香港地奇人越來越多，以下兩件發生係公車上的事都是本人哩幾日的親身經歷。
一.東鐵
話說本人排在車門較前位置，加上身手敏捷係羅湖一上東鐵即刻揾到位坐，較好ipod之後抬頭望到一家幾口老、中、幼又拖幾個行李的中港之家(？)好狼狽咁款企係車廂中間，於是即刻起身讓座。個年輕媽媽一開始話：「唔好」，但我已經企咗起身，跟住佢叫個阿媽來坐，并且好有禮貌咁用歪歪哋音的廣東話講：「唔好意思，老人家唔搭得車，啱啱係鄉下出來...」我笑笑話：「唔緊要。」(點解我會講哩句而唔係話'唔使客氣'呢？好迷茫。)
幾乎同一時間，一個60來歲著住件鮮紫色T恤的港伯用好標準的廣東話以中等音量咁對住空氣話：「唔搭得車就唔好落來啦！大陸喱！」我O哂嘴咁望住佢，佢個樣原來好憤怒！即係好似全世界都爭咗佢咁。出人意表的是，成班所謂的'大陸喱'都冇搭佢嘴，默不作聲咁當聽唔到。
二.巴士
非繁忙時間非公眾假期，上咗一架新界巴士，因為怕紫外線，撿咗個靠走廊的位坐，隔離靠窗位係吉嘅。過咗兩個站有幾個人上車，當中有個唔知係肥定係有身孕的婦女抱住個歲幾的BB上車，我環顧下車廂，見得我隔離個位係吉嘅，咪挪過去坐入邊個位，等佢坐低方便啲。點知個婦人將個BB轉手交俾身後個男人，自己就'淨身'坐低，然後哩對男女就用好期望的眼神望住好茫然 的我。我冇表態繼續安坐於巴士座上，個婦人開始用啲好粗俗的說話問候人娘親，訴說世態的'炎涼'，佢老公抱BB都冇人讓座雲雲...。嘈咗一輪見我(其他人？)冇反應，佢竟然用碩大無比的屎忽逼埋來夾硬搶咗我半個位，油膩膩、光脫脫的半截大腿緊緊貼住我對4個骨絲襪，然後叫佢老公坐係佢隔離...
我真係老了，竟然冇哂火，乖乖哋起身，等佢哋一家團聚係兩張巴士椅上，個男人竟然用勝利者的口吻同個老婆話：「D，一早死開咪好囉！搞著你...」我一啲都唔嬲，只係登個BB悲哀啫。
人說咩人遇咩事，我越來越相信自己係奇人，如果唔係，因乜解究成日遇上啲奇人、奇事呢？
發表文章
自己坐係度都唔抱B，做得咁出面要逼走你，俾著我，我一定唔讓！
回覆刪除奇人奇技奇表演!
回覆刪除一個位睇出一個人嘅修養!
Coffee n Tea ，俾著以前一定唔讓！但哩個婦人又大汗身度又有陣好強的味，咪算囉！再講如果唔起身真係要斗氣啦！唔值呀！
回覆刪除the8 ，咁搞法總邊敢做好心呀？
世風日下. 無言以對.
回覆刪除真係好過份!! 你真係好修養，我對呢D人真係忍唔到!
回覆刪除我自问不是奇人, 但一样遇到这种奇事, 虽知道在下一年都没有十天在香港.
回覆刪除上次回来第一天就在商店跟一个欧巴桑吵架. 她跟她的BB车挡住一条通道, 跟一个挡住另一通道的欧巴桑聊天. 我妈不好意思叫她让开, 就只好側身过, 不小心碰到BB车, 然后被她问候. 在下脾气不好, 立刻扯火.
花花，我都唔係奇人，但係香港遇到嘅奇事耐唔耐都會有。
回覆刪除你嘅第一情況我遇過。係一班阿嬋對住位外傭恥笑，笑佢為乜咁肥，個外傭應該係唔識呢班人嘅。我自己買嘢嘅時候都遇過啲無端端被人鬧嘅情況，另外有啲就睇你唔起咁。呢啲多數係舖頭仔度發生。
學似你話齋，老啦，廢事同佢開戰。越大越覺得，有啲人真係唔值我嘅時間。
Quality Alchemist，你有冇睇聖安娜月餅男呀？
回覆刪除http://www.youtube.com/watch?v=Le8ulHIrIZA&feature=player_embedded
唉...香港地...
wiwiana ，其實唔關修養事，係哩排特別心平氣和唔想煩啫。
Desertfox ，最緊要係自己心境，想扯火就要扯啦！屈住總唔舒服啦！
Anon ，有時我會諗係咪哩啲人可以靠自身爭敢到嘅野太少，而能力所限只能够向看似更弱小的人開刀呢？
回覆刪除要有禮地說：讓坐與老弱傷殘是應該的
回覆刪除呀？噢！
回覆刪除「有時我會諗係咪哩啲人可以靠自身爭敢到嘅野太少，而能力所限只能够向看似更弱小的人開刀呢？
回覆刪除是呀！這可能就是佛洛伊德所講的Replacement。
有容乃大
回覆刪除容天下難容之事
四個骨絲襪包圍修長的雙腳
一副好心場容下寬廣的心境
"有時我會諗係咪哩啲人可以靠自身爭敢到嘅野太少，而能力所限只能够向看似更弱小的人開刀呢？"
回覆刪除花花，妳提到呢樣嘢，我就越嚟越感慨。妳所講嘅，就正正係我覺得香港近年嘅一種趨勢。上至政府，下至商戶小市民，基本大問題唔去面對，細問題就捉住吵個不休。因為可以靠自身爭敢到嘅野太少，而能力所限只能够向看似更弱小的人開刀。"賺到盡"呢種理念同以上嘅嘢有密切嘅關系。嗰對夫婦，就係要賺到盡嘅例子。公司要同股東交代，對夫婦要同自己交代。
以往香港有過呢種賺到盡嘅時候，大概係80年代經濟起飛初期，舉例例如食自助餐要攞到盡，唔理浪唔浪費食物。我睇到嘅係，而家呢種諗法又再重臨。
前日喺巴士上層, 坐後面既女人霸住個吉既窗口位唔俾其他人坐, 佢用帶有鄉音咁話已經有人, 果然下個站佢對17,8歲既仔女上咗車, 當佢地見到佢地阿媽咁樣霸位, 即刻擰頭就走, 但係佢阿媽大大聲兼吟吟o尋o尋咁叫其中走得魔既家姐返轉頭, 等到全車人都望住哂, 搞到個家姐幾唔好意思.
回覆刪除我上次回香港，都發覺好多壯年男人鍾意爭位坐。好似怕蝕底咁。
回覆刪除類似第一種情況，我嘅西人女友人都經歷過。都喺無啦啦俾本地人／大陸人恥笑／鬧。佢喺比較肥胖（其實都唔喺，喺比香港女仔肥啲啲嗟）。偏偏我嘅友人喺廣東話國語都識聽識講嘅!即刻鬧番轉頭。
真的為BB難過啊...
回覆刪除每年暑假回香港都會遇上類似的事情，氣得我爸媽都說幹嘛花錢受氣，每年都說不要回來，可我嬤嬤不許嘛，一定要見見孫子孫女（我和弟弟），唉，好為香港難過／擔心。
:(
所以, 坐公車要坐上層.
回覆刪除細個時睇電視劇/電影見到呢O的故事, 都會心諗『又會咁誇張O既』... 大個發現, 正如倪匡先生所講, 小說O既誇張劇情, 好多時只係參照一O的現實發生O既人和事而寫. 而更殘酷O既係, 現實好多時係更誇張...
回覆刪除呢O的人好羞家! 哼!
你呢兩件真係奇事,居然冇命案發生
回覆刪除我曾經有你差唔多嘅第二件事發生係火車上, 我坐係二人位, 跟住有個女人迫過黎, 跟住再叫佢老公坐佢隔離, 三個人坐兩個位到我落車個站...
hana姐姐會唔會少見多怪？
回覆刪除=[
我覺得前者係好多香港低下層的成見 (即是指無須理會對方是否搵著數，總之就係抗拒內地人來港)，但個阿伯好唔俾臉咁講埋出口。
回覆刪除後者一睇就知係人渣夫婦，通當佢地的下一代都係人渣； 如果下一代唔係人渣的話，有對人渣父母應該會好難受。
只係登個BB悲哀啫。>>>>bb大左, 就會學佢地, 呢d人, 應該鼓勵佢, 等佢有報應
回覆刪除行為已經可恥，說話更是可悲。
回覆刪除祝福佢哋一家三口！
佛爺 ：唉...
回覆刪除過內人 ：有容乃大是真的，但我份人係絕對唔會容難容之事！凡事都睇自己心情/境行事，絕不委曲自己。
Anon ，以我做生意的經驗來講，賺到盡只會死快啲。
舞了：唉...哩啲阿媽難為咗做仔女嘅...
eric，係囉，你話香港究竟發生咩事呢？
婉兒：個BB有咁嘅父母真係慘。
回覆刪除火鶴 ：咁下層有位又唔係好長程車走上去麻煩嘛！
川 ：哩啲人真係越來越多啊！
l.minor ，你有所不知個女人有2個我咁大頓位啊！
小詩：好明顯係啦！我少搭公車嘛！我啲朋友話如果我日日搭巴士的話根本唔會有咁嘅情形，因為我已經見怪不怪泠漠到唔會讓座啦！
11:54，東鐵嗰單奇人我指嘅其實係嗰個家庭，點解會有將自己睇得咁低微？我讓個位俾佢，講聲唔該已經好足夠，但佢竟然話唔好意思，總要加上咁多'注解'，而嗰個阿伯擺明總撩交嘈，佢哋又好似真係做錯野咁噤聲。
回覆刪除篤篤篤撐 ：報應？咪咁啦！個BB冇得撿父母！
荒木茂 ：又難得佢哋夫妻同心喎！
哗！那个伯伯和夫人很没有教养哦！
回覆刪除换作是我也会走开，懒得跟这种没品的人计较。替BB感到可怜，希望他们明白身教这回事。
花花：
回覆刪除鮮紫色T恤的港伯，同個唔知係肥定係有身孕的婦女同佢老公，都有一票架，死未？
仲有，花花你該是溫柔了，俾著我，佢兩公婆諗都唔敢諗！
娜姐:
回覆刪除成日遇著奇人奇事, 有我陪你呀!>_<
俾著我, 讓佢個死人頭.
失敗的公民教育
回覆刪除U A HK KNG!!!!!
回覆刪除你 是 香港 奇女子！
吾關你係奇人事,因為香港地周街好多呢d不知所謂既人,佢夠膽話我吖那,我肯定同佢嘈,我一定要讓俾你坐架?吾讓有罪架?
回覆刪除