又到新股認購時

九隻新股暫時決定小注抽美即控股 (1633)，大手抽博士蛙，全部用實錢唔做孖展

新股美即控股(1633) 由華瀚生物製藥(00587)分拆上市，主要在中國從事面膜及其他護膚產品的研發、生產與銷售。 根據CTR報告，按2009年零售額計算，「美即」品牌佔有中國面膜行業15.1%的市場份額。 集團主要專注於面膜產品業務，截至2010年4月止，集團以其「美即」品牌提供11個系列共141種面膜產品，並取得多項獎項及證書。

這些資料其實可以不看，上市文件就像一個化行妝的美女，佢唔落妝外人真係冇辦法知佢究竟長得點樣。哩隻牌子面膜我冇用過，本來想買塊試下龍與鳳，但一睇到西京劉央話係美即控股面膜既忠實擁躉,即刻縮沙唔敢試。
不過係大陸二、三線城市，我的而且确見到哩隻野熱賣，咁小注短炒內需概念應該都博得過嘅。

博士蛙去年收入6.3億元(人民幣‧下同)，盈利則為1.3億元，同比增1倍。在新開店舖刺激下，德銀估其2010年收入及純利各有1.22倍及92.3%的增幅(詳情參附表)，毛利率則將維持穩定。德銀給出的博士蛙2011年市盈率預測，介乎21.1至26.5倍，公司市值介乎114至139億元。

哩隻野係大陸好鬼巴閉，係大陸是童裝名牌中的名牌，因為總未有國際性童裝牌子成功入室，所以係大陸送關於兒童的禮俾人我都係送博士蛙！哩隻牌子貴野來！收的開心，我就肉都赤埋。

雖然決定大手抽(因為預期超額認購都幾勁，唔會派得多)但哩隻野都有隱憂嘅：

博士蛙自2008年起轉變商業模式，不再直接參與製造，轉而主攻產品設計及銷售渠道開發等，公司更自去年底起經營旗艦店。德銀報告中表達對經營模式轉變的擔憂，指公司09年毛利率較08年下降了14個百分點。而公司管理層又表示，明年收入增長動力將主要來自資本需求相對較高的新模式。

買股票嘅野就係咁(其實人生都係)有好就有壞，有喜就有憂，如果有實贏的話哩個世界就太冇癮了。(人人都係嬴家即係冇輸家，冇輸家即係冇嬴家。)


戰報：

1)抽中5000股上市價＄3.30的美即控股 (1633) ，以＄4.57元盡沽 ～04- 09-2010

2)抽中5000股上市價＄4.98的博士娃(1698)，以＄7.30盡沽。
～29-09-2010