QE3殺埋身

今日竟然聽見個打咗十幾年工的伙計話唔知咩係QE3。

唔好話你唔買股票所以毋須了解咩QE,美國佬開行部機係咁印銀紙，明年今日一罐豆豉鯪魚可能賣緊30蚊，一條皇室厠紙50蚊，你手中的100蚊紅底應該唔夠係快餐店食兩餐啱，咁就算你唔買股票外匯黃金磚頭，QE3都關你事啩？

除非你真係餐搵餐食餐餐清，咁就真係唔關你事了。

QE3一出，揸住cash真係死路一條。

不相見

呢排好多人冇咗好多朋友，

甚至夫妻反面，

香港開始似八年前的台灣，

可惜雖似卻不盡相同。

台灣冇背靠的爺爺，

更可惜嘅係

好多香港人唔愿承認這個不同。


呢排我連whatsapp都少用，

費時影響平和心情，

呢排無事最好不相見。

有事更加不要相見，

如果聽日係票站見到我，

千其咪相認，

更加唔好問我/游說我投票畀邊個，

因為我都唔會問/游說你。

奧運肉體

獨樂樂不如眾樂樂，倫奧肉照轉自新浪微博，慾女、基友收圖啦！

Tom Daley火束收埋萬千少女的心。

二小姐說看了這圖鼻血盡流。問佢點解唔係流口水呢？佢話流口水層次太低喎！流鼻血境界高好多。真係畀佢激死。

德國體操帥哥Marcel Nguye五官標致得不得了，很有古典美，可惜太矮了。

一伸脷，Wow，萌死了。

法國擊劍隊還是基劍隊？


法國真係多靚仔，法國泳隊camille lacourt



光頭佬唔該借歪吖！

澳大利亞游泳猛將James Magnussen，絕美的肉體配上精美的五官，還有藍色的眼睛（暈）。


Ryan Lochte比較成熟，大愛。


這個本不是我的菜，但他的造型裸照實在太美了，所以一定要貼出來共賞，仲想講：「攞開隻手啦！」

小姐你好靚啊！

因為馬會餐廳出品OK可口，價格也不貴，而且還免加一，所以經常會去光顧。烏龍的我經常不記得把這個會員停車証放在車裡，所以只能把車停在訪客停車場。有一天下大雨，為免淋雨我終於記得拿了停車証放在車頭（會員停車場有電梯直達餐廳）。大雨滂渤的傍晚我開著車直駛會員停車場，我見過幾十次的停車場女保安把我攔下了，我搖下車窗，大雨隨即漂進車廂，女保安說：「唔好意思，小姐，呢度係會員先可以泊。」我指指車頭的停車証笑笑說：「我知吖！」她一看停車証臉色突變，誠惶誠恐地不斷陪不是，還小跑步跟著我進了停車場。我一下車她亦步亦趨地跟著陪不是，我停下來面對著她，雙手扶住她的肩膀很誠懇地對她說：「真係唔緊要哩！」

個多兩小時後，用膳完畢，我去停車場取車，剛開車門，女保安突然冒出來無厘頭對著我說了句：「小姐你好靚啊！」我扑一聲就笑了出來，失儀的笑不是因為有人贊我靚，而是因為一個見過我幾十次的人，突然發現我的美了。

事出總有因，再一次去馬會餐廳吃飯的時候詢問了經理，果然不出我所料，之前有停車場的保安因為怠慢了某女會員被人投訴丟了份工。

無心之失

「有冇搞錯幾廿歲人仲扮無辜？」
「無心之失遮…我會一力承擔啦！呢件事真係自己嚴重疏忽，希望你哋能繼續相信我是'有誠信的人'。」




 

中聯辦吹雞，九龍塘集合

破天荒第一次收到中聯辦邀請，今個月26、27號兩日去廣州交流、考察。26號朝早係九龍塘集合坐直通巴上去，兩日一夜，連車費、食宿，每人收三佰大元。

睇來狼英的大和解之路并不暢順，中聯辦睇唔過眼出手了，連我哋呢啲小薯仔都要揾去'交流'了。

笑開懷

(星島日報報道)無綫真人騷《盛女愛作戰》引起極大迴響，節目中的「人生教練」Winnie Leung更成為眾矢之的，受盡各種惡意批評，敢言囂張的她揚言一早預了被攻擊，並指那些只懂躲在電腦後面發言的網民是懦夫，她說：「係真的就出 同我隻揪！」擺明挑釁網民！（呢句咪又係擺明挑釁讀者）

Winnie強調未因批評不開心，自言鑲鋼板刀槍不入。她直指香港男士近年質素下降，尤其網絡盛行，製造很多自以為很勁的男士，在虛擬世界用假名發表意見，自然意見多多。她直斥不夠膽用真名的網民都是懦夫，她說：「係真的就出嚟同我隻揪！」至於《盛女》被批評將女人商品化，她不在乎地說：「每個人都是商品，每日在公司都是Sell自己，為的是希望升職加人工，其實個啲人咁叻，不如自己拍個節目出 啦！」

對於Mr. Right的條件，Winnie直言經濟條件不能比她差，她笑言：「講Feel一定要，但Feel就好似放屁一樣，好快就無，如果我和一個搵錢唔夠我多，生活圈子又不同的人拍拖，他會好辛苦。」

@@@@@@@@@@@@@@@@@@@@@@@

轉貼呢個新聞唔係想抽水，只因啲評論好好笑，獨樂樂不如同樂樂啦！其實我覺得以Winnie外表和內在的質地同埋個再普通不過的出身，能够撈到加個位置對佢來講係算成功架啦！只係心甘情願付上金錢和時間畀佢教練的人的人生坎坷啲遮。

^.^^.^^.^^.^^.^^.^^.^^.^^.^^.^^.^^.^^.^^.^^.^^.^^.^

留言:

dreamer_lai

打交係犯法 架.....傻婆...無論你打瀛定打輸....

EDDIE

我要同佢在床上隻揪 !！

5回覆：

TonyNelson

你真偉大！

Hoi

你同陳希希一樣都唔揀飲擇食喎！

ＥＤ料都有與趣果然獨特口味！小弟甘拜下風
Yahoo! 用戶
我都想 "插" 佢呀 !! 正 !!
Hoi
用刀嗎？

冬
不是吧，這副尊容已經整容過了？？？？？？哈哈！！！要麼是底子太難看這已經叫好看了吧，要麼是這整容醫院的技術也太可怕了。。。 （千萬別告訴人你的整容醫院是哪家，否則，那家醫院會給你害慘了）

ken
咩年代？仲隻揪？你估西部牛仔呀！而且公眾地方打交

仲係犯法添！阿人生教練點解會提意觸犯法律既人生觀

給予他人參考！？郁Ｄ都講打講殺只欠響朶你既人生歷

練都幾品流複習！重點係性交都唔揀你做對手更何況係

打交呢！一野錯手打死左你為你甘既質數坐監真係抱憾

終生
Ringo
明明文鬥，點解要隻揪呢？真係難理解。
 

LiHo Yuen

算啦，港女係咁架喇

無呢類人既存在又點可以比較而家你地身邊果位？

呢個世界係要有D野平衡下既

慶祝啲咩呀？

每年一到昨日實有好多人問：「點呀？今日點慶祝呀？」無論有冇情人都好，我都會好奇怪，慶祝啲咩呀？慶祝有情人？喂，有的話日日都有架啦！日日都可以好'慶'嘅喎！冇的話，自'慶'來把鬼啊？！

真心覺得二月十四同七月十四係冇分別嘅，去街嗰陣一樣咁得人驚。滿街女仔攞住一束或殘或嫩、或靚或俗、或大或細的鮮花，小心翼翼咁護住束花逼巴士或地鐵，搞到披頭散髮不特止，仲要擺出副女王幸福冧樣，撞鬼囉！難頂同令人驚嚇程度同樣爆燈。有啲仲會同隔離個（肉）赤樣男人一齊係xx迴轉壽司店、xx咖喱連鎖店門口依偎住排隊等位，當然束花先至係主角，因為佢倆個都會力保束花唔冧，費時個女仔夜晚返去冇得搵個玻璃杯插花吖嘛！

啲花束幾唔環保呀！無論多少枝都會用好多花紙同裝飾，其實鮮花就咁一束扎埋一齊，就算係幾枝菊花都靚啦！使鬼搞咁多野，真係唔明啲人成日聲討地產霸權，，到佢有能力可以拒絕消費覇權時又會咁順攤畀多咁多錢去支持嘅？

講咁多係咪酸葡萄心作崇呀？係啲唔係啲囉！係就係真係冇人送一束束鮮花畀我，事關一送我實打爆佢個頭，唔係嘅就係我真係一啲都唔稀罕囉！望住我啲盆栽花，係自己精心照料下開完又開，嗰種滿足感又企是盼望二月十四收束鮮花的妹妹仔所能理解的。

 個天對我真係不薄，知我唔鐘意睇，所以令我隻右眼發炎又紅又腫，矇住塊紗布係屋企休養，呢鑊真係冇眼睇囉！ 神奇的地方在於瞓咗成日，夜茫茫飽醒後，拆開塊紗布睇下，咿，竟然好得七七八八了喎！

（我一直都唔鐘意用粵語口語寫文，畀教獸講一講之後覺得有時用口語表達其實幾啜核，寫博話嗮係自娛，也就不講究正文了，還望看倌通融。）