2012年7月18日 星期三

小姐你好靚啊!

因為馬會餐廳出品OK可口,價格也不貴,而且還免加一,所以經常會去光顧。烏龍的我經常不記得把這個會員停車証放在車裡,所以只能把車停在訪客停車場。有一天下大雨,為免淋雨我終於記得拿了停車証放在車頭(會員停車場有電梯直達餐廳)。大雨滂渤的傍晚我開著車直駛會員停車場,我見過幾十次的停車場女保安把我攔下了,我搖下車窗,大雨隨即漂進車廂,女保安說:「唔好意思,小姐,呢度係會員先可以泊。」我指指車頭的停車証笑笑說:「我知吖!」她一看停車証臉色突變,誠惶誠恐地不斷陪不是,還小跑步跟著我進了停車場。我一下車她亦步亦趨地跟著陪不是,我停下來面對著她,雙手扶住她的肩膀很誠懇地對她說:「真係唔緊要哩!」

個多兩小時後,用膳完畢,我去停車場取車,剛開車門,女保安突然冒出來無厘頭對著我說了句:「小姐你好靚啊!」我扑一聲就笑了出來,失儀的笑不是因為有人贊我靚,而是因為一個見過我幾十次的人,突然發現我的美了。

事出總有因,再一次去馬會餐廳吃飯的時候詢問了經理,果然不出我所料,之前有停車場的保安因為怠慢了某女會員被人投訴丟了份工。

30 則留言:

  1. 回覆
    1. 名人來!疑似有潔僻。

      刪除
    2. 睇左下面d線報google
      居然搵到全名

      刪除
  2. 好恐怖啊!香港以前是否如此?

    回覆刪除
    回覆
    1. 咩地方咩時候都會有呢啲人啦!

      刪除
    2. 香港其實不時都有呢啲情況。

      刪除
    3. "怠慢了某女會員"這句的定義很廣,很難去判斷事情。若果"怠慢了的女會員"是花花,而花花又走去投訴的話,事情的結果會一樣嗎?

      刪除
    4. 其實我從來都唔多覺有人會怠慢我,我對閒人冇乜要求。我唔鐘意投訴,三年都冇一次。有啲唔愉快的事發生咗面對面搞掂佢就算了,要投訴一係唔想自己同佢搞一係不屑同佢搞,再唔係就係自己搞佢唔掂囉!

      刪除
  3. 哈哈,可見人家幾誠惶誠恐呀!

    回覆刪除
    回覆
    1. 係呀!真係feel到佢驚到鼻孔冒煙!

      刪除
  4. 我係果啲睇唔過眼會投訴的人,但最唔會做嘅就係要令人冇咗份工!尤其因為我自己都係打工,搵食啫,何苦!?

    回覆刪除
    回覆
    1. 我同你相反,我怕煩,免得過都唔會投訴。實在頂佢唔順嘅自己拆掂佢,瀉左道怒氣就算。

      刪除
  5. 为了五斗米...

    在下也曾经差点动了这个念头,幸好没有,免得日后后悔。

    回覆刪除
  6. 回覆
    1. 醒喎!(人家咁講我咁聽囉)

      刪除
  7. hk揾食艰难.......?
    或者个job好正。
    TL

    回覆刪除
    回覆
    1. 保安來講個job正㗎!待遇福利都好好。

      刪除
  8. 投訴別人我就好少做,比人投訴就時常有!哈哈!以前做美容院時有個客投訴到老細度,仲要美容師同佢斟茶認錯,好大陣仗!

    回覆刪除
  9. 所以話女人攢錢買花戴幾時都咁緊要。

    回覆刪除
  10. 小姐,咁你真係靚的嘛!除咗樣靚心更靚。:D

    回覆刪除
    回覆
    1. 唔係架!我有時好黑心架!不知幾想隻狼快啲冇咗份工!

      刪除
  11. 香港咩人都有!攪到人無左份工,似乎玩大左!

    自由

    回覆刪除
  12. 越有錢的人對人要求就越高,正如富豪多孤寒一樣。

    回覆刪除
  13. Why don't think better? The guard may talk about your internal beauty and appreciated such as your heart, attitute, behaviour and mind set... haa haaaa...

    回覆刪除
  14. 不只是女人,男人的財務自由也很重要,最緊要的是不用仰人鼻息,被逼去幹一些傷害自尊心的事.

    回覆刪除

淡极始知花更艷,愁多焉得玉無痕。

Related Posts with Thumbnails