2010年9月18日 星期六

當伍萬變成伍仟

有個疏堂的表弟正在籌辦明年的婚禮,因為沒什麼積蓄,籌辦婚禮其中一個至關重要的項目就是由他老媽去找親戚借錢,這天終於找上我了。

開口的銀碼是伍萬,老實說伍萬元我隨時拿得出來,但老人家說的:「你細佬話一收到人情就即刻俾返你。」我就覺得很礙耳了。聽聞在找我之前,親戚圈中老一輩有能力的已經被她借勻了,由一萬至十萬已經借下數十萬的款項了,承諾的還款期都是收到人情那天。且不說人情究竟能收多少,收不足怎麼還?只說這種先使未來錢、打腫臉充胖子的行為我已是討厭之极,再加上平生最討厭不孝順的人,一個三十歲的成年男子為了自己的婚禮竟然叫幾十歲的老母拉下臉子到處去問親戚借錢,這種人怎麼可以縱容呢?!

借意去廁所,馬上在酒樓門口的ATM取了伍仟圓出來,問知客要了個利是封把錢裝進去,回到座位上把利是遞給老人家,說:「我不想批評細佬的這種做法,畢竟每個人都有自己的想法,都該得到尊重,所以也請您老人家尊重我的想法,大家都知道我借錢給人向來是救急不救窮的,您也別為難我呀!這裡有伍仟塊就當是我的人情好了,細佬都這麼大了,你也別太為他操心了,顧著自己的身體才是重要啊!」



當伍萬變成伍仟,件事當然被細佬唱到街知巷聞,個人(我)被細佬唱到衰到貼地啦!

44 則留言:

  1. 窮人借錢,愈借愈!

    支持自力更新

    打腫面充胖子,真係好易出事

    回覆刪除
  2. 有錢有有錢的搞法,錢不多的也有不用花太多錢的搞法。
    那些‘冇咁大個頭又要戴咁大頂帽死要面’的人真的好討厭。

    回覆刪除
  3. 雖然係借錢如送禮,但hana姐姐你說得太白,人地唔夠厚道自然就說三道四。

    又,呢挺親戚少理為妙。

    回覆刪除
  4. 幾十皮野一筆過問銀行借嚟周轉下,應該一個電話搞掂啦,係冇?

    佢唱妳?要叫老母到處去借錢結婚咪仲樣衰?

    回覆刪除
  5. 借人錢結婚都仲好意思唱人唔肯借錢?

    歪風!

    回覆刪除
  6. >>只說這種先使未來錢、打腫臉充胖子的行為我已是討厭之极,再加上一個三十歲的成年男子為了自己的婚禮竟然叫幾十歲的老母拉下臉子到處去問親戚借錢,

    雖是你的親戚,我都忍不住講,真是令人討厭的行為!你封伍千塊做人情,做得好好呀!

    回覆刪除
  7. 唔喺太多積蓄,就簡簡單單兩三圍檯食餐飯就OK啦。

    回覆刪除
  8. 唉,要老人家奔波為難,實在太不該!

    回覆刪除
  9. "一個三十歲的成年男子為了自己的婚禮竟然叫幾十歲的老母拉下臉子到處去問親戚借錢"

    真的有點不知所謂,匪 yee 所思,我更懷疑這兩母子的腦筋是否有點問題... 是大陸親戚嗎?

    婚禮是喜事,攪到周圍問人借,未免有點核突了。

    回覆刪除
  10. 堂表弟都係咁話啦,這刻沒本事沒所謂,平有平結就是,找老媽子出黎借錢,擺明唔還居多,呢種男人,嫁咗都喊三聲。
    hana姐我撐你,唔使理佢。

    回覆刪除
  11. 冇錢就唔好學人大排筵席啦!
    阿 Hana 姐你都唔會介意人地講咩架啦。

    回覆刪除
  12. 伍仟蚊做人情都比人唱衰!我拿去大塊活食早餐,都食得幾年喇!

    回覆刪除
  13. 老麥 :聽講佢哋總爭落好多卡數。

    Joyce ,真係唔明親友多數住係新界佢自己住係九龍,係都要走去中西區五星級酒店擺酒!!!

    詩白爾 :冇乜理!一年見一次咋!如果佢自己問我借,我斗零都唔俾添吖!

    Ebenezer,借無可借先問親戚啩!親戚又唔使俾息幾好呀!

    the8 ,係呀!唔肯俾佢共產就係唔啱啦!

    回覆刪除
  14. 哎。我倒想知道擺酒那天會否還請你.....

    回覆刪除
  15. 或者妳表弟娶大美人呢!中環五星酒店擺酒?如果的親戚吾識裝身就重寒酸加掉架!我一個仙都吾洗止意我借佢。

    回覆刪除
  16. Coffee n Tea,好疏咋!即係啲血緣如果係咖啡飲唔出咁制,正常市面人情價頂籠1500咋!

    eric,人家總要去歐洲度蜜月呀!

    校長:咪係!但個老人家都唔慌好得去邊,口氣大到呢...話我'咁有米'俾5仟蚊佢老人家買野食都好應該喎!!!大佬,好似佢咁疏嘅長輩我大大話話有十幾廿個,人人俾5仟我死得啦!

    helne ,土生土長圍村人呀!大陸啲親戚反而豪到你唔信,上門訪親都係送血燕、靚茶加海味啊!

    回覆刪除
  17. haha, 唔死唔死,你咁有米!

    不過有米還有米,唔係亂派嘛!

    回覆刪除
  18. 火鶴:是但啦!嬲都於事無補,我冇嬲啦!

    老鳥 :唱'衰'我總好啦!其他人咪唔來搞我囉!(阿Q上身)

    assenav ,唉...我唔介意但屋企啲老人家介意嘛!

    佛爺 :總係預支添...:(

    回覆刪除
  19. Ron Lau ,佢唔請我都入啦!大啦啦5仟銀喎!

    sam,睇過張相模咁款囉!大眼仔、假睫毛、金毛咁都幾靚嘅。

    校長:嗱嗱嗱,佢話咋!有'號!

    回覆刪除
  20. "大眼仔、假睫毛、金毛咁都幾靚嘅。"

    刻薄D講句,隨時由落左妝果一刻開始就會鬧離婚。

    結果可能幾十萬買個「中出即飛」,hana姐姐你算唔算「金鑽級贊助人」?

    回覆刪除
  21. 我?梗係唔算啦!威猛哥借俾佢五皮呀!(嘔血...)

    回覆刪除
  22. 比着我就五千都省番...哈哈哈...

    回覆刪除
  23. 我諗而家真係好多人借結婚...

    http://sally-smallthoughts.blogspot.com/2010/06/blog-post_20.html

    真係唔明結來為乜。重有呀,佢竟然掉返轉唱你,果五千,出賣佢自己嘅專嚴!

    回覆刪除
  24. 佢唱妳?

    唱你唔借錢俾佢扮闊佬 ? too thick face !

    回覆刪除
  25. 這樣的親戚, 少一個沒所謂, 少兩個當一相.
    三十歲人, 又是八十後的魔咒.

    回覆刪除
  26. 去! 總要食多幾碗翅添, 等價交易, 哈哈...

    回覆刪除
  27. hana 姐好大方,做得很漂亮,不愧成功人士。
    现在社会70后/80后很少知大体的人。

    回覆刪除
  28. 聽聞話響中環擺酒同埋去歐洲旅行先唔會咁易離婚。呵呵呵呵!!

    乜人都有,算喇!!!

    ^^^^^^^^^^^^^^^

    若果話做細嘅要畀錢做大嘅飲茶。

    我做細嘅實問:「咁做大係咪好應該睇住啲細先?咁你點做大呀,挑!!」

    回覆刪除
  29. 我身邊沒有聽過借親戚錢擺酒的事, 不過就見過主人家狼狽地即場(新娘房)拆人情揍錢找數, 原因都只係銀行或支票的意外問題.

    當然, 借家人錢擺酒的就比比皆是了.

    回覆刪除
  30. 借你是人情 不借你是道理 !难道他不明白? 不够钱,就小搞婚礼好了 ,做人一定要量力而为。

    回覆刪除
  31. 我真係唔係好明你個堂細佬係乜野心態?冇錢學乜嘢人地擺酒呢?個女仔肯嫁個咁既爛佬都唔慌係好人。三十歲人做埋D咁既嘢,可以好肯定佢一定到老都係廢柴!

    回覆刪除
  32. 小瓶:唉...我冇你咁瀟灑嘛!

    SKII ,唔知啲人個腦咩构造嘅。


    篤篤篤撐 :唱話:一場親戚借5萬俾5千打發乞衣啊!咁大間學校都捐咗啦!沽名釣譽!無情無義!

    但佢又唔俾返嗰5千銀我喎!咁咪即係認咗自己係乞衣?撓頭!

    Quality Alchemist ,係呀!

    9:54,我同成功人士總隔咗成座山呀!(只不過我又冇諗過要做喎!做人開開心心豐衣足食於願足矣。)

    回覆刪除
  33. 過內人 :我冇你同小瓶咁灑脫呀!對我來講做細嘅氹下啲得人中意的老人家都應該。

    舞了 :我其實好唔明家下啲人點解結婚搞到好似做騷咁。

    Evil 雷草 ,家下好多後生仔女唔識啦!

    >缘分是本书,翻的不经意会错过,读的太认真会泪流。

    這句我也喜歡。

    Sunny Chow ,充大頭鬼好似係佢公司的風氣。唔係堂細佬係疏堂,好疏嗰隻。

    回覆刪除
  34. 冇錢都可以結婚,真好命哦.
    冇錢都可以歐遊,真好命哦.

    回覆刪除
  35. 借人錢結婚都仲好意思唱人唔肯借錢?

    歪風! x 2

    你做得好得體, 佢地都好貪得無厭! 無錢咪簽個名就算.

    回覆刪除
  36. hkeric ,人情都有得預支,真好命哦.

    行行:有錢嗰啲又未必中意大搞喎!

    回覆刪除
  37. Hana 提到...有錢嗰啲又未必中意大搞喎!

    大搞嗰啲未必一定結得耐婚。

    回覆刪除
  38. 結得耐婚嗰啲又未必一定幸福得耐

    回覆刪除
  39. 做人可以咁厚面皮,真好命哦
    識到haha姐真好命哦

    回覆刪除
  40. haha有hkeric幫出聲,真好命哦

    回覆刪除
  41. 幸福得耐嗰啲又未必一定要結婚

    回覆刪除
  42. 看大家的留言原來更精彩!

    回覆刪除
  43. 我最叻拋磚引玉,hehe...

    回覆刪除

淡极始知花更艷,愁多焉得玉無痕。

Related Posts with Thumbnails