2008年4月23日 星期三

通街都係女人

威猛哥高大威猛,雖不至玉樹臨風級別,卻也倜儻有致,為人風趣開朗;對朋友疏爽視錢銀如廁紙,閱女無數的威猛哥風流而不下流。有時候我會懷疑周伯通是不是會間歇性上他身,游戲人間的他實在令人羨慕。

威猛哥的溝女金句層出不窮例如:
1)我想做李錦記,因為可以餐餐陪住你!照顧你飲食!
2)我係玉蘭油做你好姊妹,聽你講心事,理解你感受!
3)點解我會中意你?因為中意你我先唔使捱餓,望住你秀色可餐!你知啦依加啲米咁貴!
4)唔好懷疑我對你嘅愛!通街都係女人,點解我要撿你?因為唔到我撿,係個天撿嘅,因為我哋係天生一對!

威猛哥金句中嘅金句就係:通街都係女人.....不過對着我這個心肝寶貝命碇女(威猛哥語)接着的話就完全不同了,可以說是改變我一生的良藥。

威猛哥:"寶貝,面對你愛嘅男人你要明白,點解人哋要死心塌地咁愛你,心無旁騖對你不離不棄?你有乜係值得人哋咁做先?千奇唔好諗:我靚囉、我聰明囉、我後生囉、我身材好囉、我識彈琴囉、我乜乜乜囉!因為通街都係女人,你靚總有大把靚過你嘅;你聰明總有聰明過你嘅;你後生?年年有大把BB女出緊世;你識乜乜乜也有人識物物物。所以你要諗嘅係,點樣先可以做個係佢眼中獨一無二嘅、無可取替嘅女人,首先當然係全心愛佢,其次就係代入佢嘅角色......"

這段話由我成年開始就斷斷續續的聽,年輕的時候理解得不夠透徹,執行的信心、決心都不夠大,但隨着歲月的洗禮,貫徹執行得越來越爐火純青了。所以我可以很肯定地告訴威猛哥:你的女兒在愛情海裡翻越千重浪萬重波,因為有你的愛、你的教誨,愛情路上只有無疾而終、無可耐何,從來沒有被男人離棄過。不是因為我覩、我乜乜物物,只因我是他的獨一無二。

13 則留言:

  1. 威猛哥真威猛!
    就係有啲怕...
    先去貼"人未嫁!想嫁!"

    回覆刪除
  2. 我的精神領袖 ---> ㊣ Hana ㊣ :


    ...5.) 我要做妳既一抽鑰匙,打開妳既心鎖~


    6.) 我係金寶綠水,妳係水晶地板,我地真係天生一對。


    7. ) 我係一舊電池,妳就係我呢隻型號既電話,我地缺一不可。


    8.)我要做妳既 Bra ~,日日緊貼妳的心。


    9.)妳姣,我賤;妳奸,我...淫;我地就係插蘇與插頭既關系喇。



    觀眾: 呵...欠 ~~~ 阿 Sir 你無嘢丫話?

    回覆刪除
  3. 女人的魅力, 若只原於外表, 這就不能持久。(除非男的只想得到那東西)
    女人的理解、明白、著想才能把男人心留下; 更自願地將關係由短暫變長久。
    要真正做到獨一無二, 除了hana所說過的, 其實還有很多其他的外圍因數; 每個男人心都不一樣, 不能盡錄的, 只有自己找出。

    無聊人

    回覆刪除
  4. 夠獨一無二係因為他本身就不是一個三心兩意的人啊!

    回覆刪除
  5. 大文
    你啲金句都不遑多讓喎!

    回覆刪除
  6. 有父若此, 怪不得hana 如此一枝獨秀!

    回覆刪除
  7. 一個男人, 其實會想自己個女人覺得:
    "你不是最好的, 但我只愛你"

    畢竟世事無常, 所有野都會變, 而且現代社會人與人既關係好多時都係建基於彼此既權地金錢地位. 如果返到屋企個老婆對自己既愛係有條件既, 就實在太辛苦太大壓力啦. 要搵一個無論你變成點都會對你不離不棄既人, 係而家呢個祟尚個人主義既社會, 會唔會算係一種苛求呢? 小龍女同楊過果種愛情, 小說先會出現吧.

    回覆刪除
  8. 牛油棒棒:>要搵一個無論你變成點都會對你不離不棄既人
    愛係亙動嘅,變得面目全非啓能再要?!

    回覆刪除
  9. morca:果個係坊間流傳的笑話!哩個係我親生老豆!

    大文:哼,都係威猛哥的金句金啲(咁係滅他人威鳳架啦)

    無聊人:對,每個人都不同所以要見招拆招。

    soso:三心兩意嘅人眼中每個都獨一無疑架!

    卡臣:人紀大就亂呃野?踩場丫?五行欠X丫?

    怒火媽:好掛住你的文、必必的趣事!

    回覆刪除
  10. Hana: 我意思係變到破產,生意失敗,病,殘廢之類, 而唔係變到爛賭爛飲爛滾包二三奶果種啦. 同埋如果受到打擊意志消沉既時侯, 當然會希望自己最親既人會係身邊繼續不離不棄咁支持自己, 而唔會希望佢係呢種時候離棄自己啦. 好似大時代方展博識到果兩個女人咁, 唔知你有冇睇過.

    回覆刪除
  11. 我冇乜睇電視,由細到大睇哂嘅中外連續劇唔過5部,總係一、兩晚煲哂果隻。

    回覆刪除
  12. 咁呢套真係要睇睇, 實在太正.

    回覆刪除
  13. >金寶綠水...水晶地板

    嗯~有人想「省」到hana立立令!哈哈

    >一舊電池....

    唔可以擺太耐
    否則會發霉!

    >bra...
    更加唔durable
    要不時更換
    縱然千變萬化
    都有好似風球一樣被除下既時候

    我比較中意鎖匙、叉蘇既比喻

    回覆刪除

淡极始知花更艷,愁多焉得玉無痕。

Related Posts with Thumbnails