2008年4月24日 星期四

愛雞隨雞

從小到大,我的學生生活都偏向文靜,體育科總是僅僅合格,課餘從來不參加任何體育活動。

愛上一個人,我喜歡融入他的生活,他喜歡什麼活動首先嘗試讓自己也喜歡上,然後就偷偷地努力學習,達到和他旗鼓相當的水平才拿出來和他效量。如果自己沒有天份實在學不好,就收起來就像春雨那樣了無痕。還好男人的嗜好除了极少數學不來和愛不上之外,基本上我都可以一學就會,再學就通,學得差不多了我就止步不前了,導師都會認為可惜了,明明可以更上一層樓的。我的心裡最清楚任何兩人以上的競技活動不為名次、不為功利,純粹愛好的話,最好棋逢敵手,輸兩局嬴三局的,總是輸的話嗜好就變得無趣了。

現在我是柔道黑帶;羽毛球、乒乓球、网球、桌球都打得不錯;高爾夫球打78桿;參加過國標和拉丁舞的業餘組比賽,這些活動已經變成了自己的愛好,雖然不太熱衷但也随手就拿起來了。

我一定不會委屈自已去迎合他的嗜好,因為一委屈就會有怨言,一有抱怨本來的美事反而不美了。自己沒有辦法愛上的活動,就由他去好了,比如我實在沒辦法讓自己愛上看足球比實,有時就幫他準備好啤酒、小食讓他帶朋友回家共享(不會經常如此,習慣成自然,一自然就不珍惜了),自己離開去做spa。如果他和朋友去酒吧觀賞賽事,不會跟着去也不會致電訊問歸期,因為該回來了就會回來,想回來了就會回來。打幾通電話歸期不變還騷擾了他的興致,打來做甚?不會追問有哪幾個朋友,不會查詢其中有沒有女生,如果要走私的話男人是不會先報關的。打幾通電話提早了歸期,人回心不回還惹得朋友嘲笑,那還不如一早就不讓他去。不讓他去?我不是夏娃他也不是亞當,世界不僅僅只有我們兩個人,相愛又如何?有空間的愛才能呼吸得更暢順。

32 則留言:

  1. 你是鳳凰,何必隨雞!

    回覆刪除
  2. 感情事太難!就算心思剔透得天獨厚,亦未必如願以償。

    男粉絲

    回覆刪除
  3. "柔道黑帶"

    你發飊咪好得人驚...諒他知道你咁勁, 都吾夠膽去滾...佢的肋骨應該沒塊磚頭咁硬卦...


    ~涼瓜牛肉

    回覆刪除
  4. 從讀書時代很不活躍, 到現在柔道黑帶運動健兒,你現在才三十一歲,還有一個女兒,是怎麼辦得到的? 我是說,那裡來的時間? 還是別人要花幾年學的東西你幾個月就會了? 從男朋友身上學到那麼多東西, 聽起來挺不錯的. 我自己有很多東西想學, 但總是提不起勁兒.

    回覆刪除
  5. 78!
    做仔嘅要繼續努力至得,
    只係, 我懶去揾人同我執.

    回覆刪除
  6. 柔道黑帶、羽毛球乒乓網球桌球高爾夫....拉丁舞...

    爭在玩埋魔術同神打咁嗟。

    某程度上,奧運火炬都應該由妳傳遞喇 ~

    現在不少女性都會玩下音響,因為音響易玩 ( 唔駛咩特別技術 ),除了女性收入好外,音響也是男性嗜好之一,這是從大陸傳過來的,玩音響的不乏大陸新派中等女士 ( 嫁來香港 )。但香港女性就一聽見【音響】兩個字就像見鬼,很根深蒂固地抗拒,並喜歡嘲罵男人此為《花錢、都唔知為乜...》

    就係呢句口頭嬋【都唔知為乜】,無論咩事都量化為【都唔知為乜】:

    所以點解大陸女咁能夠適應到香港,這也可見一班。我指的不是天水圍那類,而是中等階層。


    **********


    PS : 真人真事,我有一 N年前男同學,他的女友行年 36,男的在外和朋友閒逛,女的一聲電話,即要叫停要到會。男的十分哈巴,做事無步伐、無主見、度叔、哈哈巴巴的把 36 age 女友當小女孩湊著、做事不交帶。袋無錢但會帶 36 age女友上 $ 700一餐的扒房吃餐。


    可能妳奇怪我有這類【朋友】。 Well,一來舊同學,二來他找我須要借錢,我當然啋佢有味,不借皆因明知他無本事會還;重點是他的 36 age女友和我見過一次面,她已經當面、當眾地得罪了我,我當然祝福她倆個,他倆德性,知道其他人也不會有路數給男的,大家都默認了倆個【死埋一堆】。


    有時候,不是要求人人睇高一線,而是當女皇自以為目空一切,天下之大,世界真不是只有兩個人的,沒給空間給對方,瞧不起身邊遇到的人,某程度上可能已給自己埋下了暗黑之路。

    回覆刪除
  7. 作者已經移除這則留言。

    回覆刪除
  8. 校長:如果愛,隨老鼠都冇問題!haha

    男粉絲:感情事其實不難,難的是愛情,我相信世界上真的沒有天長地久的愛情,即便是世人眼中相濡以沫、相親相愛的模范夫妻,歲月已令他們的愛情升華至情同骨肉不可分離而已。如果一輩子都想要愛得熾熱,只能抱憾終身,人在不同的階段有不同的事可以做、要做,過了這個階段再去強求就是和自己作對了。

    涼瓜牛肉:我基本上唔會發飊,因為還未曹遇過搶劫。

    牛油棒棒:我係金牛座下個月生日所以32歲了,讀書果陣跳過兩次級所以多人兩年時間,對於想學又喜歡嘅野比較快能够掌握。

    乖仔:我打嘅係紅T,同一場波你契妹打藍T係76桿。所以我決定唔再俾肥教練賺錢啦!

    大文:36歲還找個那樣的男人???

    回覆刪除
  9. 人地愛情長...長長長長跑嘛。

    好老實講,果位 36 age 女皇,唔遇著呢種哈巴小乖男,邊得呢。正常少少做得事既男人都唔會拍得住呢種極品女啦。

    回覆刪除
  10. 讀書果陣跳過兩次級, 仲年年唔駛出全力就考一二名, 真的是天才哩. 不過睇你寫文都睇得出你思路清𥇦,係好聰明既人. 越來越欣賞你. ^^
    你同教授生既十三歲女如果有你咁聰明, 跳三四次級都差唔多入大學, 難怪你咁早就同佢講拍拖叫佢唔好咁開放. =p

    講定生日快樂先.

    回覆刪除
  11. 老鼠,唔好制,生仔生到你暈!

    回覆刪除
  12. 78 桿!! 就算係紅 T 乜 T 都唔信! 除非所有場都係 3 桿標準桿!!

    對唔住喇各位,我實在係忍唔倒手,要同 hana 下戰書! 咁!幾時奉陪出黎打返場友誼波??

    回覆刪除
  13. 靚鎚:哩個場標準桿36遮喎,你想我打幾多丫?3328碼jar,男人就話長好遮,女人講短小精壯丫嘛。一於接你戰書以下兩個場有長有短任君選擇(啱你尺碼就好,我好就得人嘅)*.^

    肇庆高尔夫渡假村
    http://www.zqtravel.cn/jd/golf.htm

    Feng Huang Shan Golf Club
    http://www.golf007.com/golf_course/fenghuangshan/index.htm

    回覆刪除
  14. 大文:唉...36歲!我冇野講!

    校長:咁都要我肯先得架!

    牛油棒棒:多謝!

    回覆刪除
  15. 男人唔縱得架,真係自己知自己事啦。

    絕對的權力導致絕對的腐化嘛

    回覆刪除
  16. 唔到你唔肯,啲老鼠傻架,食嘢,做嘢,生嘢.....

    數理上,一對老鼠一年後可以衍生幾千隻老鼠,怕未?

    除非...你真係好鍾意...做嘢!

    回覆刪除
  17. 咩場黎架.. 18 洞 36 桿,兩桿一洞?一桿上 green 一桿 putt ? Tiger Woods 咩﹗50 碼一個洞都做唔倒兩桿標準啦大佬,有冇 sense 架﹗唉真係聞所未聞。

    er.. 不過五舊水打一場波.. 小弟都係儲儲錢先.. (好明顯縮緊沙)

    回覆刪除
  18. 查實你地邊得唻咁多時間玩咁多野架﹖我平時放工番唻睇兩頁書跑o個幾個字步都己經冇哂啲時間。

    回覆刪除
  19. 我嗰個佢鐘意打橋牌同行山,悶到嘔電啊!!雖然佢好想我陪佢一齊打比賽又或者陪佢去行山,不過傻啦....哈哈哈~~ gor日睇king kong山上面好多怪物gar!

    回覆刪除
  20. Hey, Derek 其實呢D嘢,信不信由你。=)

    回覆刪除
  21. 柔道黑帶、羽毛球、乒乓球、网球、桌球、.....
    >>>>>>>>>
    識o甘多運動, 嚇死人咩, 我o甘多種運動, 只係識足球, 如果唔計身型、扭波同速度, 我叻過好多人。 所以, 註定我唔會同女仔一齊運動。

    我只係奇怪邊有男人會同女朋友一齊運動, 呢個係一個絕對私人同認真既空間, 同女友一齊, 佢做得唔好, 你唔會小佢, 下下忍住, 又何必呢?

    回覆刪除
  22. Gideon: 18洞36桿, minigolf 差不多. XDDD

    回覆刪除
  23. 其實呢,由細到大我都想做運動員,我都識打羽毛球乒乓球网球桌球高爾夫球籃球滑雪滑水游水,唉可惜康小姐好似以上一樣都唔識!(如果我日日同兵姐打波,唔知康小姐會唔會介意呢嘻嘻)

    回覆刪除
  24. 牛油棒棒, mini golf 除非係一開始就己經係 green 上面個啲囉,不嬲標準都係上 green 之後都需要 2 putt 先入倒,預你好癲咁野野都可以一桿上 green ,咁總和都起碼要 3 桿標準一個場啦。18洞36桿,若果其中一個場要標準 3 桿,咁咪即係一定有另外個場係 par 一桿入洞??

    回覆刪除
  25. 靚鎚:鳳凰山個係9洞jar,9洞39捍double計咪78桿囉。但其實肇慶個場我都打過78桿架,不過學咗3年得兩次78桿遮,咁係講最好嘅成績啦!
    唔止5水咁少架,打足18洞就算最平嘅場都至少1仟蚊架。

    回覆刪除
  26. 篤篤篤撐:車,你都唔睇正文嘅,都話要旗鼓相當、輸兩局贏三局囉。

    derek:男女都係!我冇乜睇電視,由細到大睇哂嘅中外連續劇唔過5部,總係一、兩晚煲哂果隻。

    校長:咁都俾你估到!係丫真係好鍾意...做嘢!

    soso:自己喜歡唔來千奇咪逼自已中意。

    靚鎚:鳳凰山嘅下9好難打,所以我通常齋打上9。18洞加埋標準桿係72(玩下遮,咪打我)

    http://www.golf007.com/golf_course/fenghuangshan/card.html

    回覆刪除
  27. 哈哈,真妙女!

    laulong

    回覆刪除
  28. Gideon: minigolf 係一家大細小朋友玩果種, 有D假山假石假水池果D. =p
    都幾好玩架其實.

    回覆刪除
  29. 啲傻嘅呢,特別羨慕叻人(我傻嫁!)

    查實花花係喺希臘神話諸神一員,愛乜咪愛乜囉!

    哈~哈~哈~

    回覆刪除
  30. 唉呀!仲以為有得觀戰添!
    鐵鎚做咩縮沙呀?
    我支持你架喎!精神上!
    相信一眾看官都熱切期待
    hammer vs hana 一場大戰

    嘿嘿上次hana話搵我切搓切搓
    我都未得閒覆佢
    哎呀比佢挑起條筋添
    都好耐冇搵人切下喇
    原來你乒乓波都得架
    不如又搞一場網聚喇
    有邊個club可以比你同鐵鎚打完18個洞
    再同我切搓下
    再打埋乒乓波士錄架等等等等

    回覆刪除
  31. 易公子,
    得~
    你去玩Wii
    跳埋舞都仲得.

    回覆刪除
  32. 忙到抽筋
    囉左部野返黎成個月惦都未惦過
    你返黎幫我改機器先有得玩呀
    (哈哈!可能細個打機打得太多,打晒d quota依家完全冇興趣打機)

    btw呢幾個禮拜個親戚去旅行
    要去佢屋企cat sitting
    日日去餵食清潔
    隻野雖然好耐冇見我
    一見我o爹到死癡到實一實

    講開又講幾時整番張tiger既相上黎望望呀

    回覆刪除

淡极始知花更艷,愁多焉得玉無痕。

Related Posts with Thumbnails