2012年1月21日 星期六

信不信由你

【年初一過年禁忌】大年初一早上忌洗澡、洗頭、洗衣物,才不會將財富與財運洗掉。忌叫他人姓名催人起床,這樣會讓對方整年都被人催促做事。早上忌吃稀飯、葷食、藥。不煮新飯,要吃除夕留下的過年飯。寓意去年的東西吃不完,到今年還有剩餘。忌睡午覺,大年初一睡午覺會影響事業運。

時光飛逝,轉眼就過年了,這一年彷彿做了很多事,但又似乎無所事是渾渾頓頓就過去了,想真一些這樣生活其實還蠻有意思的,希望來年可以繼續在清醒和迷糊之間游走。

祝各位身體健康,萬事如意,龍馬精神,恭喜發財!

2012年1月18日 星期三

極度厭惡大陸人

前不久陪一個大陸來的朋友去北區的價真棧買東西,就要過年了店裡人山人海的,當中有過半是大陸人。付款排隊的人龍就在兩個貨架之間,而這條走廊只有不足兩個大人平排的闊度,除了排隊的人還有正在選購貨物的人,所以要走動的話碰碰撞撞是難免的。

排隊付款的時候,因為人多我和朋友被分隔開了,隔開我們的是一個身穿灰色孖鈕開綫毛衣,戴金絲眼鏡,頭髮稀疏卻疏理得條理分明的五十多歲貌似中產的香港男人。隔著那個男人我和我那個不修篇幅中年發福的女友人聊了幾句關於購買的貨品的事,我們用的是上海話。隔了一會那個男人扭轉頭跟我朋友說:"你唔好郁身郁勢借啲意掂我!"那語氣和靚模對那些專拍她胸脯的大叔說的沒兩樣。會聽粵語的朋友個性溫文又不善言詞,雖很愕然卻沒出聲,我呢,心下有點小冐火,當下也忍了沒出聲。因為當天我自己並未購物東西都是朋友的,反正都是一張單,所以就叫朋友上前來和我一起排隊(當然還未到收銀台就叫朋友上來,而那個男人又不知道我們只會開一張單,這行為本身是有為朋友抱不平的性質在內。),朋友猶疑著的時候,這男人又來一句:"係囉!係囉!快啲上去費時陣間又掂到我!"這下真的佛都有火,我這人雖然腦子比嘴巴快,但有需要的時候嘴巴嘰哩呱啦地噴字速度也比很多人快,在我的一輪義正嚴詞,削膚去骨卻又不帶一句臟話的語言功擊之後,這男人由初期的砌語狡辯到後來的臟話連篇到最後面紅耳赤的棄貨逃跑的整個過程大槪也就三兩分鐘而已,尚幸我的不冷靜並未阻礙人家店舖的正常運作。碰到我只能算他不好彩了,估計當晚的飯他是吃不下的了。

民間香港人厭惡大陸人的情緒真的差不多到臨界點了,會不會因此令更多的港人要去青山醫院門口排隊呢?

2012年1月4日 星期三

我來自江湖

CK老闆由講個信字 延伸至謊言最動聽 ,講既都係老闆鐘意點樣的人做親信,又或者點樣先可以做老闆既親信,佢講既野我係好認同的,但CK老闆係中環做大生意講說話文縐縐,而我其實係來自江湖的工業村小小小老闆,所以就返自己地頭講下自己既想法(要返自己地頭講野了喎!梗係有啲意見不同啦!嘿嘿,幸好都係啲細眉細眼野。)

CK老闆所講既親信,我稱之為頭馬,要成為老闆的頭馬第一關同能力、樣貌等等內在、外在的質素一點關係也沒有,剩係講個緣字,好似好玄但就係事實,廣東有句俗語叫‘人夾人緣‘就係咁解。所以我認為信任係冇得爭取嘅,要爭取既係畀老闆觀察你的機會,即係留響老闆身邊的機會,呢個係第二關。我認為要過呢關其實唔係「send左個message俾老細,話佢知,你會at least 願意企果邊,他朝要搵自己友既話,不妨考慮一下我。」而係響適當既時候話畀老闆知一啲其他同事仲未發覺既佢的特質,喜惡又好,嗜好又好,技能又好…用以証明你的洞察力,對老闆的細心,過咗第二關的話,即使冇第一關的幫忙相信都經已係二、三班馬了,事關老闆會樂意留低啲對佢'用心'的伙計響身邊。

要想由二班馬升任至一班,需要多啲耐心同一個契機,耐心係畀時間老闆認同你的忠心,契機係一個幫老細搵人上刀山落油鑊的機會,你冇睇錯係揾人而唔係自己上刀山落油鑊,要記住頭馬得一個,而鑊就成日有,剩係識得自己揹鑊既話,老闆又點會揾你做頭馬呢?!有啲老闆會覺得識咁做的伙計已經唔錯,但對我來講呢種伙計頂籠係二班頭,頭馬應該係不傷一人一馬都能拆咗隻鑊的人。
Related Posts with Thumbnails