2011年9月5日 星期一

一窩蜂

「2011年08月12日嘉麟樓奶黃月餅 一日賣晒:

半島酒店嘉麟樓出品嘅迷你奶黃月餅,香而不膩,甜而不「漏」,係唔少達官貴人嘅「飛佛」,加上高貴得體,送禮自用皆宜,所以每年都好搶手。點知今年更誇張,量產 6萬盒、共 48萬個月餅,月初推出,首日即被搶購一空;往時可堂食,今年都要取消,呢個「月餅王」真係有錢都唔容易食到。半島公關同八方講,今個月 1號開始,顧客可電話或網上預訂,即日已搶購一空;今年斷市,明年請早。迷你奶黃月餅熱賣,有人甚至拎上網炒到 300蚊盒,八方知道唔少捧場客一年前已落柯打,以免向隅,粉絲如果下年想食住奶黃月餅賞月,千祈要記得早啲預訂。」

是日收到新鮮出爐嘉麟樓奶黃月餅,趕緊試試換了大廚後,今年食味如何,還好味道并未走樣。老實說這月餅食味雖然比坊間其他牌子、款式要好,但一盒八個(比棋子餅略大,中間特置一元硬幣以作比較)盛惠 228元,性價比并非太高,論餡料咸蛋黃撈奶黃做的點心還有很多更好選擇的,論餅皮,更松化的西式點心也不少,雖然合二為一表現都有水準的不多,但要出炒價購買或是提前一年預定真的有點頭過了。依我的性子也就屬於有就吃幾個,沒有就拉倒的食物,絕對不會溢價或托人搶購。

另外「甜而不「漏」」也是見人見智的說法,這麼小的一個月餅吃一、兩個當然不「漏」,傳統蛋黃蓮茸的月餅吃四份一個也不會「漏」啦!這嘉麟樓奶黃月我一口氣吃了四個,「漏」得不得了呀!

16 則留言:

  1. 熟客仔有8折(50盒以上)或85折(50盒以下)囉, 咁又唔係太貴既...

    回覆刪除
  2. 雖然係ok好食,但真係冇必要咁夸張囉!啲人講到天上有地下冇咁嘅款都幾無謂!人哋送咗一打畀我,我送出去嗰陣啲人仲開心過收金咁喎!撓頭!

    回覆刪除
  3. 嘩你有咁多早知我唔使買,等你送啦。。。

    回覆刪除
  4. 》這嘉麟樓奶黃月我一口氣吃了四個,「漏」得不得了呀!》

    Well said 說得好!Applause Applause

    半島嘉麟樓的月餅已經去到冇人敢講話唔好吃,為的是怕人笑唔懂得欣賞,哈哈哈哈哈!

    回覆刪除
  5. 妹仔(名氣)大過主人婆(好吃)。拿來送禮就大方得體,若買來自用的話就不值了。

    提起月餅,我怕怕了(讀書時日日食當早餐)

    回覆刪除
  6. 又甜又餾嘅月餅我最鍾意,月餅就喺要膩先至喺月餅嘛。

    回覆刪除
  7. Ebenezer ,errr…,你都幾易滿足喎!haha…

    the inner space ,係吖係吖!似足某啲潮流野你話唔靚就即刻畀人圍插話你唔識野、老土...

    Jay ,應就好應個潮流,大方我又唔係好覺,事關佢個盒都的的骰骰唔係好大體架咋!

    eric ,我中意五仁同蘇式嘅鮮肉月餅。

    回覆刪除
  8. 無可否認係好食, 不過試過ok 了, 不是需要年年食的東西!

    回覆刪除
  9. 恨食中。。。

    自由

    回覆刪除
  10. 好彩,我是小數不喜歡吃奶黃的。

    回覆刪除
  11. 今年我是一窩蜂其中一個,也是買半島酒店的,但不是嘉麟樓的喎。

    回覆刪除
  12. 大姐一定睇唔起我e種窮人食法:當年後生時食得多寧願食根本一樣但價值得個零頭既蛋黃酥,近年年紀大左更少食了!

    回覆刪除
  13. 自由:唔使恨喎!嘉麟樓嘅菠蘿包都係用同一種餡!一年四季都有!

    Quality Alchemist ,呢個其實唔係好奶黃咋!正常奶黃野我都唔喜歡吃!

    SKII ,唔係嘉麟樓唔算一窩蜂啦!

    老人:大班唔賣月餅果陣有黃金酥賣,一盒兩大件14蚊,做特價11蚊2件我就周不時買來食,好好味!

    回覆刪除

淡极始知花更艷,愁多焉得玉無痕。

Related Posts with Thumbnails