2008年4月24日 星期四

78桿的迷思

三年前開始學打高爾夫球,事緣前男友酷愛揸棍打波。打高爾夫球不像其他運動一小時起兩小時止的,打高爾夫球一落場18洞最少4小時就扔在裡面了,還未記來回車程,所以打一場球等於要花費整日的時間。不想平白錯過假日的會面,又不想他為了與我相見而放棄嗜好,想辦法讓自已也愛上這種運動似乎是最好的辦法。

做了一個絕對政治正确的決定,沒有像練習場裡那些初學者似的,隨便由不是專業教練的男友、女友或老友亂教。正好有個學生的姑姑是個專業教練,就背着前男友開始偷偷的學習,學費不便宜,單對單練習場教授一小時$600元,但是對於真正想學好打高爾夫球又負擔得起的人來說是物有所值的。教練收了我這個連桿都不會揸的學生也是很開心的,因為我就像一張白紙,任由她書寫成文或成畫,不說不知道,原來在香港大部分人學打高爾夫球都是先由朋友教授然後興趣大了,才找專業教練執一執,孰知壞手勢已經養成,就像寫了字再擦掉的白紙已非白紙。高爾夫球的姿勢很重要,一開始不是要看你能打多遠、多高,只要練好了正确的姿勢,根基打好了,以後就比較容易有突破。

原來有拉丁舞的底子對打好高爾夫球也有幫助,柔軟靈活的腰令swing更完美,還有yoga令肢體更易掌握擊球點。女教練球打得很好,可惜有很多教育和教授行業的人一樣的通病--能做不能教!不太會說,教不到重點,止蝕是我最容易做的决定,於是在學了4節課後換了現在的肥教練James。James收得更貴$800元一節課,但是我的球技突飛猛進,上了兩個月的單對單課程後,他主動要求我轉上1對4的課程(這也是我一直延用他的原因),學費便宜了1/4,效果卻沒變。

記得工程師鐵鎚去年好像寫過,現在打高爾夫球已經平民化,因為去練習場打球才幾十元一小時,其實僅僅去練習場練球而不落場打他個9洞、18洞的,根本不能說是真正會打高爾球了。要經常落場打球才能充份運用所有球桿,才能真正認識高爾夫球這種運動,要經常落場才能越打越好。而經常落場打球消費并不平民。

我在練習場學了兩個月後就由肥教練伴着去肇慶(他的掛鉤球場)打了第一次18洞,來回用了一整天時間,花費$4仟元,包括了球道、球僮、教練伴場指導和車費、午餐。第一次落場打18個洞有教練相陪,成績是118桿,最厲害的是才打失了2個球。三年來在世界各地打了大約70場球,其中一大半是在大陸的球場打的,有一半有肥教練相伴落場,18個洞一場以平均$1000元計,算算看要多少錢?

一對真皮高爾夫球手套$200元,大概可用5個月(要有至少兩對作替換,因為手汗會很多);一對真皮高爾夫球鞋約$1000元,一頂遮陽闊邊高爾夫帽約$300元,一套透氣質料好的高爾夫運動衣褲$1500元,外套$1500元。一隻性能較好的高爾夫球$12元,一套球桿由$4000至$20000不等,我現在有三套不同顏色不同功能的球桿;一支得心應手可以調節方向的木桿最少$3000元。我都不敢、不想算倒底揸棍玩弄這小白球花了我多少錢了,幸好去年中買了一個觀灡湖高爾夫球的會籍現在升值了一大半,還有愛我、寵我的親朋好友們送我相關的禮物,才不至於荷包'干硬化'。

78桿是我最好的成績,僅僅兩次而己可遇不可求,天時、地利、人和、運氣缺一不可。臭擺當然是拿最好的來講,其實差點還是有十多分的。




曾經寫過的有關高爾夫球的文:

http://hanna527.spaces.live.com/blog/cns!5CCBD60064CD2DE!1837.entry

http://hanna527.spaces.live.com/blog/cns!5CCBD60064CD2DE!1831.entry

http://hanna527.spaces.live.com/blog/cns!5CCBD60064CD2DE!1960.entry

http://hanna527.spaces.live.com/blog/cns!5CCBD60064CD2DE!1958.entry

10 則留言:

  1. 我玩所有既運動,都係自學唔駛人教.... 除左打 golf! 呢種運動冇人教真係呢世都唔駛指意會打得好,實在太多唔能夠無師自通既學問響裏面。我好好彩喁,响加拿大個時打場波都只係 $40-60 加紙(當時匯率只係大約 $200-300 港紙 ),明知返黎香港之後無得打所以個時有幾多就打幾多﹗

    啱呀,要落場打,真係唔係一般平民負擔得起。不過如果只係想試下打 driving range, 都係一百蚊個鐘啫,咁好多人都玩得起。雖然我都同意唔識就寧願唔好打囉,好易打壞手勢.....

    回覆刪除
  2. 唉, 好懷念打 golf 既日子。(好白痴呀我)可能男人同女人打波都幾大分別啦,好多女人都好有心機,安安全全,咁桿數都幾穩定架。我同我班男仔 friend ,個個都唔忍得手既,野野都想博一桿 300 幾碼上 green ,開心過贏 Tiger woods! (雖然我又唔知贏 Tiger 又有幾開心)。所以因為野野都咁大力... 通常一場 18 個洞.. 閒閒地都唔見 5,6 個波....(最型係打個波遠到明明 land 喺條 course 上面都睇唔倒搵唔返哈哈哈)

    回覆刪除
  3. 我以為契媽你handicap係+6呀.

    不過諗諗吓, 你又講得啱, 如果有人問我driver打幾遠, 我會答260, 係最遠果次, 你估真係average咩?

    我就無搏一桿300幾碼上green嘅心態, 所以好少用driver. 我target係bogey, 但一定keep住兩putt, 所以我買支貴putter. 舊年初冬時買咗套新棍, 仲未開齋呀.

    我應該打壞咗手勢, 睇怕要扑斷手再學過, 或轉用左手.

    鐵鎚, 契媽, 過嚟打波啦.

    回覆刪除
  4. 都係..

    講咁多做咩呢?

    不如真係睇吓有無機會約埋打番場啦.

    回覆刪除
  5. 火鶴,你幾時返黎?一千蚊都照同你地上!!

    回覆刪除
  6. 三套不同功能的球桿

    邊三套呀?

    鐵鎚, 咁我咪要孭袋棍返嚟..

    回覆刪除
  7. 你契媽有三套嘛... 一人一套啱啱好嘿嘿嘿

    回覆刪除
  8. 靚鎚:你咁靚仔又瘦,如果唔介意扮下女仔呢(一定靚過包括我在內的大把女仔),觀灡湖球會逢星期二係lady's day,每個member可以帶4條女去打場18洞,半價jar,$500有找。

    ps:扮女仔有石果套啱你丫!hehe

    乖仔:你呢,如果未滿18歲阿媽可以免費帶你落去打波,齋俾球僮費就得啦!果三套桿貼咗係哩度:
    http://hanna527.spaces.live.com/

    回覆刪除
  9. 嘩你套套棍都有人送, 我呢, 就吼咗幾年先至買到套未用過嘅demo set..

    我覺得係三種唔同意義囉.

    好少人會用鐵桿嘅cover, 打波果陣時好唔方便.

    回覆刪除
  10. 靚鎚:driving range呢,除咗長沙灣果個因為有鏡頭可以即時睇返自已姿勢所以貴啲(98蚊買十送一)之外,西貢園藝、船灣栢麗、西沙白石都係五、六拾蚊粒鐘jar。

    阿仔:你唔恨得咁多囉,hehe!車同樓都收咗啲架。
    其實哩半年落場少咗好多,就算落場都係陪客多,已經唔同咗。

    回覆刪除

淡极始知花更艷,愁多焉得玉無痕。

Related Posts with Thumbnails