2008年2月12日 星期二

出得來行,預咗要還

今年的農歷年感受至深的金句是:出得來行預咗要還!

人到中年的表姐曾經是個美人胚子,天使樣貌魔鬼身材,二十多歲已腰纏千萬。嫁了幾次,越嫁越好,吃香的喝辣的,三十歲已經去了大半個地球旅行,飛機從來不坐經濟艙,有很多優質男人追求(無論婚內婚外),落迪士高吸最好的大麻花。現在是個普普通通中年肥師奶在家凑仔。和表姐說起位於多倫多全北美最大的迪廳卡富門的時候,問她:現在連香煙也不吸的家庭主婦生活習慣嗎?表姐說了和蘇絲黃一樣的話:大吉利是講句,就算依加死我都冇乜遺憾了,再加多一句:出得來行,預咗要還。

由此連想到自己年少時,表姐的門永遠向我暢開,手裡的現金不斷塞進我的口袋(不是金牛就是大牛),到了04年她爛賭輸掉大部分身家的時候,渣打銀行那條二十多萬的數是我去幫她還的,雖然事後有還我,但當時如果不幫她先還清卡數,她最後的一層樓就保不住了,現在也就沒辦法過普通而又不用擔心衣食的師奶生活了。

一個借了我錢兩年不還,還失蹤年半的朋友,居然在另一個城市的大街上兜口兜面被我撞見,走避不及,無耐之下唯有還錢。

**********************************************************************************


淫照原來有一千多張,除了最先的12張,其後的我都沒看了,不是看不到而是不想看了,并不是我高尚而是知道實情(相片原貌)之後,已經沒興趣了。那12張相片我存了起來,想等女兒再長大些的時候來個女人行為教育,讓她知道有些事錯了就沒有回頭的機會,必須付上沉重的代價。

阿嬌出來了,她飽滿的笑顏看不到絲毫羞愧,一個明星可以天真、傻上6年(淫相拍攝日期由01年至06年),但不幸被揭穿偽純以後就可以用勇敢冠稱(見各大媒体),那12張相片我要删除了,因為出得來行原來唔使還嘅,我唔識教女了。

現在擔心的已經不是年輕女孩拍不拍性愛相片,而是學阿嬌那樣謊話連連、不知錯,就像一個全身名牌的人跑去便利店偷了一卷糖,被人抓到了不是自省偷竊這種行為,而是怪責抓住他的人。想起年半前被偷拍到背脊都梨花大帶雨哭得我見猶怜的,勇敢(都叫勇敢,內容卻相去十萬ハ千里)站出來指控、面對的阿嬌,才知道最佳女主角根本不在電影裡。

我不是贊同放相片的人,這個人的行為當然是非常非常錯的,也不是要阿嬌死而後快,問題是既然純情玉女的外衣已經被撕破了,現在風頭火勢的為了金錢的利益匆匆跑出來見人,火上加油的,何必呢?如果阿嬌昨天沒出來,今天全港報紙的頭條未必還是這樁爛事,奇拿不是沒再出手嗎?等這件事丟淡了,阿嬌再出來就不會放在港聞的頭條了。這個道理不可能沒人懂,只是英皇等不及了...

12 則留言:

  1. 久違了,你具批判性的文字。

    那是藝人的生態,本色就是如此。聽說男當事人也要回港了,是要保住星途與錢途罷!

    回覆刪除
  2. 哩 d 叫打死扮無知, 明明淫娃扮淑女...唉, 死得啦, 如果香港人無知得咁僅要。

    話時話, 如果呀陳生唔講 d 白痴話, 而是出來說:"係呀, 係我, 吹呀 ? 我係浪子黎啞, 做就唔怕認 !!" 嘩 ! 他真係敢講, 即刻變壞孩子代言人, d 碟賣斷市 ! 看 Eminem and Snoop Dogg 就知....

    他與她都失敗失敗.....

    多嘴的 "過客" ;)

    回覆刪除
  3. 冠希臘腸,令舍不同,香港品牌呀老細。


    冠希食家。

    回覆刪除
  4. 係噃, 大文兄, 香港是保守 d 既 !!

    但如果他真係夠薑咁做, 起碼仲贏得部分男人既尊重, 同有可能保留 Columbia (Sony) Pictures 既角色, 或以後可現浪子 !! 而家真喫蕉, 嘜都無晒......

    又係我, 多嘴的 "過客"

    回覆刪除
  5. 算鬼數啦,真係流兩滴眼淚就以為佢係淑女,係香港人「好天真好傻」o者

    回覆刪除
  6. 唉,但而家事實阿嬌又真係俾人話佢係淫娃喎。香港人如果唔係成日都扮保守懶道德,英皇駛鬼迫佢地啲歌手個個都要扮純情咩。我地就係咁 on9, 所以佢地先要講啲咁 on9 既野同我地交代啫。抵死架我地。

    回覆刪除
  7. gideon :

    拿,即丫話時話呢,真係香港人係古靈精怪既,係都要純情小 babe 咁至高興,下話?

    其實亞欣桐,都係由人民道德兼反黑領袖亞楊 zen 培育出o黎既天使,正所謂d 人鍾意睇乜,咪整乜俾你睇囉。

    我偶像亞鮑魚冠希呢,曾幾何時,好多人都羨慕佢,嘩,有錢仔啦,英文人啦,靚仔啦,有 feel 啦,係女見到都鍾意,人人都話正喎。

    仲話亞冠希呢,年青有為,敢作敢做,又有生意頭腦,乜都抵啦。

    呢 d 都係香港人質地問題,有咁既市場,就會有咁既偶像,點知.....

    亞冠希臘腸呢,而家就整劑杰達達俾你睇下,咦? 仲加個欣桐默認左,一絕。

    冠希相信係香港開埠以來,最寫實既...食家。

    回覆刪除
  8. 今年最大熱的潮話是
    「好天真好傻」
    e ..呢度好似有人係snoop dogg fan屎wor, ha ha ha搭訕下先

    真的想看今次那個女人要還幾多!!!
    我就是看不順眼她的虛偽


    另補祝新年快樂 :D

    回覆刪除
  9. 信佢的,好天真好傻。

    中國人係要假道學,好多人心理上跟本就已經接受娛樂圈既淫亂行徑,只係把口成日都要講下幾唔道德。

    回覆刪除
  10. 流浪:
    >批判性的文字。
    我冇喎!

    ***********************************
    狼少:
    你唔失敗咪得。hehe

    ***********************************
    大父:
    你都係食家!haha

    ***********************************
    derek,
    哩句肯定成為08金句。

    **********************************
    靚鎚:
    係抵死架。

    **********************************
    億利:
    其實遲啲先現咪好啲。
    多謝!大家咁話!

    **********************************
    若虛:
    所謂寕俾人知莫俾人見嘛。

    回覆刪除
  11. 兵姐:
    公司等不及
    還是天真小姐不敢等?

    人說這是公司要測試市場反應,若小姐不再叫好叫座就甩了她
    三點說她聽後感到不安,因為世情實在涼薄

    但細心想來
    真實的盤算,可能是「涼薄」二字亦尚未能充份形容
    會唔會
    天真小姐若不再叫好叫座,公司便要她退出幕前
    轉做城中富豪們衣櫃裡的羅麗泰
    =接客

    好殘忍

    天真小姐最愚蠢的
    是算不懂自己作為一件按揭貨品
    該如何做風險評估及管理

    當然並非所有明星都做按揭

    回覆刪除
  12. 七十妹:
    她天唔天真我唔知,但她絕對唔係聰明人,聰明人係唔會令到自己完全冇哂自主能力。
    你講嘅野係絕對會發生架。
    哩間公司好黑人憎,幾乎所有星都有做按揭,
    另外佢哋旗下雜誌將柏芝、Bobo啲最難堪嘅相打最幼嘅格登封面,而天真小姐就係着衫相,真係好賤。
    又:好中意你果張攞住支奶嘅相,好可愛。

    回覆刪除

淡极始知花更艷,愁多焉得玉無痕。

Related Posts with Thumbnails