋果似寫到串佢偏執多D ....
回覆刪除當笑料睇就算啦
有幾多人會對佢做既野認真對待 XD
佢唔係跟地產商過唔去，係跟自己過唔去！
回覆刪除不過我諗，出書先係佢真正目的！
一個自以為事的blog,一斑亙雙吹噓的留言.,你們的生活一定是好空虛.
回覆刪除匿名 ：阿匿名多謝你個留言！因為帶咗歡樂畀我，好好笑。(至少我哋未空虛到去個「一斑亙雙吹噓的留言，自以為事的blog」的匿名留言呢！)
回覆刪除哈哈哈...