2012年4月18日 星期三

高薪？

原來一直被TBB標榜為高學歷、高薪的Florence，月薪是五萬港元？！約四萬人民幣的月薪真的算高薪嗎？

之前開玩笑說要找不貪錢想找真愛的Florence做米飯班主的年輕‘俊傑’們該失望了，因為要維持定期潛水、開直升飛機、打高爾夫的活動的話，Florence的月薪絕對不會剩下米粒的。

可能我身邊高薪的女性朋友實在太多，而且通脹也真的猛如虎，我認為現如今月入不超過十萬的真不能算高薪族。試想一下在香港一層窮人恩物的小單位也要四佰多萬港幣，單身五萬元的月薪最多也是中等收入而已吧？！
張貼者： Hana 於 星期三, 4月 18, 2012
標籤： ,

31 則留言:

  1. 魔術師2012年4月18日 晚上9:28

    不黝我都對科雲時的所謂「三高」好有保留。係家境好嘅，就唔使出來打工喇！

    回覆刪除
    回覆
    1. Hana2012年4月18日 晚上10:23

      雖然佢比起Gobby、Bonnie、Suki的萬幾蚊人工係高出兩、三倍，但個節目面對700萬人架嘛！照咁計Mandy的月薪應該都唔高得去邊架喎（冇標榜佢高薪過F)！

      我都識啲家境好嘅(幾十億資產)都會出來打工嘅，風流工唔怕打喎又。

      刪除
    2. 魔術師2012年4月18日 晚上11:23

      //風流工唔怕打喎又

      呢個不黝都係咁話.

      在財務自由狀態下打工,唔想做就頂墥下老細,以激死上司為己任,都唔知幾爽!

      刪除
  2. 阿貓2012年4月18日 晚上9:33

    哈哈！所以我從來爭著做窮鬼。

    回覆刪除
    回覆
    1. Hana2012年4月18日 晚上10:25

      咁我又OK高收入嘅，之不過有兩隻化骨龍要養所以都好窮。哈哈...

      刪除
  3. C.M.2012年4月18日 晚上10:24

    五萬元怎看都是高收入了，去旅行買東西已經無需多想，何况單身？你所說的對我等來說是超高薪，夠用有餘，不用知足都可以優悠快活，對吧。

    回覆刪除
  4. Hana2012年4月18日 晚上10:54

    單身五萬扣埋稅、強積金得返四萬幾，供返層窮人恩物的小單位又去咗一大截(未計首期)，每星期落場打一次高爾夫千來蚊，加埋用具折損更新冇一萬都七、八仟銀。

    Florence話佢個潛水牌係加勒比海考嘅，唔計去咁遠玩潛水，兩、三個月去東南亞玩一次幾萬蚊走唔掉。一年去澳洲玩一次直升機又至少十皮。

    出入揸車或搭的士一個月又幾仟(唔好話搭港鐵、巴士好方便，負擔得到/唔志在的人一定唔會日日搭公共交通工具。我都幾鐘意搭巴士但僅限於風和日麗、唔雨唔熱的日子，女人著得靚一靚汗叠汗逼巴士、地鐵真係唔過癮架！)

    仲未計食飯、衣飾、保養、保險...

    回覆刪除
    回覆
    1. Hana2012年4月18日 晚上11:01

      香港就係咁，窮的可以好窮，富的又真係好富，我識嗰啲高薪朋友唔少來自大陸，幾萬蚊對佢哋來講只不過係一、兩隻名牌手袋。又有個朋友剩係屋企部電梯一年保養費都成10萬。

      五萬蚊話係高薪會被大6同胞笑架！

      刪除
  5. 攞你命三千2012年4月18日 晚上11:02

    冷靜d,所謂窮人恩物係自稱
    西北個頭仲有好多平樓

    回覆刪除
    回覆
    1. Hana2012年4月18日 晚上11:06

      即管睇下遲啲(7.1)之後會唔會再平啲。等緊執死雞的說。

      刪除
    2. 攞你命三千2012年4月19日 下午6:39

      好firm話你知,下年經濟唔好

      有冇d高薪厚職介紹下,小弟ok貪錢的~~

      刪除
  6. 若缺齋老人2012年4月18日 晚上11:06

    所以我向來非常務實地話自己窮加讀書少! XD

    回覆刪除
  7. helen2012年4月18日 晚上11:21

    好奇想知您身邊月入超過十萬的女友，做什麼工作? 跨國公司高層? 醫生律師?

    5萬蚊的確唔算好多，我印象中，以會計行業來說，應該30出頭的，應可拎到這人工。不過專業以外，一般私人公司其實好難有如此高人工...

    回覆刪除
    回覆
    1. Hana2012年4月18日 晚上11:35

      公司董事、總經理、財務總監、區域總監、大中華區總裁...乜都有。

      刪除
    2. Hana2012年4月19日 上午11:35

      香港地好多四、五拾歲的公務員閒閒地都十萬、八萬月薪啦！僻如警司、工程師，呢啲人仲有長俸、租房津貼，仔女留學英國的津貼，咁先叫高薪一族吖嘛！為數唔少架！

      刪除
  8. 匿名2012年4月19日 凌晨1:21

    為免暴露身份，都係匿名。

    我剛大學畢業時都賺得多過F，而且從來無諗過自己算係高收入(唔係假謙虛，係真係咁諗)，當時仲要兩個人(同樣人工)住一個好細嘅單位，一年都係去一次旅行，無F嗰種生活。因為咁樣嘅人工，好似Hana講話，"Florence的月薪絕對不會剩下米粒的"。

    我甚至懷疑，F要過咁嘅生活以佢嘅人工應該攪唔掂，後面應該係父母有米。父母肯長期供應嘅話，咩都無問題。我呢啲無辦法只有靠自己嘅，咪唯有慳啲囉。

    回覆刪除
    回覆
    1. Hana2012年4月19日 清晨7:41

      我覺得兩個人夾埋八、九萬收入啲錢係好使過過一個人五萬嘅

      刪除
    2. 匿名2012年4月19日 上午11:22

      再諗深一層，如果唔駛供養父母，唔駛供樓比租，唔駛比仔女學費，五萬蚊真係好高人工，分分鐘等同人地嘅十萬。我開始有啲明白F個個案...

      刪除
    3. Hana2012年4月19日 上午11:32

      即使係咁要维持佢揸直升機、潛水、打高爾夫的生活都係僅僅夠遮。

      刪除
  9. 匿名2012年4月19日 上午11:10

    以F單靠五萬收入要維持佢目前的生活實懷疑，不過以F的年齡可能多年來識得投資，股市有收穫，豪宅幾個收下租，加加瑪瑪都可以算“高薪”呱，或者父母有米，更甚的是中過六合彩呢。要不以佢的姿態、外型、談吐真係“傲”得有點兒格格不入。

    Lucy

    回覆刪除
    回覆
    1. Hana2012年4月19日 上午11:30

      話明高薪嘛！薪金係收入的一部分咋！

      刪除
    2. Hana2012年4月19日 上午11:45

      好奇怪大太陽去打高爾夫，佢竟然連帽都唔戴頂，可能佢真係好自負不屑去保養自己。

      我落場有冇太陽都會戴頂Ashworthas的闊邊高爾夫帽又輕又透氣又唔醜樣，所以我成日打波皮膚都仲係白白淨架！

      刪除
  10. Jay2012年4月19日 晚上7:31

    hana姐，以妳嘅「高度」去睇五皮野可能真係唔算高薪，但以我地呢d搵個萬零、兩萬嘅打工仔嚟講，五皮野係夢想嚟。

    回覆刪除
    回覆
    1. Hana2012年4月19日 晚上8:18

      以你的年紀來講五皮我都覺得係高薪嘅。但39歲五皮以唔以所謂嘅我的「高度」去睇真係唔算高薪囉！

      刪除
  11. 雪山飛狐2012年4月20日 凌晨2:15

    唐唐话月入8万是中产

    回覆刪除
  12. 匿名2012年4月20日 下午5:48

    Sigh!! I earn HKD 200,000 a month but I do not regard myself as a "high-pay" person.

    Every month, my salary goes to housing, parents, spouse, children, domestic helper, insurance, various membership fee / professional indemnity fee / tax ( once a year). In fact, I have little left only.

    I think iPhone is too expensive, I cannot go diving nor travelling on helicopter!!!

    I am only a middle class.

    回覆刪除
    回覆
    1. Hana2012年4月20日 晚上9:22

      我有個朋友揾十幾萬一個月，佢老婆揾廿幾萬，但佢竟然要借循環貸款度日。唔識理財冇自制力的話揾100萬個月都係會覺得自己好窮的。

      刪除
  13. 文少2012年4月24日 下午5:39

    就算有買樓﹐都要睇下層樓幾時入﹐層樓幾大﹐同埋層樓樓齡﹐無人叫你摸頂的~~
    好似我有個老朋﹐08年係黃大仙買層五百尺舊樓﹐20年樓齡﹐當時170萬﹐除返開一個月都係供六千幾。轉眼間而家層樓﹐樓價已經升咗一球。
    簡而言之﹐五萬其實都算高薪啦!
    當然﹐你要扮小資蘇豪﹐追求果D所謂生活品味﹐兼且走埋去做名牌奴隸﹐學班盛女無神神去玩潛水打高爾夫﹐再唔係走去整容的話﹐十萬都唔夠你駛la﹖

    又話時話﹐因乜鬼成日拍住班盛女拎住杯紅酒﹐又唔飲嘅呢﹖

    回覆刪除
    回覆
    1. Hana2012年4月24日 下午6:40

      可能個編導認為拎住杯紅酒就有生活品味啩？哈哈灬

      刪除

淡极始知花更艷，愁多焉得玉無痕。

訂閱： 張貼留言 (Atom)
Related Posts with Thumbnails