2008年4月22日 星期二

男女有別

親愛的劉校長:
午安!
雖然我們素未謀面,但依閣下平日裡在網絡間游曳,時而戲虐、時而憤怒、時而調侃的既硬朗又婉轉的筆峰,不難想像閣下的雄姿,大丈夫形像躍然紙上許許如生。再看閣下博客上張貼的近照一張,正當知天命之年卻英偉如不惑之歲,男人味滿瀉。

您在《女紅》一文留言說:"說起女紅,我倒也不弱,由小到大,由有女人到無女人,由孩子的到自己的,褲子放長改短都由我包辦。中學時更會自己改窄褲子,換拉鍊。"小女子看完當下打了個突,一個大男人月夜燈下挑褲腳,除了X形之外,真的找不到其它字眼來形容(可能是我詞窮),X形只是對事不對人。

親愛的校長,自古男女就有別,無論性情、體態還是身體構造都大不同,男女因應這種不同在生活上各有善長,女紅、針黹之類女人更善長的工夫就留給我們女人做好了,好嗎?如果男人要自已縫縫補補,我倒寕願看他穿着破洞的袜子!這樣才有男人味嘛!還有還有,男人即使真的自己穿針引線做了針黹工夫,最好也不要說出來,因為女紅可以作為女人的裝飾,男人弄針黹卻是X形的代名詞。正如女人找不到男人幫忙的時候,乜可以勉強扛着煤氣罐由地下跑上六樓,但是女人卻不會大聲告訴男人這件事,因為女人知道,答案除了男人婆或巾幗不讓須眉之外再也找不出恰當的詞語來形容,但是現在又不是上戰場,女人何苦要強悍?!

所以對於說你擺弄針黹是X形的這句話,我是不會道歉的,也不會收回!期待着你穿上破袜破褲的自貼相(有女人了,另計)。

祝:

午餐好胃口!

Hana上

24 則留言:

  1. 笑得我好暢快,放學後回你!

    回覆刪除
  2. fill in the blank? 我強項喎.
    如果呀媽塊手寫版出唔到呢隻字,
    我可以代勞, 我果塊出到.
    不過, 如果係引人遐想嘅話, 就另計.

    回覆刪除
  3. 或者呢,有位淑女話自己叻砌磚....

    回覆刪除
  4. 啱啱比老細鵝咗成個鐘,翻嚟睇番花花篇文,心情靚哂!真係睇一次笑一次!

    其實呢,有啲野都未講。我細個時家裏很窮,阿媽要攞啲外發手作翻屋企做,我都會幫手。阿媽釘過珠片,在一塊印有圖案的絲綢上,將一粒粒的膠珠、五顏六色的膠片用針線聯上去,我都有幫手,嗰時大概五、六歲。可能穿針引線的工藝當時已學會。

    我阿媽又串過膠花(話唔定幕後大大老細就係李嘉誠),貼過燈籠穗,我都有幫手。基本上我乜都做,見阿媽辛苦,我自己洗衫洗布鞋,熨衫改褲,唔駛佢為我操心,於是我變得瓣瓣掂,樣樣精。我阿媽就係唔比我幫佢煑飯,洗地抹塵都唔比。

    我阿哥其實係裁縫,仲係好鬼有天份嗰隻,但係我細個時時同佢鬧交,結果衫褲爛咪自己補咯,整整下就變咗我嘅專長!

    無野嘅,呢個世界好唯物,環境決定一切!

    針黹好都幾有用架,我幫啲仔挑褲,佢地睇住我好專注地度尺,放脚,再度尺,熨好,挑線,再熨好,完成後佢地睇到口定目呆。

    假如有個女人唔識針黹,我用神地幫佢釘鈕聯線,我諗佢都會幾感動。等於我忙於改簿,個女人幫我做一啲男人該做的粗重嘢,我一樣會從心底裏欣悅。

    世界無定則架, Hana ,順眼與否,要睇哂成個 Context!

    回覆刪除
  5. 呀有趣美人,

    哇哈哈哈....;)

    好 !! 真女子(過客說是心態), 過客幾時都

    話我地美人係女子羣中嘅典範 :))

    過客

    回覆刪除
  6. 漂亮的花花:

    駛乜道歉,駛乜收回,我從沒有以之為忤!

    回覆刪除
  7. 咁忙改簿,係咪連幫下老婆手做番 d 男人既粗重嘢都一秒鐘都無呢?

    如果有個女人唔識針黹,男人用神去挑線頭,個女人好感動...咁果個女人係咪好鍾意呢樣景象呢? 係咪有 d 問題咁呢?

    回覆刪除
  8. 難講,我真的有過類似情境,得來的就是她的一個深情擁抱與輕吻。

    掉轉頭也是,她做得很開心,我放下筆從背後給她一個環抱,接著在她頸後髮際印上一吻,而也許,這也是她勞累中的想望!

    ...............

    然而,那都已是很久遠很久遠之前的事了。

    回覆刪除
  9. 死啦,我都會自己做D簡單既縫縫補補改下褲(牛仔褲除外)。。。不過,係外國改褲之類好鬼死貴,唔似香港咁平。我又一個人,我唔做邊個做呢。我個人認為,簡單既縫縫補補改下褲係好基本既野,X唔X又唔係淨睇呢D野既。。

    回覆刪除
  10. 有女代勞,誰曰不宜?

    回覆刪除
  11. morca:花花花形!你真係叻!

    校長:靈感到講下笑講下自己小女人心態遮,當然知道你冇嬲啦,如果唔係又點會寫'信'俾你丫。

    乖仔:加冰另計、另計!

    顏福偉 Fans:其實點樣先為之淑女呢又?

    過客:我行我素嘅女人又點會係典範啊?異類就真!

    石油氣大隻妹:我呢,係唔會俾自己嘅男人做哩樣野既,就算我唔識都會嘗試去學,學唔識就靜雞雞攞出去俾人整。如果我個男人望住我換桶裝水,然後好欣賞(感動?)咁走埋來在我'頸後髮際印上一吻',我會即時伸佢一巴,然後轉身用膝頭頂佢細佬一野,再揮一揮衣袖不帶走一片云彩,最後眼尾都唔掃下佢,就咁走咗去。

    回覆刪除
  12. 橋上面有位婀娜多姿的美女,她在繡花, 一回頭居然係"如花"!!!!!

    回覆刪除
  13. 其實男人做針黹是平常之事呢,又何需驚訝?

    出身於五十年代的人,如家境不好,什麼事都要自己做,十多歲就要帶弟妹及要煮飯,我父母都要幫他父母做家務.

    有時,男人做的女紅比女人更仔細,所以那些年代的裁縫都是男人的.

    現代的孩子真幸福呢!什麼都不用做,父母見他們辛苦就不用做,但到他們要自己照顧自己時,卻發現自己對家務一無所知.到時真是父母愛你變成害你.

    其實香港教育應仿效日本的做法,要輪流做值日生清潔教室,讓他們學懂怎樣照顧自己.

    父母除了讓子女學禮儀廉恥外,還要學獨立自處.

    不好意思,今天說多了話,如有冒犯,請多多包涵!

    回覆刪除
  14. 呀有趣美人,

    >>...我行我素..
    只是性格, 並不是心態喔 !!
    過客所講嘅係妳擁有的 Femininity 女子氣質與 Femineity 女子風度 (都可歸納為心態)。
    過客以前曾說過, 可能國語語係的女性交溫柔吧 !!

    過客 ;)

    回覆刪除
  15. *做針黹和五六十年代家境問題幫手做日常家務,是兩樣事情.

    *女紅,與貧富無大關系.

    *針黹和女紅,用詞上是有分別的,女紅在形容上,後期變為較生活化.

    *針黹,當中主要指刺繡,刺繡是一門藝術,不是縫一粒紐便是"我做針黹" .

    *裁縫還裁縫,是一種職業,正如很多婦女懂烹飪,但職業廚師是另一回事.

    *裁縫是一種較高難度的技術,不是那個年代男人善於縫紉,就算現代,裁縫都幾乎是男的.

    *裁縫工作是辛苦的,從選料,大紙樣,度身,立體身裁修剪,腰、膊位,手長等,掌握得好方為大師傅,此工作也極須體力.


    裁縫、針黹、女紅,是三件事,三者有別。裁縫以上海派正宗之剪裁為上品,一件衣服的稱身,較布料為重要.


    *** 至於培養孩子獨立及工作能力、及仿效日本的輪流當值日清潔,本人深表讚同及認同.


    某人.

    回覆刪除
  16. ? 花花反應有 D 異常.

    回覆刪除
  17. eric: 你都好叻喎!其實簡單釘粒鈕好明顯唔係我所講嘅那一類。
    >縫縫補補改下褲(牛仔褲除外)
    我唔係好明!依加啲褲如果穿咗洞真係需要補完再着?1)好難會穿爛褲 2)平嘅係平過豬肉 3)貴嘅名牌你有冇信心可以搞掂呢

    老麥:有就咁係掂啦!

    soso:驚嚇!

    小妹:多謝留言!點會冒犯丫?各抒己見遮,冇問題架!我成日都話好多留言好睇過正文,你肯定冇睇前面啲留言哩,陳大文一早已講清楚女紅、針黹、裁縫嘅唔同啦!

    某人:麻煩哂!你係咪3194丫?

    匿名: 點異常法先?講來聽下好喎!

    回覆刪除
  18. >如果男人要自已縫縫補補,我倒寕願看他穿着破洞的袜子!這樣才有男人味嘛!

    哈哈!全世界男人都要為呢句喝采!

    嘿嘿!校長你之前講d唔講d難怪比人話架。不過呢我欣賞你自己落手落腳不假他人之手既態度。呵呵!咩樹比譚校長鵝呀?

    回覆刪除
  19. what is 3194 ????

    _______________

    PS :

    * 現在平常衣服,通常換款已早買個新的,不會穿到破爛才買了.


    * 其實外國改褲貴的原因,因為外國呎碼是較長及標準,根本不需要多改動.中國人是較矮,就算香港,人們買牛仔褲通常要改短,但鬼佬比例是有多少腰圍便起碼有多少褲長....香港男人有卅八腰但得五呎五大有人在,不改褲怎能穿呢.
    還未計成年人小童呎碼,改也改不盡.


    *如果名牌貴貨,有小破洞可能更有型!哈哈.


    某人

    回覆刪除
  20. 可能我著衫著得粗掛,有D衫褲我好快就著到有D破爛架,又唔捨得丟。。。
    所以都係香港買衫最正,又稱身,要改又平,又多款,又唔使打稅。。。
    越講越似師奶添,就此打住。哈哈哈!

    回覆刪除
  21. 易亦:

    我就好鬼介意穿突腳趾破襪,記得前世銀行長福爾威瓷訪問土耳其清真寺,入廟除鞋,即時乃野,比人笑到面黃!

    其實老細都唔係乜野鵝,係猛咁呻,又話嗰個點樣,嗰個點樣。唉,做阿二係咁架啦!

    回覆刪除
  22. 突腳趾破襪,著住都唔舒服喇!更何況除鞋?

    回覆刪除

  23. 好一個榜樣
    大家都咁大方

    回覆刪除

淡极始知花更艷,愁多焉得玉無痕。

Related Posts with Thumbnails