我的選股思維

上個月股友Jay寫完 中國下一亮點 --- 重慶? 係twitter話：「想問各位，重慶係唔係真係好似佢地講到咁理想？係嘅話，除左960，仲有無其他可以食正？」

走去check下有咩股食正重慶條水，揾揾下開始留意2722(重慶機電)，該集團主要業務分四個板塊，包括商用車輛零部件業務、電力設備業務、通用機械業務及數控機床業務。由我開始留意此股一路係2蚊附近徘徊，因為從未掂過哩隻股，都想睇清楚佢份中期業績先來決定。

8月31日公佈業績：今年６月底止中期業績，純利３﹒４６億元（人民幣，下同），升６０﹒５％，期內，營業額為４２﹒６３億元，升５２﹒１％；毛利８﹒２８億元，升６６％。 」 業績幾好但唔派息，前日跌落2蚊樓下，以＄1.95買入，昨日＄2.10沽咗。

此股昨日收市價係＄2.14，突破曬10、20、50平均線，企硬係2.1樓上，星期一開市唔排除向2.2進發的可能，但我唔會高追。錢係賺唔哂嘅，留返啲水位俾人其實亦都係減低自己接火棒的機會。會 吼回落先再玩過。