聖誕交叉扑之《歡度聖誕夜》

美美和明仔相戀了兩年, 他們就如大多數情侶一樣, 平日會行下街, 睇下戲, 食下飯咁。如遇上特別/值得慶祝的日子, 他們會在酒店(不是時鐘酒店, 貴好多那種) book一間房, 玩下d特別o野咁!
好像今年聖誕, 他們就在九龍某酒店搞了一個 “歡度聖誕之夜”。這名字, 多行貨! 不過唔緊要! 只要內容唔行貨就好了! 他們兩個, 像大部份香港情侶一樣, 平日表面斯文, 其實內裡open! 所以兩個人都不知幾興高采列地為今次做準備! (明仔將會扮演聖誕老人, 而美美就做聖誕兔女郎)
期待已久的“歡度聖誕之夜”終於到了! 他們依然斯斯文文﹑怕怕醜醜地check in, 但係一入到房就變得……激情﹑狂野, 爭在未撕破衣服! 聖誕兔女郎美美, 準備了今年最興的 “閃光魚網絲襪”(她知道明仔其實最喜歡絲襪!) 配以紅色加黑色喱士睡衣和兔仔耳; 而聖誕老人明仔則為自己戴上聖誕帽和 “馴鹿立體底底”…看來, 一場世紀大戰即將要開始了! 未知要 “打” 幾多回合先分得出誰勝誰負!
突然, “人怎會越愛過份, 我越錯越要問, 我越問越是未稱心, 當找到服從枕邊人, 心癮, 又會想偷一個吻.…..” 甚麼聲音? 原來是明仔的電話響起! 而可惡的明仔竟然在此時此刻接這個來電! “喂, Daisy? 咩事…下你今日被男朋友飛左? 唔係下話…..?!......” 這個不識趣的女人, 是明仔的同事Daisy。他們平時已經好像很老友的樣子了, 美美雖然有點呷醋, 但又不想明仔覺得她小器, 所以都忍得就忍啦! 但是今次, 今次實在太過份了吧!?! 這個女人, 搏乜先!! “噢, 你唔好喊住…不如咁啦, 我宜家有d事, 唔得閒, 我約你聽日食lunch再慢慢講啦…” 不是吧! 你在我面前約這個女人?!?!美美的臉,由本來的紅潤, 漸漸轉白, 再轉灰, 最後轉為黑色!
而明仔呢, 他以為工作上有緊要事呀! 春宵一刻值千金 (事實這酒店是真的貴)其實他心裡都想 “拿拿聲”打發掉Daisy的! 唉, 要怪就怪自己平時優柔寡斷吧! 看到美美的臉, 他心知不妙…美美開始穿回衣服了!
“NO~~~~!!” 明仔顧不得Daisy了, 當下就cut了線! “美美, 不要!”
你覺得他們最後會怎樣? 不論他們最後怎樣, 相信這個 “歡度聖誕之夜”已變成 “難過聖誕之夜”了吧……

海火火女