2011年3月3日 星期四

財爺派錢 真開心 又傷心(轉貼)

http://jimwong1120.mysinablog.com/index.php?op=ViewArticle&articleId=2915248

這篇文寫得很痛快,大部分的觀點我都极之認同(注資強積金等我有保留)。坊間很多評論都說:「為何要選擇派錢,大把人好有錢為何要派錢比個d人,人地亦不會多謝你,...」雖然我不是好有錢,我也不等這6000元開飯,但我會說多謝!因為我懂得感恩。

一個家庭子女眾多,有的攢錢多有的攢錢少,有的分文不攢甚至還拼命生孩子等著家裡養,攢得多的給家裡的家用多,攢得少的給少些,到了年尾結帳,家裡原來盈餘不少,分些給子女們高興高興吧!只給從不付家用的子女,你叫付家用的子女情何以堪呀?

况且從表面的生活狀態是很難判斷出真正的貧富的,有的人喜歡充大頭鬼,穿著畢挺西裝天天被追債,睡在偽豪宅裡晚晚發惡夢,6000元於這種'富'人可能是救命錢(買張機票絕草?)。有的人一家幾口領綜援住公屋,鄉下卻有整幢的村屋出租,收了人民幣包包二奶按按腳,6000元對他只不過幾天的屋租收入而已。

唉...不想說太多了,曬氣,自求多福吧!祝香港人萬事勝意!

19 則留言:

  1. 開不到網頁 , 謝謝

    回覆刪除
  2. 月入8000男人+新移民老婆+3個唔夠18歲子女
    租屋住,無攞綜援!--> 香港好多呢類人!
    呢啲先係最需要幫嘅人,但係只分得六千蚊。
    需然我唔明點解無能力都要生?

    回覆刪除
  3. 肥金:我唔想話佢抵死亦都唔知佢子女幾大,但做人唔好學香港政苦嘛眼光要睇遠啲,做/造人要有預算,個B未生落來最少都要諗下跟住果三、五、七年點安排佢啦!更何況3個?早啲輪定公屋係唔係好啲呢?(政府話3年上樓?單人耐啲?)

    起居屋係好事,但居屋的標準應該只係公屋咁上下質素但面積稍大可以賣平好多,而且唔應該可以補地價投入私樓市場。剩係可以賣畀白、綠表用戶,咁公屋流動性就會強囉!


    尋日睇電視新聞有個40來歲的女人話佢一家六口靠綜援為生,得70歲老公有6000收,佢同4個仔女都冇,好唔公平!!!見佢抱住果個最多三歲...哩啲家庭都好多!

    回覆刪除
  4. hkeric ,都話曬氣囉!等人去做啦!

    回覆刪除
  5. 愈窮愈生得多,因係屋企無所事事!

    好老實我都覺得佢地係自找。
    綜援年年有雙糧出-->簡直無稽!
    (綜援已係保障,對社會根本就無X獻)Sorry!
    但係啲有交稅嘅就咩都無。

    其實係應該起多啲公屋,而唔係居屋!
    公屋->畀以上呢班人起步嘅機會。
    居屋->咁貴,根本唔值。
    都唔明點解會有人買?

    回覆刪除
  6. >居屋->咁貴,根本唔值。
    都唔明點解會有人買?

    因為啲居屋可以補地價投入私樓市場吖嘛!買居屋都好賺!

    回覆刪除
  7. 公屋免租2個月,綜援有雙糧(好似有),那位四十來歲的太太一家六口,應該住公屋有萬多元的綜援,仲唔公平???!!!!很多人都好似覺得社會要比晒所有野佢先叫公平,又唔諗下其實已經得到幾多.

    睇新聞見到個拾紙皮阿婆好開心,因為6000蚊係佢一年既收入.突然間我覺得,其實呢個預算都叫好事呀!

    回覆刪除
  8. 香港亂晒龍o架喇,等移民o架喇!!

    回覆刪除
  9. 我唔明嘅係:
    點解要用我地呢啲要返工要交稅嘅人啲錢嚟畀呢班蛀米大蟲出雙糧?
    而佢地連唔該都無聲,仲要話唔夠駛?
    --> 呢啲咩人嚟架?

    回覆刪除
  10. 回全世界:
    你們知道有分直接稅和間接稅嗎?
    你們知道你們說什麼嗎?

    蛀米大蟲HOW TO DEFINE?
    交薪俸稅才是有貢獻?
    做義工沒錢收,沒得交薪俸稅就是沒貢獻?

    我們應該想那原則是什麼?
    未滿7yrs的外傭有沒有?
    雙程/單程/遊客又有沒有,
    露宿者又有沒有?


    我只是覺得政府熄滅了大家對政府角色的進一步討論。。。。

    回覆刪除
  11. Maddiamond ,恕我才疏學淺,我唔明你想講咩!

    >做義工沒錢收,沒得交薪俸稅就是沒貢獻?

    哩個我知,加下教育局話通識教育,又有咩「其他學習經歷」硬性規定中四以上學生一定要去做義工(有一定時數)照你邏輯佢哋未够18歲都應該有錢派。好啦啲幼稚園學生都周不時去商場、公園唱歌表演娛樂市民亦都要派...乜乂人都有貢獻有啖氣的都要派。

    請問到政苦赤字果陣係叫乜乂人都交稅定係乜乂人都嘔返啲錢出來吖?

    我做義工都識唔少攞緊綜援都一個禮拜做一、兩粒鐘的義工嘅。

    回覆刪除
  12. 我如果把"派錢", 說成"回水"會否容易理解?

    政府收稅, 在社會上收集資源之後,再重新分配.
    當第一次退稅, 減差餉, 免電費時, 我們大眾究竟有沒有討論過為何這樣做

    "請問到政苦赤字果陣係叫乜乂人都交稅定係乜乂人都嘔返?錢出來??"
    首先為什麼政府不可以有赤字? 到了那個水平才是危險? 那是短期or長期赤字?
    因為美國, 日本赤字了很久, 所以我未知危險是什麼?
    何況政府是可以發國債的....
    我們政府好像只有2-3年是赤字的, 政府是否靠加稅補回?
    我唔知, 可能真的要search下.

    我可否理解為: 如果政府多錢是好的話, 我相信市民今年的生活一定是比上年更好,
    因為政府盈餘又大增了!!

    近幾年每之預算案前, 都有討論政府究竟有多少儲備, 但宣讀完就沒了這回事. (只有亞洲金融風暴時例外).
    究竟儲備要多少, 有什麼原則? 我想政府的原則是越多越好, 為的是將來可能唔知發生的什麼事...
    那要多少儲備? 不知, 因為不知的事可以好大件事...

    回覆刪除
  13. "乜乂人都有貢獻有啖氣的都要派。"
    政府收稅, 在社會上收集資源之後,再重新分配, 儲備就是之前餘下的.
    越來越多的儲備, 就表示重新分配一直做得不好..
    當第一次退稅, 減差餉, 免電費時, 我們大眾究竟有沒有討論過為何這樣做
    我只知那表示我們花錢, 好過政府花.. 政府由那時起已表示不懂怎用錢...

    我想問今年的280億做退薪俸稅的話, 可以點退?
    就以09-10年作例: 薪俸稅412億, 要退280億, 會有什麼結果?
    交得多, 退得多好合理, 但有些人可退幾十萬, 甚至過百萬, 會否嘈到反艇?!
    另外回的錢是那時候的錢? 是上年多了的錢, 還是幾十年前的錢, 又或是今年的?

    退印花稅,利得稅,博彩稅又如何? 交得多,退得多!! .

    我去文具店買支筆,那已包含利得稅, 我可否回?
    我乘交通公具是否已含利得稅?

    或者說, 我消費就是"速"進經濟發展.
    又何來沒有貢獻

    事實上個人免稅額跟通脹/縮掛鉤, 好像沒有被討論過,我已經不知政府想點.
    (又要簡單, 又要擴大稅基, 你想點呀)

    18歲加上加三粒星(起碼是住了7年)有得回, 我覺得是法律的考慮:一刀切.
    當加上另外的condition, 我包打官司打到下年到未完...

    那不用回吧? 我讚成.
    我不是要一個回水的政府,大數不管(所謂的顧問費), 細數管(交津),
    但眼見政府可以為大眾做多些什麼?

    個人免稅額跟通脹/縮掛鉤, 好像討論都沒有..
    (又要簡單, 又要擴大稅基, 政府你想點呀)

    俾我亂講一些: 何為有貢獻? 我相信butterfly effect本身存在就有貢獻(只有事實, 沒有好壞之分).

    回覆刪除
  14. 路過一見, 這文章寫得實在太好
    但樓上 Maddiamond, 我不知你在說什麼? 都不合邏輯, 看來你思緒有一點兒問題

    回覆刪除
  15. 不如用呢筆錢去整返個$6000抗通脹打小人套餐吖.

    回覆刪除
  16. 一家五口:做地盤阿爸+煮婦阿媽+2仔1女全部讀小學。呢幾年開始攞綜援,因有時無工開。不如我講吓佢地嘅生活:絕少係屋企煮飯,多數出街食。週未/週日一家大少多數就飲茶睇戲直落,兩個仔一人一部NDS。(因重男輕女,所以阿女無份)。阿爸阿媽賭馬就場場三位數銀碼,每年阿爸生日仲會擺幾圍慶祝吓咁!
    據我所知屯X 元X 天x圍 有唔少呢種人。

    簡直係:Quality of life!

    Maddiamond
    請問呢種人都可以年年有雙糧+花紅(六千)?
    仲未計政府幫你養小朋友嘅書籍津貼+眼鏡津貼+呢兩年每個小朋友一千蚊+....

    最後:生得愈生錢就愈多!

    回覆刪除
  17. Maddiamond

    “我們政府好像只有2-3年是赤字的”

    以前的不大清楚。香港回歸14年以來,一共有5年是錄得赤字的。98/99年是232億元,00/01年是140億元,01/02年是578億元,02/03年是611億元,03/04年是401億元。

    “為什麼政府不可以有赤字? 到了那個水平才是危險? 那是短期or長期赤字?
    因為美國, 日本赤字了很久, 所以我未知危險是什麼?
    何況政府是可以發國債的....

    美日政府可以有赤字預算和發國債,因為兩國是全球第一、二大的經濟體系(日本在最近已給中國大陸追過了),美元更是國際結算貨幣,香港是嗎?香港沒有天然資源,如果香港像98年至2004年期間年年有赤字,令政府財政儲備跌至低水平,有機構會給政府借貸嗎?香港金融體系會受怎麼樣的沖擊?
    下面這篇文章,是一位英國華人談及為何今日英國經濟滿目瘡痍,政府處於破產邊緣,裁員減薪削福利加學費,弄至民怨沸騰的原因。

    http://following-the-wind.blogspot.com/2010/11/blog-post_27.html

    如果香港的年輕人都有Maddiamond的想法,大家可能真的要考慮移民了!但是,普天之下,可處是樂土?


    potato

    回覆刪除

淡极始知花更艷,愁多焉得玉無痕。

Related Posts with Thumbnails