2010年5月28日 星期五

投機、投資雜談(六)

反方向思考
最近的跌市我一直在看周圍的散戶有多大的比例不再看好大市,想以別人的態度來決定自己的操作,認為如果人人都看淡都不敢再入市了,就是見低之時,人棄我取之時。
然而昨天出乎意料的升市卻令我不禁回頭細想,為什麼不反方向思考,看看散戶們有多少是不相信大市會重拾升軌或者有較大力度的反彈的呢?越多人不相信越多機會反彈嘛!

直覺
人的直覺很重要,當然可能很準也可能非常不準,但我認為照顧自己的直覺很重要。25號見82跌至$2.26買了一注,$2.20、$2.12又各買一注,26號上午大市跌得又急又快,82更是跌得凶,曾低見$1.99,當日清晨無端端吃了張牛肉干,心裏本已不爽,一直心慌慌的,隨即在$2.10附近蝕賣$2.20、$2.12兩注。賣掉之後心靜了,腦清了,整個人都精神了不少,可以不再理大市如何波動,安心做好自己的本份工作。雖然今天82曾經上過$2.48,收市報$2.39,但是我并無揼心口的感覺。

我認為照顧自己的情緒比賺錢更重要,人的身體、情緒是根,賺、蝕都只是紅花綠葉而已,紅花固然好看但總有凋零的時候,枯葉礙眼拿走就好了,只要根基良好、健康,葉會綠的,花會再開。
(和友人在花墟花15元買的花,好看得很,因為我護根有功長開長有。)

10 則留言:

  1. 呢云冰火夠未?我差啲心臟衰竭

    回覆刪除
  2. 花勁大朵, 我又好中意呢種花瓣有白邊嘅色種, 掂呀!

    回覆刪除
  3. 小弟一向係唔做先知去估最高/低幾時,只睇現價同業績、行業相比抵唔抵買~

    回覆刪除
  4. 鎚 :我對佢滿懐信心,唔再理過程囉!默默咁等結果,3?4?5?

    校長:因為15大元所以我認為佢世間至美,但如果係150元了喎!可能我剩係會覺得佢幾靚,事關150蚊真係有好多靚花可選。

    火鶴 :係,係護根有功。其實我冇預期有太多人明我想講咩,寫來俾自己睇,留個紀錄。

    老人 :長揸嘅我都係咁。問題係我有一小部分資金專門用來短炒投機,雖然我都知投機費時傷神,但投機係我生活的樂趣之一,所以要繼續樂/悲其中。(其實我認為所有的情緒都係好野來!喜怒哀樂需要適時有所發,只要平衛就得啦!無情緒做人猶如白開水雖無害亦冇益。)

    回覆刪除
  5. 這花很美耶,是的,因為是十五元,家裡也有幾盤,家父也有種(我是種植白痴!)

    「護根」一點也不容易,要適當的水份和空氣,還要耐心,徐了自己,也許不容易找到另一個人可以做得更好,所以要 ... 好好愛自己!

    回覆刪除
  6. 我一直都唔信相反理論, 原因:
    1. 我地冇可能知道絕大多數散戶點諗, 因為我地識既散戶可能只係幾十萬分之一, 而且因自己生活圈子所限, SAMPLEING時一定有好大偏見....例如, 我真係唔識得仕何一個在中銀面前睇NUMBER既散戶

    2. 即使我認識的散戶SAMPLE夠大, 但幾時知個市轉勢呢 ?好似海嘯之前, 23000點時好多散戶瘋狂入市, 結果33000時才插, 又到左15000點時好多散戶都散水, 結果又再跌到12000, 所以, 即使知都冇用。

    情況一如莊家做市, 因為冇辦法PROVE, 亦冇足夠INFO, 知都冇用; 除非唔投資, 否則任何無法驗證既理論, 唔理好過~~

    回覆刪除
  7. hana, 如果我開花店, 你會幫襯我嗎?

    回覆刪除
  8. 一定幫襯。恭喜定先。

    回覆刪除

淡极始知花更艷,愁多焉得玉無痕。

Related Posts with Thumbnails