2008年4月28日 星期一

有的窮人只想要魚

最近都在討論窮人,窮人真的可憐嗎?年邁體弱的、單親、孩子還年幼的,确實是令人憐惜(不是可憐),但是有些窮人看得我一肚子怒火和不屑。

那個18歲的女學生說政府每年貸款6萬元給她讀設計,畢業以後每個月要還錢再外加約6%的利息,背着鏡頭也聽得出咬牙切齒的樣子。天哪!真的18歲了嗎?學校的教育都教到哪裡去了?父母有教過她最基本的做人道理嗎?欠債還錢天公地道!6%的利息很貴嗎?無抵押、無粮單貸款4年任你踏破鐵鞋也找不到人肯借給你。因為身在香港你才可以享受這種福利,要是在大陸,交不起學費只能做低技術勞工維生了,根本沒有讓你知識改變收入的機會!還要埋怨貧窮?!

前幾天新聞報導一對夫婦,男30歲女34歲育有4個6至13歲的兒子,夫婦倆因為沒錢坐公車送兩個小兒子上學而大打出手,招了警察上門(納稅人都有份出錢)調停,揭發了一家六口存折上只餘$10.98的'慘況',事後發現上月社署剛剛發放過萬多元的救助金給他們。他們很窮,而這種窮我認為是自找的。當今社會多少月入幾萬的家庭想生一個孩子都要算過計過,明知自己能力有限還這樣'生產'法,也許香港的福利是一種誘因。

上星期生果報的服務站有一個求助個案,看得眼火爆的朋友傳給我看,一個34歲的女人以前有毒癮,後來戒了,去年和一個癮君子拍拖,期間"意外"怀孕,因為同樣三十多歲的男友已經'戒'了毒,所以她決定生下孩子,現在孩子幾個月大,因為她們的綜緩金不夠用、不夠買奶粉,所以向報紙求肋,而報紙的基金也立即批出$2000元給她應急。現在香港'窮人'似乎只要不怕上鏡都能得到額外援助,這是香港獨有的畸型窮人圈,要知道窮人也會被縱壞的。

有一段時間,參加了路德會舉辦的低收入和單親家庭子女免費課外興趣活動小組,免費擔任鋼琴老師。在50個候選人裡面挑選了4個比較有潜質的孩子,由我和另一個老師各自教兩個,每星期上一堂30分鐘的課。有個女孩10歲,父母離異,父親不知所蹤,和母親依靠綜緩過活,眾所周知學習鋼琴,練習是最重要的環節,單靠一星期30分鐘的學習,就算是朗朗也會無能為力的。正好有個富貴學生要換琴,說服了富太免費送出鋼琴,自己再付了運費送去女孩家裡。隔了兩三個禮拜女孩琴技亳無進展,非常奇怪,問她有沒有在家練習又說有,還是社工家訪才揭發,鋼琴早己不知所蹤。再三追問女孩才哭着說,媽媽第三天已經賤價(本來二手也可以賣一萬多)伍仟賣掉鋼琴了,拿了錢和女兒去酒店吃了自助餐。

很多人窮是因為他們只想要馬上能吃的魚,免費送他魚桿,教授釣魚的技術,他并不稀罕,窮人并不全都是無辜的。

48 則留言:

  1. 賣琴?真係 kuonowyah,可怒也!

    也為你的好心好意叫屈!

    回覆刪除
  2. >>窮人并不全都是無辜的。

    絕對同意,就好似好多人都講,今時今日,仲邊有咁多逼良為娼吖。

    回覆刪除
  3. 妳這篇文看得我很快感。

    現在香港地呢,只有做兩種人:

    1. 真正有 $$$ 人,唔駛擔心。

    2. 一堆仔女的真正窮人 ( 包括港人和新移民,新移民著數點 )


    ( 以推廣綜緩市場 ) 起家的何喜華先生,對【為何這麼多人要領綜緩】相信是明白的,但若果真的沒太多人領綜緩,社工們可能要大裁員,飯碗也。


    這篇文章所說的例子,我親身也遇到過 ( 類似 ) ,也沒趣地自討過一面屁。


    有些窮人真是要人扶他一把;但真是太多人是【 寧願我窮些,可合資格領綜緩】。香港是仁愛社會,還是一撮【廉價好人】當道的道德派,反正綜緩不是自己錢,是大眾納稅人的,但由自己為人爭取,多爽,自己永遠是好人。


    基於政治正確,太多未進步的新移民來港,也有這樣的政策【 你無須進步,進步了沒綜緩的】來造就這種市場。明顯可見,愈窮的人,仔女一大堆,四個子女可有 $ 12000 綜緩 + 眼鏡津貼 + 書簿緩助 + 課外活動乜乜等。


    請容我直言,真是好過打份牛工的。


    如果這篇文,給人民道德的耶和華香港電台主持吳志森看見,相信以宇宙世界大同仁愛觀念來看,是為之沒人情味,當然,他是每月四萬元月薪以上的。


    還未計有些學生,借了錢,要還錢時抱怨為何這個廉價的 ( 會考只有幾個 E甚至 F ) 的副學士學位,找不到才俊工作;很可憐,付了錢,已【 買了位喇喎】,但不用鏡子照照自己究竟是什麼才俊。是學位騙人,也是入讀的人想走精面。


    努力為綜緩齊步向前進、前進、前進進、進!

    回覆刪除
  4. 關於Grand loan,個問題係,教育係咪權利?我地又係咪真係重視人才,咁囉。

    回覆刪除
  5. 人降臨來這個世界,環境和對象是沒有選擇的,
    有時生存的空間也決定一個人的命運。
    啍,也真可悲的…………

    Hana:看完這篇文有點兒『恨愛不得』
    對這個賣鋼琴的行為恨鐵不成鋼,
    對你的付出,確愛的如此的無奈!

    回覆刪除
  6. 全世界人都想要魚,分別係有d人自己去捉,有d人唔捉不特只要人餵埋佢仲要食極都話唔飽。

    回覆刪除
  7. haha 呢篇文我都頂一下。

    呢個世界係好唔公平,而D窮人又唔進取,又短視。不過,完全無法令佢地自立的情況下,有$$人係點都要幫幫手。"With great power comes great responsibility."

    Hey! Derek, 我都想有人餵埋我ar!!

    回覆刪除
  8. 但係我唔要魚,我要魚翅!!!

    回覆刪除
  9. 作者已經移除這則留言。

    回覆刪除
  10. hana,
    你出錢又出力, D人竟然賣咗個琴. 真係好可惜! 希望你唔會呢次之後唔再幫助有需要既人啦.

    我非常替個小朋友可惜呀

    回覆刪除
  11. 同意陳大文的說話,對blog主所遭遇到的也有同感!

    希望綜援家庭的下一代,可以成為有上進心的人啦。

    男粉絲

    回覆刪除
  12. 我反而理解(但不同意)賣琴去吃自助餐那位母親,既然沒有時間可以練琴,一坐琴當然不比眼前一頓盛宴吸引了。

    現實是捱窮太久的人取得容易錢而又忍住不花費的人實在少,香港地就不少低收入家庭的子女寧願不吃飯亦要滿身名牌...

    所以我同意你講,呢班人係自己選擇去窮的,不值得同情。

    回覆刪除
  13. 節目很煽情,但從來沒檢討過貧窮的原因。個個只會說資本主義社會令貧富懸殊,一切都是社會的錯。

    煽情是沒用的。喊窮也是沒用的。錢不會從天上掉下來(也許,在香港會吧,政府有的是)。

    記得某英國佬說過,世人沒有窮人,只有懶人和不幸的人。我需要加一句,還有不懂理財的人。

    意外傷殘,惡疾纏身,是不幸。這些要幫助。我們是同情且以行動扶助不幸的。

    但有太多的是懶人。好高鶩遠卻無所事事,整天空想不做,又或做兩天休一天的射手,唔炒都難。又或手停口停既勞工,大有洗哂先再開工之人。領綜援者更不消說。若虛屋邨有位四十出頭的哥哥仔,日日唔係撚雀就釣魚,攞萬幾銀綜援養三個仔女,睇見就眼火爆。聽講社署最近終於安排左佢去掃街。

    唔識理財既亦好多。理財其實唔係咩大哲學,只係四個字:量入為出。生個仔奶粉呀尿片呀衫褲呀讀書呀乜乜叉叉都係錢,這些不需要讀書才懂的。

    學上八級鋼琴教人可以收三百大元一個鐘,那位媽媽不知道嗎?

    香港是很公道的社會了。這一代人,基本上沒有因為財政問題而不能唸書的。Social Mobility完全自由上落,就看你努不努力。那位女學生,嗯,也許不值得有這個貸款。

    所以,你說的那些,還有很多很多,都不值得可憐。他們是窮,但這是他們自找,應得的。

    p.s.大文兄:罵何喜華吳志森罵得好。這樣的觀點才應該在報紙專欄與大氣電波中出現,而非只懂謾罵批鬥的。

    回覆刪除
  14. 嗰個18歲女學生都幾有趣,咁窮仲讀D冇$$贏gei subject。

    回覆刪除
  15. 我是會選擇聽香港電台某些節目的,不是因為節目精彩,而是從節目中看看何等光怪陸離。


    不止一次,抱有地球宇宙大同世界仁愛道德觀並認為【這世界沒壞人】的吳志森先生,教懂了我何謂綜緩不論多少都不夠、新移民其實和香港人沒分別,那怕新移民無須與香港同步,來了,就是我們的,是港人應先和他們同步。



    社工界人民曙光、作為綜緩市場香港區頂級推廣員的何喜華,也令我這個愚民,學懂了香港人其實是罪人,因為香港人人權太多,吃得太飽了,是一項罪。


    何先生是一撮人的英雄,也是香港政策的瘡疤。他會很醒目地把大部份香港人列為幸福黑五類;只要有層不值錢小唐樓的小業主,也是有罪的、是不潔的,是他心目中耶和華不寵愛的,只要有人要綜緩,反正不是自己錢,為人爭取多一點,自己英雄之餘,當局也不敢對他多言,只因有更多人要靠他吃飯。


    李嘉誠何嘗不是一位愛國愛港的仁厚老人,他集團令我們體現了何謂【商業最高造藝之本少利巨】的完美過程,那怕你住那裡,總有他的方法,超市有你想要的東西,以數倍利潤再減少許價錢,顧客像一個個快樂小乞兒,多謝超市照顧閣下錢包。不要買太多,因為薪水仍只可夠買你謹謹夠食的必須品。


    我真心相信李先生是好人,因為他起碼懂得說愛國,當然他也是愛香港的,他只是要港人明白【吃得苦中苦方為人上人】的真義。


    新移民為何會窮得來又多多子女,無他,沒有其他娛樂,也不會彈琴撚幾味高尚情懆高爾夫,唯有夫妻的活塞運動最便宜。避孕套不是買不起,但我真是不明白為何香港零售店( 除屈臣氏外 ),都喜歡把避孕套放在最當眼的位置,並且那些充滿鄉音的油面中女店員,會鄉音地例牌問你【 腰蜜野呵 ?】,買避孕套她們會微微眼望下你:【 泥度,實油個判 ( $ 19.5 )】! 真是 Funny。 好像買避孕套有如自己裸跑一樣。


    我不會特別責怪那位賣了人家送贈鋼琴的父母,因為在極窮並且要在森林式的飢餓生存本能下,有了琴又如何,難道會有生活品味沒飯吃之餘會有錢給寶貝女學琴?


    奇怪的是,那些道德耶和華宇宙仁愛的團體,很高深地,要最窮的人施予高品味的玩意,例如常見教窮人學小提琴、鋼琴、畫畫、甚至有話劇藝術。就好像要一個盲的人要他學刺繡一樣,很攪笑。


    我曾詢問某團體,想教小朋友電腦和中文 ( 例如寫作、表達 )、那位港式夾半句英文的職員首先問我:【你是現職咩架?有咩學位架?你教過咩 level架?】


    我當然是有大學學位的,我說我是有經驗的文字工作人員,那職員很原始森林地一句當頭棒喝:【我地唔係要呢 d 架喎!要睇番導師本身係來自咩機構囉!】


    或許,我這個每天寫頭版做了超過十年的爛鬼【 格仔佬 】,根本不值一提,不是 PHD 或明星級補習天皇,不如請過主吧。要乞討這份沒人工的義工導師,耶和華腳下人才多的是,但不是我。


    那職員還說:【我地唔係淨係教電腦,係想要 IT 既,教細路呢方面既 o野 。】


    OK,Fine。那些窮小孩真是不幸的,因為要他 / 她 們在最窮的時候,要學最高生活情懆的事物,好讓一個窮鬼,即時變 PHD 、IT 少青、李雲迪、李澤楷、或大文豪查理士迪根斯。


    但要即時變,而不是培養,我這個文化乞兒,是我不對,我自討沒趣而已。


    祝窮人安份地拿綜緩吧,

    回覆刪除
  16. 大文兄: 我之前都做過義工教新移民數學.【你是現職咩架?有咩學位架?你教過咩 level架?】 都好似係正常問題, 不過可能你呢個職員唔係問得好禮貌. 【我地唔係要呢d架喎】 呢句佢會唔會係指唔係要呢D資料, 而係想問你而家係邊間公司做緊呢個資料呢? 因為驚人渾水摸魚, 要確認身份. 會唔會係佢表逹能力差令你誤會左? 我估佢應該唔係話佢地唔係要呢D"人"咁衰掛..

    回覆刪除
  17. 6%一年其實有D高. 或者係幾年前借落. 而家D息減左咁多, 學生貨款作為一種社會福利應該調返低佢好D..

    回覆刪除
  18. 牛油:

    當然我明白何謂正常問題,而我也提供了資料,但我真不明白那些團體其實想怎樣,我也無須抹黑他們,反正也是義工,也無須要為自己貼金,但你說的對,那職員是沒半點基本禮貌。


    就算是有人沒報酬也想混水摸魚,雖難以理解 ( 為乜呢? ),但給我的感覺是,來義工的人像是討光榮,可能義工者眾,多一個不多,反正多的是。


    如真有人混水摸魚,只要一上去辦手續,看看職級工作證明及職員證、學歷正本等,總不能摸到半條魚。


    千奇百怪,我的例子並非代表全部,但總之我遇到了,不論怎樣,是個人例子,也不打算多作討論,我也有提供適當資料,相信我也未致於弱智,但那職員的態度,真是令我大開眼界。


    可能那職員是對,我怎知道,窮人並非是稀罕人教,而是【你是什麼名堂來教我】可能重要些,或許職員是反映著窮人想要的東西。


    PS : 我鼓勵人們當義工。我的例子是我個人遇到,不代表事實的真象全部,也不代表個別團體的個別職員的整體操手、及整體義工的不同情況的不同程度情況。

    回覆刪除
  19. 佢地應該係驚 Michael Jackson D friends 去做義工為名搞D細路...

    回覆刪除
  20. 借錢是要還,6 % 利息率或可因應不同家庭情況而商榷 ( 視個別需要寬減 ),如果問銀行,貸款一般要 > 10 % 息率還要擔保。數年前借的,正常做法也是依據借的時候計息率。正如閣下九七年買了摸頂樓,現在不值這麼多錢,也不能討銀行還差價,因為無人迫你去買,你可以不買,認為值這麼多才買,買了時局有變,沒人保證的。


    讀書學位,大學已是社會補貼,已是一種仁愛,考不上,不須自卑,但也要接受現實,做好本份便是。借了錢讀學位,找不到好工,是學位認可性不足,還是學位本身根本是不值得認可,皆因入讀的人,是成績不及,只是政策讓你好過點,這可思考一下。


    6% 息率,也是避免人混水摸魚,反正借了【關窿】去炒股的大有人在。不是人人如是,但無謂逐個個案逐個時段逐個部份逐個引例作逐一分辯,真象已發生了。

    回覆刪除
  21. 真是他媽的說得太對! 實在不喜歡見到一些窮父母, 明明足襟見肘, 仲要怒生仔仔女女, 好明顯只係為o左『養兒防老』, 完全唔諗o下o的細路要生活o係一個咁艱苦o既環境係幾咁慘!

    回覆刪除
  22. 校長:嗯,當時我的确好憤怒!

    小朱:有啲人真係抵佢窮!

    大文:可惜我係第三種,有少少錢,成日驚貶值,鉸盡腦汁想保本,冇福利要盡義務...

    samsara:香港地已經好好了!

    回覆刪除
  23. Lucy:係好懼喪架!


    Derek:好多人想要魚更想學識釣魚技術丫嘛。

    Morca:短視係好可悲。

    soso:幫人哩家野,肯定係冇回報嘅了,問題係你要覺得值得先會幫囉!

    soso:快啲去學捕鯨魚丫!

    回覆刪除
  24. OC:老實講,果次之後我轉咗去老人院做義工,之後都冇再做受助人控制唔到嘅義務工作。

    男粉絲:果個小朋友好無耐,佢聽力好、樂感強、拍子準,總係好中意彈琴果隻,可惜控制權唔係佢手。

    老麥:哩個女孩子冇其他課餘活動,大把時間練琴!收咗琴我叫她打咗電話多謝富太,而富太都好高興,話以後個女孩子有乜需要即管開聲。之後間唔中都有問起個女孩子情況,我唯有隱瞞賣琴一事,一味話有進步、幾好幾好,無端端講大話係唔想她似我般幫人幫到頭出煙。

    余若虛:如果僅僅八級係屋邨琴行教初級30分鐘收費係100松啲jar,總要同琴行拆帳。但學琴可以訓練埋右腦,記性會好啲,也會醒啲,考中學可以加啲才藝分...

    回覆刪除
  25. foria:係丫,唔知係咪叫:好高騖遠呢?!

    大文:都話係免費教佢吔囉,而且係持續的,到依加3年了,只係果個女孩子冇份了!另一樣我好憤怒的是,明明果琴值更多錢架,就係因為又貪心、又蠢,結果晒洒。

    其實我細個屋企都好窮,如果掂嘅就唔使幾個月大就送我去臺灣養啦,爹哋係古惑仔出身,因為想老婆、女過上好日子,開完外圍馬都堅持走去上夜校持續進修先至成功轉型將黑社會集團化、企業化jar。而且我係冇親生細佬妹架,因為父母話既然照顧唔到、照顧唔好,不如唔好生,生唔生仔女父母係控制到架!

    回覆刪除
  26. 今日回首,其實梁錦松係冇講錯的。

    回覆刪除
  27. Hana:

    原來世伯係江湖大佬,而且非常有腦有上進心,失覺失覺。

    我讀書時也曾半隻腳叉入,江湖人士都識唔少!

    威猛哥,好!

    回覆刪除
  28. 冰冰:

    查實我呢,一路都有睇住你地個對答,嗯,真係...搭唔倒爹

    回覆刪除
  29. 唔知點解,睇完呢篇之後,覺得香港嘅樓市同製造就業機會/教育政策先係禍心。

    回覆刪除
  30. 我諗盪用社會資源既人, 任何地方既人都有。問題係是否因為呢d 老奉搵著數既懶人, 就犧牲埋真正有需要既人呢 ?
    back to basic: 香港有冇真正有需要既窮人呢 ?如果有,我地應該既支援方式應該如何才幫到人, 而又不被濫用 ?

    時光倒流, 我們好年青的年代, 每個人努力都可以向上流動,但e+, 全球化下,財富兩極化, 努力不一定代表可以唔駛捱窮, 如此環境之下, 成個福利制度應該如何, 值得諗諗。

    nana, 你個鋼琴故事, 我未睇完已經知道結果。幾年前己經有人講過, 如果送電腦比d貧窮學童, 結果一定比人賣曬套現。
    我奇怪路德會既社工, 點解唔免費借用鋼琴比d 有需要既人在中心使用呢 ?

    回覆刪除
  31. 左右做人難!

    咁個女仔係咪仲想練琴呢?

    回覆刪除
  32. 看到這篇令我莫名的憤怒起來

    原來他們是這樣的思想模式...
    怎救?

    回覆刪除
  33. Hana,
    看完妳篇文後; 深有同感, 本土的窮人大部份是貪得無厭, 真正值得幫的是那些殘障、年老無依、孤兒...而已。 在香港有手有腳者, 那有餓死人 ! 申腳佢就得 !
    幫, 是會幫; 但在一些真正需要幫的地區。 從最基本幫助, 貴州、四川、河南、廣西...等等的山區失學兒童。 不是城市內的玩 psp 少年。

    回覆刪除
  34. 篤篤篤撐: 講得好. 而家美國好多私人慈善機構都會考慮成本效益, 資源分配變得比以前有效率, 或者香港都可以參考下.
    世界係財富兩極化, 不過總体來講大家物質上都比以前好. 而家既窮人肯努力的話, 基本溫飽應該不成問題. 我覺得福利制度或者應該著眼係小朋友同青年受教育既機會, 等窮家庭長大既小朋友都有機會向上爬, 基本上香港呢方面都算做得唔錯, 個教育制度好公平. 但係公平既代價就係好難發掘到學生考試以外既才能. 其他或者老人同殘疾都應該照顧. 中年有手有腳但個個月欏綜緩果D, 俾得多都只係鼓勵佢地繼續大食懶不事生產, 無乜意思.

    回覆刪除
  35. hana: 人在江湖都可以將黑社會集團化, 你阿爸都幾有本事喎. 虎父無犬女呢.

    回覆刪除
  36. 唔知我有無跟過你呀爸呢..

    回覆刪除
  37. 牛油棒棒 :
    > 基本上香港呢方面都算做得唔錯, 個教育制度好公平

    不過近幾年興起嘅直資學校又封咗一條門路……

    社會提供例如綜援之類的社會保障制度,本身並無錯,起碼為社會大眾嘅生活提供一定安全感,問題只係受助人點利用,呢樣偏偏最涉及每個人嘅心態/取態,只有佢自己先可以控制,所以有時好心都未必做到好事。Such is life ...

    回覆刪除
  38. 若缺齋老人:特區政府中做得最好嘅財政司非梁莫屬,他只是個相削啲,冇乜官運!要知道以佢身家同性情,'零智'事件實在是無心之失。佢哋兩公婆推崇的小母牛計划就係釣魚計划,我好buy,好過果啲明星攞啲餅同文具去山區探望貧困兒童。

    回覆刪除
  39. 校長:嗯,佢同朋友夾份嘅賭廳總有運作架,有時啲野都要講彩數,好彩佢個底冇花過。

    c.m: 搭唔倒爹呢,我諗係有啲誤會,我有睇到你係Samsara果度嘅留言。
    >我係冇親生細佬妹架,因為父母話既然照顧唔到、照顧唔好,不如唔好生,生唔生仔女父母係控制到架!
    我講嘅哩段可能令你有啲困撓,但其實照顧唔到、照顧唔好,唔係單單指錢銀,總有心態、情緒同埋持家能力。遲啲我同你講下群姐的故事。

    回覆刪除
  40. 篤篤篤撐:路德會資源有限,所有琴室都排得密密麻麻直至關門,因為總有半價學琴嘅學生(要排期等一至兩年先有位)。


    老麥:想掛,但更想食好啲、着好啲囉,我意思係佢有我同個社工的電話,佢阿媽係問準佢有先賣架。

    二打六:又唔可以一竹桿打死一船人嘅,只是個別例子罷了。

    牛油棒棒:因緣際會遮,加上外家有打本囉。

    乖仔:威猛哥話依加的貧困問題唯一同以前唔同嘅就係:以前讀唔到書行古惑都可以養妻活兒甚至出人頭地!依加就冇哩隻哥仔唱了,佢啲老友依加開外圍都係哂大陸,請哂啲大學生,人工萬零,外加醒小費,香港果啲中五、中六都冇得做啦,中三、中四?咪做建筑、搬運囉,遲啲上大陸娶返個生返三、四個,攞終緩多過去做,咪攞囉...

    回覆刪除
  41. 江貴為 :有好多攞綜緩嘅老人家入住老人院,啲綜緩呢係屋企人手,老人家有咩需要呢,屋企人硬係唔俾錢,老人院社工冇辦法就唯有同政府攞,唉,政府一聽到關乎人道(例如紙尿片之類)又俾錢喎...

    回覆刪除
  42. 窮人學小提琴、鋼琴、畫畫、甚至話劇藝術,有o羊o吾妥?

    滿口鄉音,由幾時開始,變成一種罪?


    係咪將D無本事o既窮人推曬出公海,就可以天下太平?

    每一次見到呢D言論,我o吾係憤怒,而係失望。

    我想問,到底,o羊叫做「文明」?


    野孩子上

    回覆刪除
  43. 野孩子: 同感..其實我見到呢類言論/想法都會幾反感. 冇錯,政府要照顧窮人係會令納稅人負擔重左,福利資源分薄左,但係唔係因為咁就要狗眼看人低呢? 同樣,有好多新移民的確係嚴重濫用政府福利,令人失望,或者甚至不屑,但係應唔應該因為咁就覺得所有新移民都係咁不堪呢? 我樂觀地相信新移民窮人入面都有好多係窮得來努力工作,有骨氣既人. 新聞都時時會有新移民狀元既報導. 我完全相信現實生活入面都會有好多好似長江七號入面周星馳演既角式咁既人.

    最下面quote果段,講真,真係極盡香港人歧視新移民醜惡嘴臉之能事. 睇到都會覺得好多香港人諗野真係好賤,會對呢類香港人好失望.

    我以前都會覺得冇錢的話點解會要生咁多仔女. 最近有件少事改變左我既䏲法. 幾個月前有個星期六架車壞左,叫左駕拖車拖去修車場,我跟車. 司機朝早帶左個仔去玩,夜晚要帶個仔去學校表演,所以中午帶左個仔開工. 佢話佢有兩個仔,想再生多個女,因為女得意D. 我心諗,做司機收入又唔係咁高,受教育又唔係多,何必要生咁多仔女呢. 不過見到佢地父慈子孝既情境,就明白左一樣好簡單既野. 家庭幸福其實唔一定同有幾多身家有關. 窮人點解多多子女? 就係因為佢地乜都冇,冇資產冇娛樂,仔女就係佢地既所有資產同希望,係令佢地得到最多快樂既方法! 覺得佢地多仔女係真為悶冇野做所以成日做愛結果生一大堆仔女,會唔會係諗得下流左少少呢? 有錢人係可以輕易負擔到培育子女需要既錢,但係只係用錢請保母,家教老師,傭人,司機去養大仔女,自己完全冇時間照顧,又分唔到心思去關心,咁生出黎又有乜意思? 或者自己係一個算有D錢既破碎家庭長大,所以有D咁諗法. 畢業之後都一直好好運,所以体會唔到中低收入家庭財政困難既苦處,同埋對新移民游手好閒但又得到政府照顧,令自己百上加斤果種不滿同痛恨. 但好似野孩子咁講 -- "咩叫「文明」?"

    由馬丁路德金 "I have a dream" 過左幾十年,美國而家終於都進步到接度到黑人總統,亦都接度到女性總統. 反觀香港大眾都仲係停留係自己中國人歧視自己中國人,或者港男港女罵戰. 說實話,我覺得全中國包括香港普遍來講都仲係民智未開. 台灣選舉制度發展令人見到一絲署光, 或者台灣有希望係民主民智發展方面帶領中國進步,不過我諗我係過於樂觀..

    唔係想罵戰,只係對事,唔係對人. 如有得罪,請諒.

    【新移民為何會窮得來又多多子女,無他,沒有其他娛樂,也不會彈琴撚幾味高尚情懆高爾夫,唯有夫妻的活塞運動最便宜。避孕套不是買不起,但我真是不明白為何香港零售店( 除屈臣氏外 ),都喜歡把避孕套放在最當眼的位置,並且那些充滿鄉音的油面中女店員,會鄉音地例牌問你【 腰蜜野呵 ?】,買避孕套她們會微微眼望下你:【 泥度,實油個判 ( $ 19.5 )】! 真是 Funny。 好像買避孕套有如自己裸跑一樣。】

    回覆刪除
  44. 篤篤篤撐說 "我奇怪路德會既社工, 點解唔免費借用鋼琴比d 有需要既人在中心使用呢 ?"

    Hana說 "篤篤篤撐:路德會資源有限,所有琴室都排得密密麻麻直至關門,因為總有半價學琴嘅學生(要排期等一至兩年先有位)。"

    既然係咁,借俾佢地係屋企用,而唔係送俾佢地,可唔可以限制到佢地收到琴之後變賣呢種濫用福利既問題?

    回覆刪除
  45. 冰冰:

    查實我答唔到爹,都無野既。

    不過我除左想“話”呢班人之外,亦想“話”果班“施捨/送/幫忙”之前未有想過係幫人定害人遮(鎖你)。雖然我周不時都害人,但累積多左經驗,就知道“有條件既施捨/送/幫忙”,其實先至能令對方真正體會到咩係寶貴。

    可惜,好多時因為施捨/送/幫忙左之後,令好多人失望,所以就變左以後唔去施捨/送/幫忙,又或從此以後覺得人地唔識諗。

    好多時,人地最初唔一定係要魚,而係你覺得佢要,反正教人釣魚麻煩(或覺得放置漁具係自己屋企係阻地方既),所以唔理三七廿一就送條魚比人,或將成套漁具送左比人。

    我諗,其實係《有的富人只想送魚》多過《有的窮人只想要魚》囉。因,乃送魚人;果,乃要魚人。

    (有人送左禮物比我,份禮物梗係自己架啦,你又無講唔賣得,我以後點處置,關你咩事?何況,我屋企咁細,阻住哂地方...)

    回覆刪除
  46. 睇見都嬲....... ><
    點解個阿媽會咁.........

    回覆刪除
  47. 小貝:近來可好?你的博怎麽只有link沒有內容呢?撓頭

    回覆刪除

淡极始知花更艷,愁多焉得玉無痕。

Related Posts with Thumbnails