2012年4月22日 星期日

命中注定

女友A樣貌姣好,卻天生不喜歡打扮,喜歡穿牛仔褲、T恤、運動衫褲、平底鞋等寬鬆衣飾,不喜歡也不懂得化妝,連早晚抹保養品也覺得討厭更晃論貼面膜了,所以她的樣貌保持得不怎麼樣。年輕的時候因為底子好追求者倒也不少,挑挑撿撿之下轉眼過了而立之年,身邊的追求者開始遂漸稀少至罕有。

某日她經人提點終於問起我保養心德,我遂如一告之之餘,也提醒她重點其實是做自己喜歡做的事。我天生愛打扮,喜歡穿高跟鞋的程度是合家歡式的度假旅行也是穿三、四吋高跟鞋的,并且很享受穿上高跟鞋後腰肢挺拔的感覺。喜歡去美容院做臉,喜歡赤裸裸地香薰推油,也很喜歡化妝,幾乎一切可以把自己打扮得漂漂亮亮的事都帶著享受的心情去做。

A現在也穿高跟鞋,也開始化妝去美容院了,但追求者還是欠奉,因為她根本就不喜歡做這些,所謂相由心生,高跟鞋擠腳趾的痛和化妝品在臉上的難受全在粉底下一一呈現人前。

很多人都相信或傳頌「機會是留給準備的人的。」相信只要裝備好自己就有機會改變命運,我卻更相信人的一生早已命中注定,準備好,只不過是你令自己相信前途會有所改變的迷幻藥,雖然這樣能令你在等待的過程中精神上比較好過些,但肉體的付出卻往往令你的身心嚴重疲憊,隨時得不償失。

@@@@@@@@@@@@@@@@@@

如果同一道甜品第一晚覺得好吃,第二晚卻馬上覺得膩再也吃不下,那麼不是第一晚錯愛了,就是吃過的好吃的甜品太少了。

如果我要投訴他人怎樣對自己,肯定唔關自尊心事,原因只有一個:就是我很緊張對方對自己的看法,而我是很重視對方的。普通朋友我只會贊你好。

「我高你低」可能是自命不凡、狂妄自大,但「我低你高」卻是實實在在的謙虛和自審的態度。人固然無分高低,但人的資質和品格卻一定有高低之分,而我認定的人的層次也緣自於這種高低之分。有一個我相當崇敬的高人是一個在領匯賣魚的小販,他堅持親自照顧已逝父親的二奶至85歲過世,也經常平賣貴價魚給單身長者改善伙食。

明博不留匿名言,我也實在厭倦了利用文字技巧去說些模稜兩可的說話,@分割線後是回應    性格先決這篇博文的。CM哥哥你一定要相信我是拿了自己的尊重出來寫的,當然選擇不信也全在你的自尊心的左右。

19 則留言:

  1. 咪玩啦,我邊有心力講盛女講班房同學事丫。

    Well, 你問阿Hok,佢知呢瓣唔係我為人(單打明寸小蛛例外)。

    雖則,我講既野,十次有十次都有目標人物,所謂background context是也。之但如果你問我寫緊俾邊個,well,我會話寫俾那默默在遠方守候著我的CD-ROM們(if any),囉。

    點interpret,都係睇讀者,因時制宜啦。

    又又Re: 就是吃過的好吃的甜品太少了

    查實唔多明。有時我自己覺得甜品好唔好食,唔係因為甜品本身,而係因為環境係咪配合。例如響水渠邊大排檔同阿鶴食 souffle,第一次都唔掂囉。所以我唔明。我俾自己既解釋係,套劇既內容係引人入勝既,只係我... (容許我顧影自憐)... 認為,如果真係“有心”“幫”佢地既話,d 橋睇多次都夠露底啦。你話係咪先。

    又又又,我覺得,相信你都同意,人生本身唔需要太多“正統邏輯學”,因為唔同既人生已經係自成一家。而我,亦係針對果d,認為世上只有一套唯我獨尊既絕世傳世邏輯既高人而有所體會,咁遮。

    回覆刪除
    回覆
    1. 我好認真咁回應你架喎!皆因我的而且確係好重視你的。餘下的遲些先應你,加下要打埋最後個洞先,今日成績都幾差,17洞已經96桿了(汗)

      刪除
    2. v

      >人生本身唔需要太多“正統邏輯學”,

      絕對同意。我自細就教導啲女「遠近相瞻知世事,上下求索築夢想」,話畀佢哋知世界很大,世事多變,隨住世事的轉變我們已知的道理都係會變嘅,今日對的事,他日未必會啱,只不過有啲處事態度永遠都唔會變也唔應該變,僻如:莫以善小而不為 莫以惡小而為之。

      刪除
    3. 正是!

      雖則我自問聰明伶俐活潑可愛IQ爆棚低分高能可圈可點,但都明白人生取勝之道,就只係不斷打倒自己。

      其中一樣比較感觸既係,朋友有自閉兒,佢思維係點,可能高班過我,只係唔能夠表達。佢好鍾意屋企人,但無辦法令情緒無咁波動,下下粗手粗腳。朋友話試過佢有日好想擁抱隻貓,但就一下扯甩埋貓毛!作為朋友,作為父母,作為乜身份都好,真係好明白好理解。

      刪除
    4. 自閉童係天使,通常IQ都高過常人,因為佢哋係天使所以唔可以用我們普通人溝通的方式,同佢哋溝通有另外的途徑,僻如音樂和畫畫。

      刪除
  2. 我相信我的愛扮靚程和心得是在你和你朋友之間!我記得你在我的網誌留過言,駕車也穿高踭鞋,勁!

    回覆刪除
    回覆
    1. 學貓姐話齋最緊要自我感覺良好。

      刪除
  3. 我係咪唔應該搭嗲?呢篇只係hana姐回應朋友。

    最近又遇到堅持唔打扮的女仔, 咁岩呢輪盛女的話題又咁多人講, 我又有d感慨同困惑。

    一般的講法係, 性格/本性影響行為。所以有本性鍾意簡單舒服(相反角度講係懶)的人唔鍾意打扮, 亦覺得社會要佢地打扮好痛苦。

    近年聽到的另一種講法係, 心情/性格受行為影響。之前聽網台訪問陳國邦, 佢話同老婆之間好堅持要保持親䁥的動作, 唔理幾忙過左幾耐幾多人睇住都一定要保持, 因為佢地深信心情受行為影響。

    如果套返呢個logic落來, 照計扮得靚左多左人讚自信左, 應該個人都多左正能量至係的(至少我都自覺自己都幾歷過呢個脫變)。其實我覺得,覺得打扮痛苦個班人係未突破到個comfort zone。開頭學打扮實係有過覺得唔扮好過扮的過程, 原因可能來自未搵到咩裝扮適合自己, 又或者手勢未熟(化妝gel頭知點做都要練得多手勢先好罷?)

    其實我有點覺得, 可能克服難關後的信心同光采, 對比面對難關的抱怨同放棄(呢個case係著高踭鞋)比起外表具體轉變對魅力影響更大罷?

    回覆刪除
    回覆
    1. 唔緊要,大家討論下遮,學米班長話齋聽多個人講野我對我有冇壞遮。仲有你講嗰啲唔係回應朋友架!

      我想說以盛女F為例,佢既然咁討厭打扮(半年嘗試期唔算少了),做埋啲事倍功半的事,咁不如將啲學打扮的時間、財力擺哂落佢喜歡的打波、潛水上面,咁當佢有啲成績自然會吸引到同道中人,一來鐘意打波潛水的男人唔少,二來鐘意得打波游水叻的女人的男人自然唔會在意個女人唔識打扮啦!咁成功搵到另一半的機會反而多些喎!(F小姐啲波打得好鬼屎,但個曬到黑芒芒)

      刪除
  4. 自我感覺良好,已能做到“人穿衣”的效果。先愛上,再做的事,通常都能發揮正面效應,更會越來越好。美人!這正是妳的優質DNA呀!務必繼續享受。

    @@後的,不明。沒關係,我也會繼續自我感覺良好地不明下去(笑)。只是妳是妳,誰管得著,不喜!?請回(嘻)!

    回覆刪除
  5. 嘩!好深奧的哲理,要諗諗佢!

    回覆刪除
    回覆
    1. 諗完記得話我知,無論你我係邊啲問題上意見不同,我想話你知我係好重視你的任何意見的。:)

      刪除
    2. 哈哈!謝謝Hana重視我這個以屁股來思考的人!而我的腦根在下,所以思想就經常上下顛倒!嘻嘻!

      回應你這個帖子,可以用現在上演的「危險療程」的其中一名男主角「卡爾‧榮格」的名言:「性格就是命運!」

      刪除
  6. 你呢度門庭若市,常有插不上嘴的感覺,不過今回這貼我點都要說上幾句,分享下。

    首先我九成以上認同你的命中注定論。

    其次關於扮靚,我年輕時絕不往自己臉上塗上任何有顏色的東西,怕因此壞了皮膚,而家年紀大了,前二年開始搽BB Cream,但近十年來,我勤於在空閒時做臉部護理保養的工夫。

    我們潛意識總是從舒服的角度出發去行事,我有幾個女朋友,都是不往臉上塗脂抹粉的,但外表一樣打理得很整潔有神彩,她們選擇了從自己舒服的角度出發,以舒服感為依歸的生活態度,旁人也感覺得到,一起相處時會覺得好正。

    再提下盛女F,我覺得她素顏、不化妝完全不是問題,問題在於她沒有活出一種精神面貌來,例如像Hana你說的,潛水打波都可以建立起一種姿態,讓人注目,況且她自己要別人有深度地看到她整個人,但她自己又很介意對方的外表,於是便有些「唯我獨尊」的公主感覺,是這種不平等要求讓人反感了。

    回覆刪除
    回覆
    1. 我哋呢啲過來人的肺腑之言啲年輕人未必會明。

      至於F你話佢介意對方外表又好似不盡然,你睇佢竟然睇得中嗰個凸眼、髮線後移的大浦吳顏祖(?)!

      刪除
  7. "今日對的事,他日未必會啱"很同意,不過最麻煩嘅係身邊嘅人會不停比壓力,真真要對自己好有自信先得。又或者好似文章"一代好媳婦"嘅提議,"遠離家鄉,不受封建思想的壓迫,不怕三姑六婆的議論"。

    有啲同意"克服難關後的信心同光采比起外表具體轉變對魅力影響更大"。我之前好怕做家居維修工作,最勁係換燈泡。到咗今日,換吊燈/電制/開關、補牆、修理門户、安裝廚房大型抽屜等都完全無問題,仲會自己改裝家俱去迎合自己要求。坦白講,我未必鍾意做,但做完之後真係"自我感覺非常良好"。

    越發覺得"心態"係好緊要,可能幾乎係最重要。

    P.S. 非常讚同"佢有啲成績自然會吸引到同道中人"。睇完個節目,啲女話去老蘭可以識到啲乜師乜家。心諗,小姐如果妳自己本身係乜師乜家,咪可以識到好多呢啲人囉,分分鐘多到覺得"厭"呀。

    回覆刪除
  8. 車三十而已仲係一朵花,咁心急做乜?

    回覆刪除
    回覆
    1. 某日係幾年前囉!其實我覚覺得就算四十歲、五十歲只要過得開心的話單身都冇乜唔好遮。

      刪除

淡极始知花更艷,愁多焉得玉無痕。

Related Posts with Thumbnails