2008年4月11日 星期五

博客上的留言

喜歡看開放留言的博客,特別是每一條留言博主都會回覆的博客。雖然回覆每一條留言花費的時間可能還要比寫博文的時間長,我卻樂此不疲地浸在其中,因為貪玩的我認為這是寫博客最好玩的部分。對我而言博客的留言就像電視、電台的問答游戲,一問一答,將來擋、水來土掩,或調侃、或捉狹,甚至打情罵俏、親來吻去的男女不拘,(也可能是男女不知)非常有趣!可惜博客(包括像追渣沽、CK般的知名博客)的讀者大部分都是CDR,留言的人很少,而且還有下降的趨勢。

沒有開放留言的博文是單向式的發佈,就像投稿的文章,往往石沉大海,掀不起一絲漣漪,情況有點像對着鏡子排練的演員,只有极少數的博文被引用、連接或報社征用再掀起另一番討論。有一、兩個沒有開放留言的博客我還蠻喜歡的,但總有絲絲、點點的偷窺的不安。有時候對博文持有不同的意見或是想請博主指導一、二,又或者想激讚博主一、兩句,沒有留言就像老鼠拉龜無從入手,當然可以選擇寄郵件給博主,但無論博主回不回信,在等候其間的誠惶誠恐、忐忑不安
不是件令人開心的事,因為你總會猜想,博主收信後的反應,雖然有時候郵件真的是寄失了。

有留言的博客令我們看到對於同一件事情,男女老少的不同看法,雖然博主不一定每條留言都回覆,但起碼令留言的人确信博主收到了你的訊息,有時候像渣沽般神經刀的回覆,還有點像抽獎游戲,渣沽回覆了你的留言那種欣喜之情差一點男的就'精壯'了,至於女的會不會如我般'濕潤'就不得而知了。




ps:強烈要求三點開返留言!支持者請留名。
也請靚女Elizza絢眾要求開啟留言。
後記:三點小姐火速開返留言Hana我開心到震!








22 則留言:

  1. >>強烈要求三點開返留言!

    第一個支持!!

    回覆刪除
  2. >>強烈要求三點開返留言!

    第二個支持!!

    回覆刪除
  3. 完全同意,留言版往往會比正文更精彩。議論性的文章固然可以交流意見,互相衝激;抒發性的文章,也可以讓一眾朋友或閒談、或問好、甚至互相支持關顧、真情流露。

    回覆刪除
  4. xiao zhu:抱抱!

    衰仔:你都要支持下我先得架嘛!

    回覆刪除
  5. 作者已經移除這則留言。

    回覆刪除
  6. 唏吔..
    咪咁啦契媽,
    家陣你都X門大開,
    濕潤非常咯.
    支KY,
    你就由我送俾三點啦..

    回覆刪除
  7. 強烈要求三點開返留言!
    支持!!!

    hana重新開寫真是一大喜訊,
    期待另一個喜訊,必必媽媽重新開寫!

    回覆刪除
  8. >>強烈要求三點開返留言!

    第N個支持!!

    回覆刪除
  9. 點解三點會關閉留言? 係咪太多人剷佢?

    *******


    有些 blog 不設留言功能,因為 blog 主可能已是屬於某機構供稿人,以免留言損害職業聲譽。


    有些 blog 主十世不覆留言,通常係愈出名就愈唔會啋人....


    講到渣兄,回覆都總會有心思,即係一個凹一個凸,梗係會有化學作用。


    夏娜、卡臣都係 ( 其實仲有其他,我無發現而已),我好鍾意有凹凸交流既對答留言...

    回覆刪除
  10. 請往:

    控制主頁 > 設定 > 版面配置 > 字型和顏色 .


    把整個 blog 的字體 set 大一個 size 便行了。

    ______________________

    當貼網誌時,highlight 整篇文章,toolbar 字體通( Normal ),及字型通 ( Arial ) ,網誌字體便會標準化了。

    回覆刪除
  11. >>強烈要求三點開返留言!
    >>第N個支持!!

    Well, 我反而唔會支持囉...

    我強烈抗議三點一直close左個留言!

    抗議!抗議!抗議!抗議!

    回覆刪除
  12. 唔駛寫囉!
    比花花同佢契仔寫晒囉!

    有得交流,先至似朴!

    支持你呀!!!

    回覆刪除
  13. 支持支持,乜都支持!

    回覆刪除
  14. 好呀,就好似那張熱辣辣的照不能留言,一世紀的失落啊!

    回覆刪除
  15. wawawa 無上一日only
    旺到呢

    回覆刪除
  16. 喵喵:做乜爆你偶像啲秘密出來丫?其實諗深一層有啲人係唔太習慣'面對'群眾',始終靚女Elizza總係咁年輕,等佢習慣下先啦,萬事不可強求。

    衰仔:濕潤係因為春天潮濕遮,你諗咗去邊丫?KY嬌 out咗了喎,總提?

    匿名:等我又試下寫篇'逼宮'文,拖啊必媽出來見人。

    大文:多謝賜教!凹凸有致我都中意!

    c.m :三點哩個小政府真係從善如流,抗議有效啦。

    morca:多謝多謝!

    孖瑩 :乜都支持?請支持一人一KY送俾火鶴行動。

    a a:2.0好啊!

    校長:唔使又失又落了,快啲去補留。

    carole:旺場呢你有份撑丫嘛!

    回覆刪除
  17. KY嬌out咗, 咁都要揾番個嚟代替架~
    可愛楊教主好唔好啫呀媽?

    我練緊六脈神劍,
    唔駛搞咩大行動啦.

    回覆刪除
  18. >兵妹果然有牙力喎!

    哈哈!唔係佢點咬你塊老餅呀?

    >家陣你都X門大開,濕潤非常咯.

    「窗」門大開所以外面濕氣入屋遮
    冇乜唸左去邊呀!呵?

    >我練緊六脈神劍
    o下?你隻雲中鶴呀!你唔係煉六脈神劍係練辟邪劍譜架播!

    回覆刪除
  19. 我又來遲一步了。

    我會回覆每位讀者的留言的。沒有回的只有一個讀者的一個留言,且被我封了。不過,後來我寫信向對方道歉了。

    回覆刪除
  20. 老餅:唔止夠牙力總係夠疊馬,三點聽到我哋情深意切地呼喚遮。


    乖仔:唔使問阿媽了,最緊要你自己中意,中意大過天嘛!

    讀食姐姐:唔遲唔遲!

    回覆刪除

淡极始知花更艷,愁多焉得玉無痕。

Related Posts with Thumbnails