2008年1月6日 星期日

分手遺物

一對戀人愛情死亡了,兩個人目送着愛情進入墳墓,身邊留下的戀愛其間亙送的禮物卻不知道該往哪裡送。很多女人不是趁這個機會扔掉所有分手遺物,伺機瘋狂購物,就是退回所有物品,以為這樣就亙不拖欠了,也免了睹物傷心。

雪梨這個女人蠻奇怪的,愛情的遺物,小到耳環、錢包,大到汽車、房子全都照常延用。雪梨認為很多物件男女都不能通用,退還給男人或者扔掉不但太不環保,還很浪費,僻如一個半新不舊的蝴蝶錢包,不好意思送人,扔掉了卻要真金白銀拿出千多元來另購一個,所以也不會要回送給對方的禮物。最重要的是雪梨認為兩個人真正相愛過,無論愛情結束得如何不堪,始終是相愛一場,對於愛情種種只怕記不住,不怕忘不掉。等到夕陽西下、愛情變成親情、婚姻變成合作社,只有兒女柔嫰的親吻才會令你甜蜜入心的時候,你才知道沐浴在愛情裡,每一場痛哭都是難能可貴的。

雪梨也知道如果新男友知道你還留用着前度的禮物,心裡難免不爽,似乎隱隱地還對前度不起,所以當一段新的戀愛之樂奏起,前一段愛情的遺物,雪梨都會罷用了,容易收藏又有紀念價值的會好好收藏起來,舊的錢包、咕就會扔掉了,甚至會把舊車賣掉添點錢換上新的。幸好,一段真正的愛情死亡了,要展開另一段愛情殊不易,這種慶生式去舊迎新消費來得并不頻密。

有些戀人在分手以後會問對方:你究竟有沒有愛過我?有這種質疑的男女,答案其實已在自己心裡,面對一個從來沒有真正愛過自己的前度的禮物是痛苦無倫的,這種分手遺物送去堆填區還嫌近呢,千萬不要還給他(她),這種可以跟自己不愛的人戀愛的人是會做得出,將你退回的遺物轉贈她(他)人這種一稿兩投的行為的,所以不要報仇之餘也沒必要便宜了他(她)的錢包。

16 則留言:

  1. hana, 萬千感慨啊!

    更能消幾番風雨。還在這世界活著的人,未愛過也該驛動過思慕之心罷。有幾多感情的夭亡,有幾多見異而思變,有幾多緣盡而生怨,缺陷的故事為何總是如此的糾結,如此的牽人!

    回覆刪除
  2. 劉副校長:
    感慨還感慨,牽人還牽人,
    凡事還要以安先為之啊!

    回覆刪除
  3. hana,現在是午膳後的餘暇,快快趣趣,回你一句。不要叫我劉副校長啊,這會使我想起那些好鬼重要,又好鬼難纏的家長。而家學生家長就係我地老細,見到老細,我會腳輭。

    死啦,打咗鐘,要去巡樓,待續。

    回覆刪除
  4. [ 你究竟有沒有愛過我?]

    呢d 問題,真是多[___] 餘。

    即等於有位黑社會大哥問個警察:[ 你覺得我係唔係壞人 ? ]

    .....

    回覆刪除
  5. 呼!走之前寫埋個下集:

    更恐怖的是,家長捉著你,一句"劉副校長",個長字尾音升咗調,我就知今次死梗啦,唔係投訴就係有意見,腳輭止呀?分分鐘x禁!

    hana,都係叫我劉仔、鎯仔,煙仔都可以。如果唔係,第時同你地吹啲2級半水,都會比人話:你睇你睇,仲話為人師表喎!

    回覆刪除
  6. 劉副校長長長長長長長長長長長長~~~~!!!

    !!!! 個廁所塞左,請快出批文俾有關部門。

    仲有,陳小丁同黃小強個老豆老母..sorry, 係家長,話典解唔俾佢地個仔多 d 啟智測驗喎。

    ps : 不如,就叫小朗吧,係咪有 d 台灣 feel ?

    回覆刪除
  7. 喂,大文老師,爆屎渠啦,出得批文,死得啦,不如你用手通通佢......


    ps:咪叫我劉副校長啦,叫劉劉都好,學生都咁叫我,小朗太小啦,太不似樣,而且自從阿扁上台,我已經唔鍾意台灣啦!

    ps:唔好意思,hana,兩個老頑童借咗你香閨打跟斗。

    回覆刪除
  8. 大文兄:
    多餘的問題多人問。

    **********************************
    流浪兄:
    "為人師表"?3級半都得啦,我咪樣版羅。

    ps:唔緊要你哋慢慢打跟斗,話哂係後花園,我都唔止一頭住家。

    回覆刪除
  9. hara, '後花園'一詞好鬼敏感,好鬼歧義,最好少講。嚟啦嚟啦,上緊第三級啦!

    回覆刪除
  10. 兵兵,我都係同妳一樣,可以用就用,我都唔會諗起太多嘢。

    唯一留在我身邊,令我放不下的,是他家的鎖匙。

    回覆刪除
  11. 夏娜:

    我好鍾意妳呢個後花園...後庭...

    ...後欄...既。 好引人入勝。

    會常...( 到訪 @@~ )

    回覆刪除
  12. 老頑童.....當堂眼眉跳...

    我好幼齒喎其實。

    回覆刪除
  13. 流浪兄:
    我冇宗教,百無禁忌,冇乜所為。
    ps:睇下你哩一句即刻俾大文兄攝到位"我好鍾意妳呢個後花園...後庭...
    ...後欄...既。 好引人入勝。
    會常...( 到訪 @@~ )"
    你都好似董建華喎

    ***********************************

    大文兄:
    >引人入勝
    好喎,'勝'在精彩嘛。

    ***********************************

    點點:
    >他家的鎖匙
    我試過擺入個樽度拋入大海放逐佢。

    回覆刪除
  14. 阿媽,

    我都係出一出去先, 唔阻你哋三人開餐..

    回覆刪除
  15. 大文兄:

    你應該知道,香港有一種拖落水文化。我五張你都三張半以上啦呱,仲幼齒?


    hana:

    你個仔好識做,幾時生架?有仔如此,夫復何求?火仔,你好啊!

    回覆刪除
  16. 我個乖仔細我幾歲jar(我諗)點生得佢出?
    開玩笑開返來,我都好開心有個咁玲瓏嘅仔。

    回覆刪除

淡极始知花更艷,愁多焉得玉無痕。

Related Posts with Thumbnails