一個平凡的父親

友人的妹妹應聘去沙烏地阿拉伯工作，這一走最快要半年才能回鄉，二十多歲的女生去嚴重重男輕女的中東國家，要帶的東西真的不少。行李又不能太多，超重的話額外的行李費超貴，為此小妮子頗是苦惱。

心靈手巧的父親用兩個紅白藍膠袋、一塊薄薄的木板、四個小輪子做了這款全球限量一件的行李袋。有了這個行李袋，省去了大型行李箱自身的重量，女兒就可以帶多幾磅行李了。

這是一個平凡的父親，他沒有私人飛機接載女兒，也沒有洋房和大把的鈔票任女兒花，他和我們這些小市民一樣不捨得交行李超重費...

我從不認為偉大一定要用驚天地，泣鬼神、捨己為人來成就，平凡的人用心做平凡的份內事於我已是一種偉大。

這是一個平凡而偉大的父親。


延伸閱讀：一個平凡的母親

菜事

種了兩盆蘿蔔，很實際的我沒妄想能種出大白羅蔔來，為的是吃羅蔔苗，這樣大的已經可以吃了，用滚水稍微燙一下，伴以意大利醋和小小橄欖油，清香爽甜。由根部對上2毫米處剪下葉來，七天左右又會迅速長出這麼大的苗來，長吃長有好過癮哦！

我的小辣椒越泠越出色，不停地開花結果美艷得很，而且還有豐富的內涵，很辣呢！無論是煮麵還是蒸魚，摘一、兩隻下來，細細地切絲鋪面，很惹味的。

上次種的南瓜失敗了，原因不詳。失敗乃成功之母，再接再厲繼續嘗試，南瓜的種子發芽也不容易，6粒種子只有2粒成功培育了新苗，這一對樣子還很可愛喔！希望在明天，我期待著...

菜芯的成長速度很快，像這樣子的一個禮拜後已經可以趁嫩上桌了。

友人說枸杞很易種的，買回來後在根部斜斜地一剪，插入泥中就會存活，枯且一試，結果失敗了，第二天已經全軍覆沒了。勝不驕，敗不餒是我的強項，我会再接再厲的。啍！走著瞧，我一定會成功的。

因為枸杞結的果實在太可愛了，而且還有很好的食療功效，煲湯就最讚了。

像杭州小櫻桃似的鮮艷，令人垂涎欲滴。

果事

今年過完農歷年後將年桔(金桔)摘下來制成咸金桔， 樂在其中 ，它們的媽媽被我拿到天臺上，將所有樹葉都剪掉，鬆了土但沒換盆，然後兩個月施一次肥...現在它結的果竟然比去年的還要大，數量相若。今年可以不另買金桔做擺設了。

以前不知道金桔在9月尾就會開花，花朵很小還很清雅，至10月初就開始陸續結果，果實慢慢地成熟，因應天氣至2、3月份墜落。

我的小檸檬一年中花開花落4、5次，結果倒是只有3數次，一枝上的4朵花只有一朵有幸成果，而縐果居然有點像...

花事

這是在關於收禮～浪漫和實際之間的迷思 貼過的那盆常春花，花還是那盆花，花卻非那時花了。很愛伺弄植物的我在花謝之後，將之分拆，等花根有更大的舒展空間，這裏是原來那盆的三份二。施了點肥，培鬆了土，兩天淋一次水，上星期很泠的時候見它已有花蕾，將它從天臺捧回室內，暖一些，結果這幾天開始陸續開花，延續15元的美麗，美得似乎更勝從前。

另外三分一，一直放在天臺，花蕾還是花蕾，看來還要幾天才會開，可見同樣的生命在不一樣的環境，會有竭然不同的表現，可見與生俱來的賭注～父母 所言非虛。
寒冷天氣裏我的白玉蘭也含苞待放，可惜時不我予，它唯有頂住寒風靜待。
昨日回暖，時機成熟，趁勢而放，雖然最外層的花瓣有點凍傷了，但花還是如常地開。

摘下來插在床頭，無添加的芬芳滿室。不費分亳將居停變成真正的香閨。

低調

如果你對禮物名貴與否的定义還停留在看包裝的話，証明你真的很港很燦，對大陸送禮文化的了解已經很落伍了。
這盒普洱茶包裝精美，感覺很高檔，收禮的我有點受寵若驚。

不是徒有虛表的，內籠也很精美，卻之不恭連聲道謝。

不曾想，戲肉是這包賣相普通、平平無奇的40年陣年茶磚，港燦如我真的不太懂為何可以買20盒上面那種'高檔'普洱的茶叶要用如此簡陋的包裝。答曰：要低調。槍打出頭鳥、人怕出名豬怕壯...

後來我又收到一瓶某知名高粱酒廠的高梁酒，普普通通的一個玻璃瓶，上面只貼了張白紙，上書：內部特供。打開一試原來就是招牌貨，換了個瓶子而己。

終於明白了低調的含義。

多謝！

食曬之後都唔變成肥婆係我嘅獨門秘笈。嘿嘿...

青心直說 [胡孟青] 2009 11 19

散戶中籤率高未必炒唔起

本周新股巡禮，打頭炮係龍湖地產（ 960）同通天酒業（ 389），龍湖嘅大孖沙絕唔少於近期上市嘅內房股，仲有 GIC同淡馬錫呢對星洲姊妹花，加上大鱷大手入飛，睇頭唔細。認購超額咁多倍，奇在散戶中籤率竟然有五成咁高，抽 3手就肯定分到 1手，反而大額畀基金大戶嘅中籤率最多只得 3.5%，認購 5000萬股先分得 175萬股。經過恒盛地產（ 845）嘅慘痛教訓，散戶接咁多貨，往往令人有錯覺以為唔會有好嘢，部份孖展客可能仲會被追收孖展補錢，首日上市好可能即沽補倉，咁就正中機構大戶下懷。不過投資者可以放心，由於龍湖向交易所申請咗豁免公眾持股量最少要有 25%嘅限制，佢只會得 20%貨源喺街遊走，炒供求冇難度。龍湖上市後係少數淨現金嘅發展商，公司話要保持 30億元或以上備用流動資金嚟買地，為咗保留現金，負債率維持喺 40至 80%亦唔算誇，只要做到貨如輪轉，出現資金斷裂的可能性較低，更有助公司維持可持續盈利增長動力，喺保守與進取之間取得平衡。

街貨少易炒供求公司現有 35個發展中項目，約三分一喺發源地重慶，其次喺成都、北京、西安及上海等，土儲超過 1250萬平方米。睇牌面就知佢哋已喺長三角及環渤海地區插旗，他日再炒地區經濟概念，記得諗起佢呢個特性。

既然佢標榜自己係「最不家族的民企」，到底班底係咪多元國際化？據講，佢係國際獵頭公司 Korn/Ferry喺內地嘅頭號大客，上至管理層下至經理級，皆以用人唯才為本。先講坐 Board嘅 CFO林鉅昌，曾經係美林研究部副總裁，擅長寫分析報告，好清楚市場要投資乜嘢上市公司，佢未過檔前曾經係華潤置地（ 1109） CFO。管錢有猛人，管人亦有寶潔做過嘅房晟陶，年紀仲輕得 36歲。老闆吳亞軍係記者出身，佢為人極低調，被喻為三不人物︰不簽名、不上鏡、不做訪問。所以外界對佢認識不多，只知佢做記者期間，同重慶政經部門官員已建立良好關係，亦係佢發展房地產王國的重要基礎。

贏一半

Amy，

短炒或中線買入的股票我中意嬴一半止賺走咗先，股價再上我都有得益，萬一調頭向下利潤又一早經已鎖定。咁樣雖然唔可以賺到盡，有時甚至會賺少好多，但平衡咗風險，個人的情緒唔會太受股價左右，其實係投資市場上EQ比IQ重要得多。淡淡定，有錢剩就係哩個道理。

賭仔最容易喪失理智的場口就係面前堆咗好多籌碼，但唔明白啲錢一日未入袋，一日都未曾真正屬於自己，下一鋪開咩真係冇人知，所以啲庄家咪話：唔怕你贏，最驚你唔來。同樣道理股票的帳面盈利真係變幻莫測，唔套現嘅話永遠都係鏡花水月、數字游戲。

一注獨嬴的意思係得一注中曬，而唔係3、5、6、7注買曬落一隻股票度啊！總有奮曬身入市係炒股大忌，冇啲現金傍身，大特价都冇錢入貨，只有望门輕嘆的份。

《葆心直言－陳葆心》馬時亨的奇幻旅程

我年青時曾經好想做作家，後來想深一層，覺得雖然係「作」，但點都要有啲生活體驗先至似樣，否則好難寫出一篇好嘅文章。正因為有此想法，所以當時樣樣都想試吓，見識吓。　　

我曾經好想知道舞廳係點，小姐係點樣叫法。由於是大家閏秀，點癲都無可能自己走入去舞廳，最後就跟埋哥哥去見識。當時的舞廳，分高、中、低三個檔次，高級舞廳如杜老誌，舞小姐每小時收費８﹒８元，中級廳如金鳳池就收６﹒６元，低級廳收４﹒４元，尾數的８毫、６毫同４毫子係稅。　　　　　　　　　　　　　　　　

＊後悔為官？此言差矣！＊　　

舞廳裏的小姐，話就話每個鐘收費，但紅牌一般只坐１０至１５分鐘，之後無論有無客，佢都話要過枱。就算坐冷板櫈嘅，最多也只坐半個鐘。小姐好識揾錢，如果一個客人要追佢，就一定要買鐘，一買就幾十個，甚至是上百個，所以舞廳同夜總會都一直是「有錢就英雄，無錢就狗雄」嘅銷金窩。　　

我舉咁嘅例子，並唔係教大家去跳舞，而係想話畀大家知，凡事若只是道聽途說，肯定同真實情況好有一大段距離，但若果你親身經歷過，就一定會有體會，內容肯定豐富千百萬倍。　　

近期股壇最大話題當然係柯清輝同馬時亨聯袂做齣好戲。馬時亨曾經話過後悔加入官場，我認為他此言差矣。坦白講，做官肯定令佢大開眼界，一上場就遇上仙股股災，由陪人食飯食到唔得閒睇文件到鞠躬道歉，瞬間天堂瞬間地獄，如不入官場，又何來此歷練。　　

他日馬時亨真正告老歸田，六年的官場生涯，肯定是他人生路上的精彩的回憶！

《中潤證券有限公司主席　陳葆心》

冇咁大個頭唔好戴咁大頂帽

>一龍湖地產<00960.hk>公布招股結果，公開發售接獲57.51倍認購，凍資逾400億，一手(500股)中籤率50.01%，三手穩得一手；配售錄得龐大超購，股份預期明(19日)上市。近上限7.07元定價，集資淨額66.97億元。按回撥機制，股份已重新分配至公開發售佔40%，即4億股。基礎投資者包括中銀集團、Dunearn Investments、GID、平保<02318.hk>及香港置地，共持總股本4.4%。該公司是次發售10億股，公開發售原佔一成，作價介乎6.06-7.1元，預測市盈率13.25-15.53倍。聯席保薦人花旗、大摩及瑞銀。

BJ神早9點call我話俾我聽，龍湖分派比例超高，3手派一手，如果借咗孖展申請又唔夠錢的話都幾大劑，雖然我用實錢認購，但如果借孖展又冇咁多錢補倉的人多，咁聽日一上市睇怕都要捱下價了。