2010年11月10日 星期三

反智頭條

生菓頭版擺明玩野。

「一個人對抗地產惡霸」:
【本報訊】地產霸權無處不在,操縱港人衣、食、住、行。 37歲的自由工作者龐一鳴看不過眼,決定以個人力量起革命,上月起拒絕幫襯大地產商提供的服務,光顧小型店舖,代替超級市場;以踩單車代替乘搭公共交通工具;以手洗衫代替洗衣機。三星期下來,他省下了金錢,還消耗了脂肪,更進行了自我反思:「就用未來一年時間玩玩自己,也和他們玩玩,看看大地產商在香港的壟斷有多麼長闊高深。」記者:袁慧妍

「用冲凉水洗衫冲廁」
電費是避無可避的開支,面對兩大電力公司壟斷,一鳴惟有減少耗電,衣服改由手洗,「用冲凉水洗衫,仲有剩就用嚟冲廁」。電訊行業同樣被大地產商壟斷,只有萬眾不屬大地產商,龐一鳴遂從新世界轉台至萬眾,更興奮地表示有數個朋友已跟隨。

拒絕幫襯大地產商亦有困難,龐一鳴憶述,有次深夜想買廁紙,但附近小店已關門,他不想光顧連鎖便利店,惟有以洗澡解決,廁紙翌日再買,「自此就學要早啲計劃買啲乜嘢」。
他認為就是這種沒有選擇下的選擇,可以讓朋友或更多人思考怎樣在香港生活下去,「唔止要反對地產霸權,仲要做啲有建設性嘅嘢」。

$$$$$$$$$$$$$$$$$$$$$$$$$$$$$$$$$$$$$$$$$$$$
我唔識擺條動新聞的片上來,看得到的朋友請留意18"的片斷,阿龐生在行人路騎單車是會被檢控的,各位千奇咪學。

58"的片斷顯示淋浴間中的藍色桶就是阿龐生用來接住的洗澡水的工具,我的疑問是點接?可以接幾多呢?如果龐生係企入個桶度嘅,扣除他雙腳的體積,水應該接得半桶咋!但可愛的龐生話:「用冲凉水洗衫,仲有剩就用嚟冲廁」喎!而龐生總話用皂去洗衫!如果唔企入個桶度淋浴啲水又點接呢?好撓頭...

最反智係哩段「龐一鳴憶述,有次深夜想買廁紙,但附近小店已關門,他不想光顧連鎖便利店,惟有以洗澡解決,廁紙翌日再買,」,洗澡省啲定係去便利店買卷廁節省啲呀?我就諗到住係親戚屋企洗澡省啲嘅,買廁紙要即刻磅水吖嘛!友人好搞笑的即時諗到:「佢用洗澡洗衫喎!啊呀呀!」

13 則留言:

  1. 我反而覺得最反智的是佢租樓唔買樓, 呢個logic成立的話, 呢度應該有好多人對抗緊地產商。

    我其實都對抗緊法拉尼、保時捷、勞力士、....

    不過, 呢段新聞上頸條, 代表今日冇新聞, 係好事 !!!

    回覆刪除
  2. 生果報同埋呢條茂利唔單止係反智,直頭係弱智。

    回覆刪除
  3. 利豐都算係地產商??

    其實利豐有乜地產項目呢,我真係想知。

    牛奶國際應該仲係hold 咗美心一半,但決策權仍然係響伍氏家族,佢要當係都無計。

    中電近10年除咗海逸豪園外,都搵唔到有第二個樓盤,當然,要跨過去計大酒店又另一回事。

    其實香港啲碼頭都係地產商、唔係和黃就係九倉;落深圳又係和黃,所以佢就算去士多買嘢,啲貨都有機會畀佢哋賺咗錢。若果係落飛機,又有機會畀咗錢太古賺。

    回覆刪除
  4. 其實呢d新聞可作作架喎, 好難/或者冇乜人會認真咁去考證.

    當然, 生果亦可以搵個精神有d問題既人或者偏執狂既行為來做新聞, 但係佢地既行為就毫無代表性同參考性囉.

    回覆刪除
  5. btw, 反正蘋果都係咁計,佢應該唔交稅。

    因為政府就係全香港嘅大地主,所有地皮都只係賣使用權。香港有約一半人住公屋,即政府係一半物業嘅發展商。仲有,無論你間樓係發展商起、政府起、自己起,你都要交差餉、地租、地稅。

    咁再延伸落去,就連水費都唔應該交,用水坑水吖,好清之餘仲有礦物質,好過水記啲水。

    回覆刪除
  6. 一貫的鼓吹仇商,肥佬黎依家係教主喇,勁過麻原彰幌!

    回覆刪除
  7. 同朋友食飯時洗唔洗對抗地產惡霸?
    幫公司揾生意時洗唔洗對抗地產惡霸?

    回覆刪除
  8. 兵姐,係可以用某D HTML code 抄返蘋果嗰頁出來嘅,不過太複雜,要有一定電車技術才做到。

    我通常都係用software download 左段動新聞,然後有upload上youtube,全程只需幾分鐘。

    呢段反智新聞,最離奇係點解可以「以洗澡找替廁紙」。

    回覆刪除
  9. 佢好似同佢個親戚玩玩多D, 而生果報就玩緊D無思考能力嘅讀者.

    回覆刪除
  10. 蘋果似寫到串佢偏執多D ....
    當笑料睇就算啦

    有幾多人會對佢做既野認真對待 XD

    回覆刪除
  11. 佢唔係跟地產商過唔去,係跟自己過唔去!
    不過我諗,出書先係佢真正目的!

    回覆刪除
  12. 一個自以為事的blog,一斑亙雙吹噓的留言.,你們的生活一定是好空虛.

    回覆刪除
  13. 匿名 :阿匿名多謝你個留言!因為帶咗歡樂畀我,好好笑。(至少我哋未空虛到去個「一斑亙雙吹噓的留言,自以為事的blog」的匿名留言呢!)

    哈哈哈...

    回覆刪除

淡极始知花更艷,愁多焉得玉無痕。

Related Posts with Thumbnails