2012年9月8日 星期六

不相見

呢排好多人冇咗好多朋友,

甚至夫妻反面,

香港開始似八年前的台灣,

可惜雖似卻不盡相同。

台灣冇背靠的爺爺,

更可惜嘅係

好多香港人唔愿承認這個不同。


呢排我連whatsapp都少用,

費時影響平和心情,

呢排無事最好不相見。

有事更加不要相見,

如果聽日係票站見到我,

千其咪相認,

更加唔好問我/游說我投票畀邊個,

因為我都唔會問/游說你。

33 則留言:

  1. 〝香港開始似八年前的台灣〞 我同意!

    〝好多香港人唔愿承認這個不同〞 想深層,是好事。

    〝如果聽日係票站見到我,千其咪相認〞 有冇咁嚴重呀!可能至今沒看過選舉新聞(查實寄來的單張也不看),加上形象問題,沒誰敢煩我,所以一點感覺也沒有。

    明天,去投票就成,只要能按自己意願,投誰也沒問題,自己向自己負責即可。

    回覆刪除
  2. 現代正義論則從自由出發。投票只是盡公民責任,隨心所欲就可以了。

    回覆刪除
    回覆
    1. 一個理智、冷靜、客觀的人面對激動的友人,為了事過境遷後的好相見,大概也只能顫顫巍巍、小心翼翼的吧?!

      刪除
  3. 一個人有癌症,相信同唔相信個癌始終都係度,但我承認過程會有唔同。

    唉,真係好鬼嚴重!紀律部隊最近流傳一個笑話分享,關於夢見小兒子上幼稚園老師教佢唱世上只有媽媽好的"惡夢",反智到呢!睇得我把幾火,偏偏我又有唔少任職紀律部隊的朋友,日日都收幾條呢個"笑話"!

    我隔離屋果兩夫婦又係好鐘意種菜的,我哋成日交流種菜經又分享種子和收成,前幾日個老婆問我選邊個我話田北俊,點知佢好嬲咁話點解唔選劉江華!轉個頭仲畀返我係韓國買返來送畀佢的種子我,話道不同不相為謀。

    有個朋友阿媽力撐陳婉嫻,有晩拉啲仔女跪係老豆的神位前要佢哋發誓投票畀陳灬

    回覆刪除
    回覆
    1. 仲有好多!唉…

      你知唔知點解民建聯嗰啲名單咁多人嗎?呢排我先聽講嗰啲排係後面的區議員係票源來!啲屋邨師奶阿婆阿伯未必最前嗰個,但就識個成日畀著數佢的區議員。原來佢哋對鐵票係好關心愛護!我有個義教的單親學生話,派野而佢阿媽唔得閑去輪的話,區議員辦事處係會留起份野call佢去攞!

      刪除
    2. 證明維穩費很多,勁!

      刪除
    3. 我都投田北俊先生。
      你有你投,我有我投,佢有佢投,有乜嘢問題呢?

      刪除
    4. 佢覺得劉江華係唯一嘛!所以咪割蓆囉!大把人都係咁啦!人民力量嗰班友咪又係咁,講民主只有此一黨吖嘛!自己冇份選超級區議會立法會議席就要人投白票,同共產黨一黨獨尊有咩分別?

      刪除
    5. 第一:田先生同劉江華係唔同"隊",一個係新界東選區,另一個係超級區議會議席,根本唔存在"相沖",真係好笑,佢地乜嘢邏輯呀?!
      第二:如果話今次投超級區議會劉江華先係王道,咁阿嫻姐又係乜嘢位置呢?如果用某種特定思維去計數,咁嫻姐嘅功業同級數肯定好高,唔通有人唔認同我就同佢割蓆,咁好笑?!

      P.S. 如果連呢啲咁簡單同基本嘅思考能力及個人修養都無,我係唔介意其他人"主動"同我割蓆,唔駛客氣。

      刪除
    6. 好開心田北俊先生當選!
      我支持田先生是因為想用行動話比某人聽,雖然呢個世界係一朝天子一朝臣,但若果係有能之士,一定會企返起身!

      刪除
    7. 你有所不知其實建制派係好憎田北俊㗎!係佢哋眼中劉江華=民建聯。

      我交朋友分好多種類,波友就講波打波;酒友就飲酒講風花雪月;理財就搵有經驗的朋友交流;做生意就傾生意經;音樂就同啲音樂發燒友玩,當中西樂同中樂又有唔同朋友;養花種菜又係另一班人灬朋友各有唔同功能,因為直至今日我都未能搵到個我似咁八足咁多爪,興趣咁廣泛乜都傾得到的人做朋友,唯有一范唔好掂到另一范啦!

      我住嘅地方好難搵到個鐘意種菜嘅(種花就大把),唔使下下出田先搵到志同道合的人傾種菜經對我來講係好難得嘅。以前唔講政治取向唔過問彼此工作齋講種菜,我同佢哋傾得好開心㗎!

      因為佢偏激得令我咋舌,所以特登查咗下佢哋背景,原來係駐港中資機構高高層吖!失覺曬!

      有好多人話政治取向唔一樣連朋友都冇得做,我唔贊同㗎!我覺得做朋友遮唔需要咁嚴格啦!唔係話民主就係要包容唔同聲音嗎?如果個女同我政見不同唔通我又同佢斷絕關係了喎!我唯一認同嘅係伴侶應該政見相同或相似,咁會少矛盾少交哎。

      刪除
    8. 厲害,其實我都好想好想選田少。但就系因為他非泛民過唔到自己個關。他朝一日普選成功我一定投田少!

      刪除
    9. 嘩,你興趣都好廣泛喎!難怪你會交遊廣闊,做朋友講求和而不同,正所謂若要人似我,除非兩個我!

      建制派唔鍾意田先生唔奇,但若果而加係唐先生坐正,肯定會有不同講法!有時會想,如果係田先生做行政會議召集人,咁個政府會有更開揚的局面,不過呢個世界係無如果嘅。

      無可否認係某些人眼中,劉江華會係"根正苗紅",但今次選舉中,居然會自己人打自己人,嫻姐幾乎中招,咁你個兩位夫婦鄰居,又點睇絕對根正苗紅,默默耕耘嘅工聯會呢?國家係好多方面都漸漸越做越好,如果大家都可豁達一些,更加包容,咁結果會更好!

      刪除
    10. 其實田大少係某啲議題上仲比好多所謂泛民更泛民咩?特別係維護香港核心價值方面做到野。

      刪除
    11. To KK: 係唔係泛民只不過係一個 "label",最緊要係咪真心為人民,你可以睇返田先生過去言論和行為,咁啱上次差些少運氣,但今次形勢仲差,牌面好弱,但有能之士係一定可以企返起身,只係時間問題。

      刪除
    12. 劉江華墜馬要飲多杯賀賀佢。

      刪除
    13. 梗要一齊賀賀佢,勝嘅!

      刪除
  4. 呢排無事最好不相見。
    有事更加不要相見,

    我覺得改為以下更好:

    呢排無事最好不說話。
    有事更加不要說,

    回覆刪除
  5. 嘻嘻,網上網下都可能係架...

    有些事情你永遠不必問,有些人你永遠不...必...等(夢醒時份,幾貼切!) :-P

    回覆刪除
  6. 我又真係今次罕有地有去向幾個熟人拉票

    但我係先打聽對方有無肯定投票目標,如果無,再逐個候選人分析邊D人特別值得杯葛,邊幾個人或黨可以投,邊D係支持率低到無機會。所以我呢D講理據的人能夠拉到的票係好少,同埋只能否定某D候選人,而唔能夠真係要人投特定對像。

    我覺得對時事唔多熟的人來講,我俾到每個候選人多D資料參考,都唔算壞事。

    回覆刪除
    回覆
    1. 逐個分析?我冇你咁幸福有時間逐個(聽)分析吖!我啲朋友決定去投票的通常都有既定力場,講多無謂兼分分鐘傷和氣。

      刪除
  7. 相見時難別亦難, 東風無力百花殘. 原來咁多古仔聽, 就算唔留言, 都要經常造訪Hana先得.

    回覆刪除
  8. 係囉!多啲來吖!耐唔耐頂唔順我就爆肚㗎啦!

    回覆刪除
    回覆
    1. 我都好欣賞Hana嘅outspoken 作風,有說話咪攤出黎講。

      刪除
  9. 考慮返一個人的職業、年紀、收入、資產水平同埋人生經歷,其實大概都估到呢個人的政治立場的啦。有幾多人會支持一個,明知會損害到自己利益,但又符合公義的政黨?

    迫其他人信自己個套根本唔可能。不過我都失算,睇唔通我大佬會帶個女去反國民教育遊行,但根本唔係選民。睇來我的眼光頂多只能分析年紀同自己差不多或細少少的人

    回覆刪除
  10. 你鄰居都好極端下!

    自由

    回覆刪除
  11. haha, 父子都開拖喇,何況朋友!

    好多年前我有次飛人,政見唔同係其中一個原因,嘿嘿,涉政就無情,費事嘈咯!

    回覆刪除
    回覆
    1. 哇,咁严重,幸好我一直都对政治比较冷感。

      刪除

淡极始知花更艷,愁多焉得玉無痕。

Related Posts with Thumbnails