2012年3月21日 星期三

即時反應

本來對現在這場豬狼爛仔跤已經非常厭悶不想多說什麼了,但看到諸多狼粉的撐狼之說實在太給力,忍不住在自家地頭灑灑口水花。先行利益申報,我害怕、討厭狼;极度厭惡狼太;可憐、同情豬豬;喜歡豬太;不認同豬、狼、鴿的某部份政綱,如果我有一票在手會投白票。

邏輯這回事在香港已經是一人一注冊,各自演繹了。坊間很多撐狼的人一面在說相信狼沒有說過「香港始終有一次要用防暴隊同催淚彈對付示威人士」,這種話,一面又在拼命爲它解說「就算有人真的這樣說,你驗證這話本身,其實也沒有甚麼大不了、、、這話是有前設的,就是若情況失控,防暴隊就要出動,這又有甚麼錯?忽視前設,只論意見,斷章取義,借題發揮。开会時什么意见也可討淪, 多誇的, 玩笑的也有! 但明知是不会做的。豺狼即使真係有講過好想 cut 商台,好想出防暴,但佢當年只可以得個噏字,佢可獨斷獨行咩?,就算真的有人說了一句話,齋聽該句說話可能很負面,但有沒有想過:前文後理是什麼?對方在什麼情況說該句說話?他當時的語氣如何?(實在太多不能盡錄)」

我想說我害怕的不是有沒有說過這一句話,而是狼在完全沒有預料的情況下對這一指控的即時反應,語言可以騙人,身體語言卻沒辦法混淆視聴,狼的汗和忽沉的面色,最後拿著演說紙微顫的手都是證據,證明他當著七百萬人面睜大眼睛呃人的事實。

其實很多人包括我的觀感被影響不是這一、兩句沒有前文後理的說話,而是來自狼的回/反應。一句絕對冇,自行將自己說話的前文後理帶出來了(俗話叫:心有屎)。如果他大大方方的回答:可能有/時間久遠,記不清,你要將前文後理都說出來等等,人們也不會去多想了。當然也就不用勞煩這麼多撐狼的人出來幫他解話了。

 大多數人不太會記得十年、八年前開的某個會曾經說過什麼話,但如果這件事影響了你一生的命運的話,你肯定連細節都記得淸清楚楚。影響葉劉淑儀命運的這件事就是廿三條,所以對她來說有關廿三條的事她是記得很清楚的。上星期五的特首競選辯論會她在有綫做現場評論,鏡頭轉到她面前時,對仕途還有很多遐想的她,神情除了震驚還有害怕,她說的話就是狼騙人的證據。

另外雅虎香港首頁上的即時新聞網頁已經被狼粉功陷,有關豬狼鴿的新聞留言幾乎一片倒撐狼,我一留言馬上被隱藏,大概狼已提前當選了。

50 則留言:

  1. 依家好似係,只要你唔撐狼,就係死罪。

    回覆刪除
  2. 上星期既大便論無論點睇都係鐵頭表現最好,但觀眾竟然投票狼表現最好,可想而之好多人只係睇到自己想睇既野,大家可以知道所謂民意其實有幾可信, 難怪d人成日話香港民主發展未成熟,適合普選。

    但我地小市民可以做d乜? 老實講,我想移民。

    回覆刪除
    回覆
    1. 上星期大便論我都覺得何生好得,野野都兜得到去小圈子呢個目標度。

      你咁叻邊個上場邊種制度都阻唔到你揾食啦!係個女慘啲遮,啲報紙歸曬邊,新聞全部變咗新聞解讀,真相無從得知。

      老實講上星期既大便論隻狼的表現令我對佢改觀,因為佢嘅奸冇我想像中咁勁。道行爭咗啲。哈哈!

      刪除
  3. 雖然我都好唔鐘意隻豬同埋隻狼,都好唔想佢地做特首,但若要在Mean同End中間做抉擇的話,我始終會首先選擇前者。

    回覆刪除
    回覆
    1. 哈哈,有架,仲有一個識頭可以揀架,不過呢個冇負面嘢嘅候選人,大家都唔揀佢之嘛。

      刪除
    2. 但佢要全民退休保障架喎!香港變希臘?撿得落咩?

      刪除
  4. 我唔係幾清楚一樣嘢,盼指教:豬嘅我大概知道..狼當選嘅話,對香港將來會有咩預期性嘅影響?佢可以奸,可以講大話,可以賣咗人都唔知,但係實質上預期會有咩影響我就唔係幾清楚。

    回覆刪除
    回覆
    1. 純粹個人感覺:個影響係50萬人上街都唔會有腳痛落台呢件事發生囉!

      刪除
  5. 到左今日咁嘅地步,我諗我星五會去個所謂民調度投白票,雖則唔知可以做到D乜,但起碼叫做以行動去表示。

    回覆刪除
    回覆
    1. 民調你仲信?兩次即場民調我打咗十幾廿次電話都打唔通囉!尋日我係公司做咗個不記名簡單民調,有六成撐流選,兩成撐何,一成撐梁,半成撐唐,半成冇意見。

      刪除
    2. 我無信過,不過同樓上一樣感覺,兩個做都對香港無好影响。而家最大嘅不安感係狼上位後會出咩招令香港內地化啫。

      其實我會好天真咁諗,到左今日嘅地步,老董反而係最好(比較下)

      刪除
    3. 學李純恩話齋懷念老董唔係好悲哀,下一個上場之後懷念蔭權就真係好悲哀了。

      刪除
  6. 今日信報有單既新聞,似乎大家已經唔識分是非黑白了...

    唐英年洩密事件, 根據有線委託港大進行的民調顯示,在500位受訪者中,45%受訪者相信唐英年,只有22%人相信梁振英。但50%受訪者卻因此而對唐的印象轉差,56%的人則對梁振英的印象沒有改觀

    回覆刪除
    回覆
    1. 收到風,多了外資基金佬泊美金碼頭,蓄勢待發趁3.25結果做空軍,可能又有平貨買,做好準備呀!

      刪除
    2. 希望有得執多少幫補下的激氣啦!

      刪除
    3. 咁既民調,真係唔知喊定笑好...


      mimi

      刪除
    4. 乜人言唔係唐營架咩?

      刪除
    5. 尋晚北京月黑風高,加下香港除了唐梁死硬fans,有頭有面之人冇人敢講真心說話,驚上錯船驚走漏風聲驚秋後算帳,個個講野都曲到暈,模菱兩可,可憐呀香港。

      刪除
    6. 人言雖然係唐營但都可以如實報導啫。。。

      又,北京單野花姐有無堅料爆呀?

      刪除
    7. 疑似有出動到坦克車灬

      刪除
  7. 这个月发生的事情看在中央眼里,哪里还敢给香港普选?

    "新闻全变成新闻解读" 这句很对。为什么?因为大部分人连思考都懒,有人为他做思考为何不可?然后有几份报纸各有不同的立场任君选择,真方便。

    回覆刪除
    回覆
    1. 為什麼不敢?如果照民調來看民意隻狼唔係最多人buy咩?

      刪除
    2. 最多人buy狼,但并不代表阿爷最初是想他跑出。

      我觉得香港的媒体和大部分人不太理性,选特首看花边新闻多于政纲,对于不理性的人一般都会出现估计不到的结果的时候,阿爷可能会觉得让香港普选会有风险。

      就好像我跟不理性的人打牌一样,他们不按常理出牌反而让我摸不清。

      刪除
  8. 睇完2場辯論之後覺得隻狼信唔過,講野好叻,不斷兜圈,唔實在.

    回覆刪除
    回覆
    1. 自由黨選委自行決定投票唐英年或投白票

      03年同依加的自由黨真係抵讚抵投票畀佢哋。係呢個時候夠膽公開逆"民意"、共黨意,真夠薑!來緊要積極考慮捐錢畀自由黨。

      刪除
    2. 自由黨的田少當年退出行會, 令香港人可能避過一場由保安局長葉劉下令的血腥鎮壓. 今天, 自由黨決定不投梁振英, 可能令大家避過十年的振英之禍. 若白票行動能達到目的, 那就功德無量.

      刪除
  9. 老虎早已經被五毛黨佔據
    要表達意見還是在自己地頭好

    回覆刪除
  10. 雅虎留言竟然一面倒批自由黨,拼擊田北俊,真係離哂大譜!

    回覆刪除
  11. 為什麼我支持梁振英?
    最初在電視看到他的宣布參選(27 Nov 2011),令我想起小時候,到錦叔叔家中玩耍(他們一家六口住在警察宿舍),及我和弟弟在家中穿膠花,裝砌玩具車及黏原子粒等等。
    原來大家有著貧窮的童年經歷,之後憑著不斷奮鬥成為專業人士。有基層經歷,就知道當中困苦,在決策時所考慮的更全面。

    在上年十二月,我有機會接觸唐英年。當時我問有關科技政策,他的回答全是正面(有如黃大仙)。但再深入的,就沒有了(太表面!)。
    在今年一月,我分別寫一些批評電郵給何俊仁,唐英年及梁振英。只有梁振英有回覆。
    在未發生黑材料時(一月頭),我做了一個<以品質管理原則看特首能力>的調查,能力排名結果是梁振英、唐英年、何俊仁、馮檢基。這是我支持梁振英的根據。

    之後黑材料滿天飛,但唐英年在僭建時對著七百萬香港市民說謊,事情敗露才承認。這是有証明及實據!另一方面對梁振英的指控包括西九門,黑金門,續牌門及防暴門;全是羅生門,沒有提出証明及實據,有人身攻擊之嫌,犯了不相干的謬誤;說出一兩句話來指控,沒有前文後理,沒有語境。是斷章取義,以偏概全,又犯了不充分的謬誤。只有單方面的說法加上政府處理不公,實際是打擊梁振英的民望。

    穩中求變!我們想改變的是貧富懸殊,利益輸送及官商勾結等問題。

    回覆刪除
    回覆
    1. 首先我想問你,你係咪相信粱從來冇講過呢兩句說話呢?

      如果你相信咁我就冇野可以回應你了,因為我們睇人睇面睇神情的標準、感覺完全唔同,因此對人性的理解也就不一樣了。

      但完全相信佢講嘅野係唔需要去理解咩前文後理、咩語境架喎!因為都冇講過!

      咁點解唐對住七百萬市民講大話係有誠信問題但梁就冇呢?

      女人諗野好簡單,董建華出身畗貴佢唔會貪錢,曾蔭權同梁一樣靠自己奮斗上位但會貪。

      以我有限的知識所知應該冇只扎兩只腳趾的扎腳法,但粱就以此為賣點博取基層的同情和認同,直至畀人發現佢阿媽張三只腳趾完好無損的相片先至解釋話只扎咗兩只腳趾、、、根本佢一路都係大話精。

      刪除
    2. 仲有梁上台就冇利益輸送、官商勾結了咩?我唔敢講會多過依加,但相信一定唔會少過依加。只不過李嘉誠換做羅康瑞、陳啟宗。你諗下粱的競選經費邊度來呢?唐就話屋企大把錢,撐佢嘅又大把有錢佬,咁梁呢?咪一樣要還!

      刪除
    3. "有基層經歷,就知道當中困苦,在決策時所考慮的更全面。" 呢句有邏輯問題,觀乎做得出色的決策者,當中有貧有富出身,不能一概而論。咁講法,釋迦牟尼(本為王子)又如何成為佛祖?

      至於"能力排名結果",感覺就好似"有能者定會升職加人工"嘅思想。

      而對狼的各種指控,比起僭建、婚外情等程度上複雜好多。若真係要查出証據,非三時五刻之事,大多以年計算,此刻全都只是"懷疑",但也不能就此斷定狼無講/無做過。

      政見當然各有喜好,但邏輯卻該是黑白分明。

      刪除
    4. 我無記錯嘅話狼好似主係半山!

      刪除
    5. 問:"你係咪相信梁從來冇講過呢兩句說話呢?"
      答: 他可能有,可能冇,可能全直,也可能全假或被修改過。
      為什麼我要強調唐英年指控沒有前文後理,沒有語境呢?這是有關評價論證。
      我理解唐英年的論證是梁振英說出「香港始終有一次要用防暴隊同催淚彈對付示威人士」及「縮短商台牌照時間」這種話,所以他是反對/打擊香港核心價值如言論自由和集會自由等。
      判斷一個論證是好是壞,基本上只需考慮以下三個評價問題,如果三個評價問題的答案都是肯定的,唐英年的論證被評價為好。
      一、前提是否支持結論?(肯定)
      二、前提是否全真?(不肯定)
      三、前提是否不含不當的預設?(不肯定)
      (貝剛毅(2011)思方導航-批判思考導論,第三十三頁)

      問:"咁點解唐對住七百萬市民講大話係有誠信問題但梁就冇呢?"
      答:對唐英年的誠信問題,是證據確鑒;但梁振英的誠信問題,正在調查,暫時證據不足。

      "紮腳之謎"已解。
      SATURDAY, DECEMBER 10, 2011
      沈旭暉:回應「狼媽」紮腳之謎--威海衛國際大歷史
      http://commentshk.blogspot.com/2011/12/blog-post_6337.html

      問:"仲有梁上台就冇利益輸送、官商勾結了咩?"
      答:不肯定,但只要増加了競爭(如増加批細面積地,多些中小發展商參與競爭),消費者一定受惠。

      3.23 民間全民投票 - 投票時段是2012年3月23日凌晨12時至下午8時!
      https://popvote.hk/index.php
      (P.S. 不支持梁振英不緊要,可以投白票。)

      刪除
    6. 「唐英年早前在選舉論壇,公開梁振英在行政會議,就商台續牌及反23條立法的立場,鄭耀棠指,唐英年不遵守行會保密制,是不投票給他的關鍵。」

      唔需要一、之二、三了啩?!

      鹿米館:雖然梁否認其事,但他也不用擔心,即使他自己在七百萬市民面前講大話,他仍然坐擁工聯會全數選委票,梁先生怎說什麼大話,講一千次,也不緊要罷。實在替他即使說謊話仍有其忠實的支持者,實在可喜可賀。

      我都恭喜梁粉!兩日後你哋可以暢所欲言而我就會收聲。

      刪除
    7. 有圖有真相!到目前為止我只見過梁老太的扎腳相!而其他歷史更源長的全腳扎腳相我就見過不下一百張。如果你有相多謝你轉畀我睇睇。

      刪除
  12. 狼英是变的开始,地产“大麻沙”操控hk命运的时代已过去。
    政治无对与错,真与假,只有利益。
    普选是相对公平的制度,希望明天会更好。
    ant

    回覆刪除
    回覆
    1. 依加民意七成半支持流選,真係以此為標準的話,狼英應該冇得開始喎!

      刪除
  13. 民意不等同普选。
    现实中目前无普选。天朝发功流选机会绝小。
    客观推算,“大麻沙”不可能吾走资。股市楼市有危和机??
    hk已是大陆的一部份,未来需要强有力维护本土利益的领袖。
    只能真普选才能有相对公平的利益分配。
    ant

    回覆刪除
  14. 連23條都要推,又防暴隊又解防軍,等隻狼上咗場立埋D惡法,到時大家真係可以收聲. 想當日反23條上街嗰50萬人去咗邊? 究竟而家唔出聲仲等幾時?!

    回覆刪除
  15. 我覺得好似好多人都唔知,其實梁振英只係一個地產經紀。而且佢仲係第一代最成功嗰個。話說八十年代當黃建業同施永清都仲係踎緊地舖跑數嘅時候,梁振英已經貴為仲量行第一個華人合伙人。當年,香港嘅豪宅同地皮買賣幾乎由仲量行一手包辦。要成為一個咁成功嘅地產經紀嘅秘訣係乜嘢?咪就係要識做戲同埋講大話囉!見買家講人話,見賣家講鬼話,氹到兩邊塌塌掂。最後佢連仲量行都呃埋,將D大陸客掃哂落自己戶口,然後一個屈尾十自己出嚟開檔。所以我覺得佢講嘅嘢,信一成都仲要打個八折至得。
    一個咁"完美"嘅人一旦當選,我敢包佢一定做足兩屆,唔會落台,不過佢身邊嘅人就會一個一個咁被佢推去死。。。

    Derek

    回覆刪除
  16. 一將功成萬骨枯,夢雄羅范已身先士卒.…

    回覆刪除
  17. 我也撐狼,只因沒有選擇。豬上台香港只有繼續陰乾。狼是狼大家都知,只是賭一把,也許他的投機能帶領香港走出條生路,也可能出防暴隊強推廿三條,但起碼有一線生機。

    回覆刪除
  18. 隻狼做特首,移民潮應該又會出現了。
    香港會極速和內地融合,成為一個完全去英化的內地城市。隻狼在昵方面一定會做得不遺餘力!

    回覆刪除
    回覆
    1. 問題係好多人根本冇能力移民,只有任其宰殺。

      刪除

淡极始知花更艷,愁多焉得玉無痕。

Related Posts with Thumbnails