2011年12月1日 星期四

膠人特別多

花園街火災後的信仰反思和禱文
蔡少琪

九龍城浸信會主任牧師

深愛世人的主啊,在這充滿人禍的浩劫中,
為死傷市民,我們痛心、憂傷和憤怒,但我們更要禱告!
在悲傷中,在禱告中,我們實在有太多的不明白和憤恨!

為甚麼重複的人為火災會再三出現呢?
為甚麼疑似縱火的事被容許再發生呢?
為甚麼政府部門的執法不能更嚴正呢?
為甚麼消防的救火不能更快速果斷呢?
為甚麼有這麼多罔顧鄰居安危的人呢?
為甚麼有這麼多重財物輕人命的人呢?

神啊,甚麼時候祢會懲治任性妄為的人呢?
神啊,甚麼時候自私的人不再任意而行呢?
神啊,甚麼時候香港能夠不再縱容邪惡呢?
神啊,甚麼時候香港再不縱容靠惡行兇呢?
神啊,甚麼時候政府官員們敢認真執法呢?
神啊,甚麼時候人類能守法並顧念他人呢?

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

想請教一下,牧師有沒有問責免職下台的?這麼硬膠的話也說得出來!?還有一位獲救的林小姐,受訪說的不是人話的烏語,令我想兜口兜面抽她幾巴掌,這種人真的是欠抽。人遇上這種不幸卻又幸免於難的話,首先應該感恩,其次還是感恩,最後更要感恩,而不是一味的抱怨抱怨再抱怨。遇上不幸是個人命數,並不是社會虧欠了你,想不通這個道理的話,就算活到99歲,也是不開心地存活了94年而已(五歲前人人都會自然而然地快樂)。


附生果報林女訪問節錄:任職婚宴裝飾業的林小姐,與友人合資以 4,000多元,租住花園街 192號 4樓一間百餘呎劏房,昨日凌晨險因一場大火被毒煙焗死,事後投訴 999電台及消防員無法即時搶救,甚至曾經叫她在缺乏救生工具情況下,自行逃生。

林女憶述說,昨日凌晨 4時許仍在夢中,被朋友叫醒後得知發生火警,當時濃煙已從門罅窗隙湧入屋內,林女被嗆得天旋地轉幾乎暈倒,因逃生無門惟有多次報警求救。但 999電台人員亦無法提供救援,只有出言安慰林女保持鎮定,用濕毛巾掩着口鼻,留在屋內蹲身避開濃煙。
女事主苦候良久,還未見救援人員到場,惟有到窗邊揮手大叫救命,眼見濃煙迅速充斥全屋,林女被嗆得咳嗽連連將要暈倒,感到生命受嚴重威脅,惟有多次致電報警求救。
此時 999電台人員叫她︰「試吓衝上天台,或者衝落樓下啦!」門外梯間早已充斥有毒濃煙,林女無任何救生裝備,聞言大為光火說︰「有冇搞錯呀?乜都冇,點走呀」,氣得隨即掛線。

林女聲稱苦候 45分鐘,才有 3至 4名消防員到來搶救,但一開門,便有大量濃煙直攻入屋,林女幾乎被即時焗暈,但一直無人關門。林女多次大叫︰「你哋可唔可以閂門先呀?」才有人關門。消防員查問林女,是否可以應付沿樓梯走避。林女說︰「你哋有裝備,我乜都冇,連氧氣面罩都冇,同普通人有乜分別呀,出面咁大煙點走呀?」

林女聲稱,消防員曾用無線電聯絡同袍,但無線電機卻一度失靈,經多番擾攘,才有其他消防員帶同後備氧氣面罩上樓,女事主才能戴上協助呼吸,由消防員帶同沿梯間逃命。

林女送院後要留醫,幸無性命危險。她猶有餘悸稱︰「(消防)危急關頭先收唔到機,知唔知好短時間就可以冇咗條人命㗎?如果可以的話,我一早都走咗啦,有乜可能乜都冇,就叫人走?」
特首曾蔭權事後到病房慰問林小姐,林聲稱曾質問特首說︰「消防救火救人程序,到底係咪咁樣㗎?」

25 則留言:

  1. 其實我覺得林小姐講的東西冇錯。

    易地而處,她那時的境況真係好危險。樓梯的濃煙,可能唔係現在安在家中的我們可想像。

    公職人員盡力救人是可敬,有時盡左人事有蝦碌/錯漏亦難免,不過有時看事物要持平一些,俾人鬧,要退後一步,睇下對方講既係咪完全冇道理,下次可唔可以做好些。何況,真係人命悠關,呢個唔只關乎市民的性命,還有需爭分奪秒救人的消防員的性命。

    (註﹕我係公務員)

    回覆刪除
  2. 執番條命仔,湯雞殺鴨還神喇!仲咁多口水!下次,閻王去探佢架喇!

    回覆刪除
  3. 點解死過番生都會咁?

    回覆刪除
  4. 條女究竟知唔知自己想點?好似要人猜度佢嘅心意咁。

    回覆刪除
  5. that's why 林小姐要住劏房。

    回覆刪除
  6. 這𥚃令我想起了聖經可見世上苦難有二:
    面前所察覺到的事,心裡一直不敢相信會是真的,最後,竟是真的?
    心裡一直對某些事某些人抱有信任,最後,眼仍未能見,仍是落空?

    苦難,此事古常存。

    回覆刪除
  7. g,講得冇錯,但講的時間錯嗮。

    米兄:佢住劏房但任職婚宴裝飾令佢嚴重壓抑,對好多事睇唔順眼,執返條命的當下都剩係識得投訴投訴投訴,惡性循環來嘅,唉、、、

    回覆刪除
  8. 各位,

    如果你屋企附近發生火警,燒了45銀分鐘以上,有大量濃煙攻入屋,你見到消防員,問你可唔可以沿樓梯走避(唔知自己走定係消防員會陪你睇住你食煙)

    你會唔會好開心?

    回覆刪除
  9. 神呢個system唔work

    你唔知幾時死,做壞事唔一定早死,why not 做壞事揾多d$?

    壞人可能怕死,但唔一定like 天堂生活,who cares上唔上到天堂?

    人總有一死,都要死左先至上天堂或者落地獄.

    動物上上天堂定落地獄?How to determine which animal to go to heaven?食肉的動物一定落地獄?

    回覆刪除
  10. 我想講的是,人在危急關頭,抓住草條都要嘗試自救架啦,有時間俾你打咗999,首先已是萬幸,你仲咁多聲氣係電話度同人爭執應該點走,有時間唔該攞定一堆濕毛巾,該留在屋?該向下走?定係向上走?自己間房同火勢的距離,而唔係爭論裝備的問題,小白!條命係你自己嘅,俾你在電話爭贏又如何!

    回覆刪除
  11. 就连挪威的恐袭都是过了头七才去找出问题.第一时间政府还是无间断地称赞警务人员的表现.

    By the way, 好久不见,欢迎回归.

    回覆刪除
  12. 你自己也要多加保重啊!

    回覆刪除
  13. 火鶴:佢咪想全世界圍住佢,救咗佢一個先囉!

    7-11,間歇性發呃瘋。呵呵呵

    回覆刪除
  14. 悲劇:

    超人萬能錯覺 +
    安全係自己事,但人地負責+
    錯誤的時間諗錯誤的事 (逃生的時間 > 有冇口罩)+
    常識缺乏證 (走幾層樓,濕毛巾都頂到啦)

    好不幸,香港社會呢十幾年太好運,市民被訓練到冇哂求生本能

    Hana,咁耐唔蒲頭呀!

    回覆刪除
  15. o個一刻諗下計逃生好過呀! 仲o係電話嘈, 執番條命真係好好彩!!

    自由

    回覆刪除
  16. Ebenezer,理想很豐滿,現實很骨感,這點人人都該清楚明了。

    hkeric,我唔識答你呢個問題喎!事關畀著我莫講話45分鐘,10分鐘我已經自己逃生先啦!又唔係殘廢又冇暈行得走得總等咩?攞條沖涼毛巾濕嗮水捂住面就行架啦!等啲消防員去救老弱病殘啦!

    回覆刪除
  17. 林小姐case 令我想起小學讀過

    回覆刪除
  18. 校長:都唔係好耐遮…

    Coffee ,咪係!

    Desertfox,嘻嘻…

    老麥:變成功勞都係自己的,錯誤都係人哋/政府。

    行行:呢單野佢都算有運啦!

    回覆刪除
  19. 我真係好理性咁諗。

    佢好窮,要合租劏房?係人都知劏房危險,響自由市場下佢都揀嚟住。如果佢同友人月入過兩皮都要住劏房,唔係社會錯,係佢哋唔知啲錢洗咗去邊。有可能係要LV都唔要命仔。

    第二,多次報警求助係無用嘅。佢白痴。咁999電台派咗人去,除咗安慰你,真係無嘢好做。個女嘅都白痴唔晒,早就應該收線喇。

    「有乜可能乜都有就叫人走。」我真係唔知乜情況,但乜都無同走唔走無必然關係,我畀你乜都有你都可能未必走到,你乜都無都可能走到。你有無救生本能同急才係你本事。又,你知劏房危險,每個月食少餐壽司都應該買到個氣樽。你諗唔到,我而家教你。

    回覆刪除
  20. 買定氣樽都畀你諗到?!絕吖!哈哈哈、、、

    回覆刪除
  21. 娜姐姐, 好久不見了~!

    我聽說有(某些)基督教徒是這樣說話的:

    你被人炒呀? 緊係無祈禱啦! 你失戀呀? 緊係無奉獻啦......:s

    至於林小姐....

    投訴文化深種!

    回覆刪除

淡极始知花更艷,愁多焉得玉無痕。

Related Posts with Thumbnails