2012年4月15日 星期日

另類怪獸家長

年輕的時候我很不喜歡吃蔬果,30歲之前是絕少吃蘋果、雪黎、橙等水果的,蔬菜的話綠葉菜也是极少碰的,只吃些瓜、豆類的蔬菜,如果一個人正常攝取的蔬果是10分的話,我的分數是1分,因此當時不斷地被長輩、朋友苦口婆心勸說或怪責。不喜歡的東西不吃是我做人僅有的一點堅持之一,他們說了那麼多我也沒改變我的飲食習慣,而皮膚、體質也真的沒因此而變差,我相信身體需要什麼會通過喜好來決定你的攝取。

很奇怪的,30歲之後慢慢地開始料喜歡吃綠葉菜,雖然還是不喜歡蘋果、雪黎、橙,但卻喜歡一大兜一大兜地吃很多其他水果,最愛是楊梅、馬拉榴槤、水蜜桃、新彊葡萄、冬棗、石榴、、僁伽…這些季節性水果,次選是有核的西瓜、巨豐葡萄、車厘子…

我家大小姐對蔬果的喜惡和攝取都很正常,二小姐遺傳了我不喜蔬果的基因且將之發揚光大,自她懂事、自主開始,她的蔬果攝取量只有0.5分。對此家裡長輩、親朋都非常著緊,盯前矚後、苦口婆心、危逼利誘要她吃蔬果。我這個怪獸媽媽不僅沒有加把口說她,還時時為她打圓場、解圍。

這天大家族飯聚,到最後果盤上來的時候,二小姐不吃蔬果又成了眾矢之的,長輩們個個‘聲討’,‘群情洶湧’,我趕緊WhatsApp她:「食少少,皆大歡喜,耳根清」,二小姐一點即透,回我:「Copy that﹒Thx,Mum﹒」

24 則留言:

  1. 不吃蔬果, 我姐是人辦, 她幾十歲人了, 也從無改變不吃"青綠"的陋習, 人到中年, 她比同齡的人要蒼老很多很多, 而且身體因不夠攝取蔬果等維生素而帶來的弊病一一浮現了, 腎和肝的功能都出現問題, 需要服抑制肝酵素的葯了. 面對頑疾, 她唯一改變的是現在每天以麥片作早餐, 也盡量每天吃一個橙.

    回覆刪除
    回覆
    1. 每無天吃一個橙對我來講有8、9分攝取量架啦!同埋以我的基因來講貝身體需要什麼係會自動改變口味嘅

      刪除
  2. 漂亮的怪獸家長!

    水果基本百益,維生素微量元素纖維素,对身體容顏都是好的,吃過了胃部也舒服。

    高壽者多吃蔬果少吃肉,二小姐都要 copy 咯 :)

    回覆刪除
    回覆
    1. 佢知架!不過唔鐘意就係唔鐘意冇得強求嘅。

      刪除
  3. 我是水果王,其他家庭成員卻由始至今從不吃水果,我沒有說個半句話,各取所需,後果自負,嘻嘻!

    回覆刪除
    回覆
    1. 人生苦短\流流長,如果唔喜歡因健康\有益而夾硬去食係好慘架!同埋食得健康並唔等於長命或身體健康架!事關我識唔少人食得好健康但身體多病痛。

      刪除
    2. 我前幾年先開悟:

      要「委屈」自己(for whatever reason)去聽人地講而改變自己,對有啲人(e.g.Hana)泥講係好痛苦,但對某啲人泥講其實又係無乜嘢

      所以「如果唔喜歡因健康\有益而夾硬去食係好慘架!」──慘者,最緊要唔好累到人就得;我就識得唔少人係因為以上思想,有糖尿/高血壓仲大吃大喝没節制,結果中風變植物人...如果係死左都好,起碼係佢自己選擇,叫做豪受左,所以要承受後果;但做植物人,苦了的是他的家人...

      又,「同埋食得健康並唔等於長命或身體健康架!」

      啱,但係,我同時有成日同人拗...「跟燈過馬路一樣有好多人俾車車死」,但係咪咁就應該唔跟燈過馬路?只係機率問題

      刪除
    3. 嗯,有道理。不過你舉的例子極端啲因為你講緊病人我講緊健康正常人。我之前係份外美國科學期刊睇過一篇文有個調查話現代的蔬果太多農藥同基因改造食得多反正而仲易病或積蓄毒素

      刪除
    4. 你偏聽呀! 小姐!

      poklou

      刪除
    5. 我知呀!嘻嘻,話明又另類又怪獸吖嘛!

      刪除
  4. 我覺得偏食是性格問題,因感覺偏食的人,性格也較偏執在某些地方!

    回覆刪除
    回覆
    1. 咁又唔會喎!二小姐性格好似我凡事好易話為,又識氹人世界女一名。反而唔偏食正正經經的大小姐遇事幾執著。

      刪除
  5. 開明媽媽+醒目囡囡!

    自由

    回覆刪除
    回覆
    1. 係驚佢醒目過頭遮,大小姐我又驚佢老實過頭喎!唉,可憐天下父母心。

      刪除
  6. 我都凡事好易話為,唯有對個仔做唔到,他也是很不好蔬果類,批埋切埋都唔肯食,放屁好臭(嘻,唔好意思),仲出好多暗瘡,唯有動腦筋將蔬果三分一攪拌三分二榨汁,雪凍後,哈,咁樣佢就喜歡了,除了冬季,其餘日子晚晚嘈要飲,你話我係咪可憐呀!不過連佢自己都識講,佢而家冇暗瘡不特止,仲白滑晒咯!

    回覆刪除
    回覆
    1. 好彩兩個女都遺傳咗我貪靚的基因好注重皮膚的保養,我哋幾個城市的屋企都種咗大大盤食用蘆薈,無論住係邊佢哋都會時不時自動自覺摘蘆薈落來食肉同理埋用皮來洗面所以到依加仲未有冇暗瘡煩惱

      刪除
  7. 口味呢樣野,唔係迫就可以改變。況且,兩大小姐都唔細,懂得獨立思考咩係對自己好,咁做家長嘅唯有隻眼開隻眼閉。前提係佢知佢嘅選擇會引致咩後果者。

    回覆刪除
    回覆
    1. 因為佢貪靚會緊張自己的皮膚狀態又有主見所以我就好放心咁由佢啦!我自己都係咁走過來所以會理解佢感受。如果佢係男仔頭烏wae嗰種人我就唔會咁放縱佢了。

      好多朋友谷個發育中的女食木瓜,二小姐由細到大一啖都未曾食過,厭惡程度去到我食咗木瓜當日就唔可以錫佢,但佢發育得超級正斗,C+仲要係薄背脊嗰種,唔知係咪9歲起就跟教練全世界周圍去打波有關呢?而食好多木瓜嗰啲細細個就戴魔術胸圍睇落都只不過僅僅B遮。

      刪除
    2. 好多嘢係遺傳(有啲仲要係隔代),咁啱,無得羨慕,就算係孖生姊妹都可以係兩回事。

      眼見朋友啲仔女,阿媽靚個女又未必靚,有啲阿爸阿媽唔靚,但係個女又唔算肉酸。上帝之手,實在奇妙(或曰,好醜命生成)。

      刪除
    3. 係架!你睇B哥哥和前B嫂俊男美女但兩個仔女都唔似佢哋咁好樣。

      刪除
  8. 使乜擔心大女,傻人有傻福,老實人生會快樂d

    回覆刪除
    回覆
    1. 查實我啲擔心唔係好堅架咋!隨口呃下咁上下囉!每個人頭上都有一片天,我邊理得咁多呀!

      刪除
  9. 我唯一鍾意食的,係黃金奇異果,但最近唔覺有得賣...

    其實我想講,我應該學下你,有啲野唔駛太堅持,咁會破壞親子關係,但偏偏做不到!

    回覆刪除
    回覆
    1. 我唔係一直咁唔堅持架!佢細個為佢身體著想我都堅持氹佢食蔬果㗎!到咗青少年期佢自己識得分析咩係好壞先由佢遮嘛

      刪除

淡极始知花更艷,愁多焉得玉無痕。

Related Posts with Thumbnails