係 詩白爾 嗰度見到哩兩條片，一睇之下'驚為天人'，我可能唔正常，如果哩兩個係我嘅仔的話，我會想死。我成日覺得冇哂童真的細佬仔總恐怖過鬼。
我做人阿媽可以用冇規冇矩、冇大冇細來形容，成日捉弄啲女，啲女又成日整蟲我，我會同個女玩打交，打打下變真打，跟住又互相道歉攬頭攬頸。農歷7月14細女特別驚鬼攬實我瞓覺，半夜去完廁所見個女瞓得好熟，突然想試下佢係咪瞓著咗都驚，係佢耳邊极細聲話「七月十四」，佢真係嚇到彈起，我就笑到肚痛......
一條片換兩個景，分明想show off個家庭背景，可惜個男仔未大先老，成個執咗業十幾廿年的醫生咁款，咁細個個髮型就要二八分，應該都係遺傳啦！真係冇陰功囉！(可見甩頭鬉真係冇得醫！)其實哩位同學都幾有做笑星的天份，條片前半段我一路睇一路笑！
發表文章
呢兩條片將會係佢地一生既污點
回覆刪除呢d細路，在果d扮貴族教會裡面，通地都係。
回覆刪除頂唔順,睇一鑊笑一鑊,笑到肚痛
回覆刪除哈哈哈哈！我想，我會給他們10分滿分！很有勇氣。
回覆刪除10 out of 10 for effort!
睇左一半，已經頂唔順，好想死呀！
回覆刪除Eeee, 花花，唔好講甩頭髮喇...
回覆刪除我情願我個仔我似我細個咁，著件爛背心，踢拖鞋就周街走，通山跑。仲要同啲牛王頭、爛仔打吓交道...
片裏面咁 refine 嘅細路，總覺得大個咗會有好多缺陷！
低鳩能唔在講(Sorry, 若果唔想出粗口，請Delete，你出即係Okay 喇)，仲要放鳩晒啲獎盃響後面，以為自己好撚強。
回覆刪除佢個專業人士Look 已經係加零一地柒，仲要以為開兩個景好撚巴閉。開多個場口唔係咁開o架，柒撚！
堅係咁有錢，請人拍喇。仲應該請個形象指導，咁先唔會有個柒到無朋友嘅頭。
不過拍得呢條片，條柒仔都唔荒多朋友。
雖然佢係喇沙，感情上唔係好想串佢，但真係好過分，影鳩衰晒，所以都要咁講。
玩一陣唔會死喎，雖然小弟都唔玩network games
回覆刪除爆炸頭 ：拍得出佢哋應該自認係優點喎！
回覆刪除Ebenezer，我有啲學生都係，只不過平時唔會用'朗誦'腔講野，都頂到。
N. 第二個好笑啲，第一個直頭想拗斷佢隻手。
Sam ，總好自負添啦！
小朱：原來我係正常？因為我都「睇左一半，已經頂唔順，好想死呀！」
校長：不愧為校長，不動聲色教我改錯字，即改個'甩'字。thx
過內人 ：粗口既唔係我講，又唔係講我，當然出得啦！
噢，你係人哋個師兄，不如你又拍條片來玩下？最多叫「成人金口獎」囉！
hkeric ，人哋認為有毒！
>仲要放鳩晒啲獎盃響後面，
回覆刪除獎盃咁擺真係做死個工人！無遮無掩好鬼若塵，抹都抹死啦！
我中學年代都有玩朗誦，仲OK勁架，每年都拿到一兩個冠軍同兩三個亞軍或者季軍。不過，就連我呢D見慣朗誦腔既人，都睇到一半頂唔順想打人。
回覆刪除之後我睇番其他人既comment，笑死我啦！
其中一個係：你的髮線如何，你的人生也必如何！
Hana姐姐，精采o既又點止呢兩條片？
回覆刪除睇埋先啦~
呢個星爺D徒弟來的
http://www.youtube.com/watch?v=5VRH6rhqG-4
呢兩個加左好多「特技」
http://www.youtube.com/watch?v=X5X-NAlXW9w&feature=related
http://www.youtube.com/watch?v=8wWJ8FOMzOM
另，校長你快D黎解答下篤篤兄個好有趣o既問題，佢問「係邊個搞出D鬼唔似鬼, 人唔似人o既"朗誦腔"？」
唔算得晒係師兄……
回覆刪除我拍咁多條片，都無自己響入面。我淨係識響個鏡頭後面指三指四。
一路睇，一路笑，又想嘔，如果佢地係我個仔，我諗我已經死咗，partly 係笑死，但係被激死嘅可能應該大啲！
回覆刪除第二條片果個唔係未大先老，而係未老先衰（btw,第二條片我用 mac 機出唔倒）
我都有想過比阿仔考吓呢啲名校，不過我阿仔拍埋以上兩位真係“望塵莫及”（成熟程度）！我有朋友細個讀培Ｘ，佢個仔曾讀過培Ｘ﹠喇Ｘ，最後轉咗去讀國際...
我把你這個直接轉貼到 facebook，因為太好睇，要同朋友分享！
assenav ，中學同U我都中意參加辯論隊(走嗰陣都係隊長來)，貪佢即時應對睇臨場反應好好玩，而朗誦對我來講太悶了。
回覆刪除小詩：多謝分享呀！
過內人：噢。(冇粗口有啲唔慣添)
SKII ：做人阿媽既睇哩兩條片真係百感交集呀！
哈哈, 幾好笑吖.
回覆刪除如果我係佢地阿媽, 我就會比較擔心佢地咁鬼悶第時大個唔知搵唔搵到老婆/伴侶囉, 我會更擔心佢地到時聚番個同佢地一樣咁古肅既老婆/伴侶囉.
其實, 佢地作d文都有紋有理, 好唔錯架喇, 個video都係根據佢地既大作舖排既啫, 對住鏡頭又要諗住點樣攞高分, 係緊張d同埋生硬d架喇. 細路哥吖嘛.
Somehow 第一條片已經not available...
回覆刪除睇左第二條...真係好驚!!! 太人工太老績了, 配合埋o個把聲真係...好難搞...
第一條片剷走咗, 睇唔到添.
回覆刪除題外話:
> 柒撚！
http://4.bp.blogspot.com/_aWvIuX9Fbn4/THlYAIgkq-I/AAAAAAAAA94/2cseVChyyuQ/s1600/7.jpg
做番適合自己嘅嘢, 舒舒服服就好.
回覆刪除http://www.youtube.com/watch?v=E5oO4AvWn7k
大概他們父母是很自豪...吧
回覆刪除p.s.第二條片我看得有點反胃