2008年4月12日 星期六

說政治太沉重

一直看我的兩個博客文的朋友都知道,我是從來不寫政治的,風花雪月才適合我,雖然事實上我比很多專寫中國政治的人更有體驗、心得、素材去寫。中國人血液裡的劣根性不是一、兩天能說得完的。說政治太沉重了,因為政治就跟繁華城市的下水道一樣肮臟(請不要將政客和妓女相提并論,事實上妓女比政客高貴得多)。


一人一票的民主當然是好,臺灣的民主進程在華人史上也确實是一種躍進,問題是管理整個榮國府和管理賈寶玉的小院子是竭然不同的兩碼事。臺灣民眾兩仟多萬只等於一個上海市的長住居民,什麼事都要循緒漸進,一口、兩口絕對吃不成胖子。

在群體社會中有比較有效的辦法就是少數服從多數,雖然中共還是一黨獨大、專制,打壓異見人士也是非常錯誤的,但現時的情形來說也确實是求變的人比求安穩的人少得多得多。

很簡單的就以香港要求普選為例,如果上街游行示威的人數有當年七一的五十萬甚至更多,中央能像現在這樣一拖再拖嗎?爭普選的游行你上街了嗎?你身邊的朋友又有多少去了呢?老老實實地說當年那五十萬人上街游行的時候,我父親和很多親友都去了,爭普選的游行都沒去了。對小老百姓來說安居樂業、安樂茶飯比什麼都重要。

本來給c.m一催趕緊開始寫關於大陸戶籍制度的博文,現在擱置了,不想再趟這種渾水了,雖然對戶籍制我曾經深入了解、調查過(當時只是想研究毛澤東的能耐),我對大陸的認識還有中國歷史的了解還是用來投資理財、炒賣股票好了。

最後作為納稅人非常不滿那些整天上街游行、抗議政府,反這樣反那樣什麼都反的,除上街之外沒有正職,領取綜緩過活的所謂街頭斗士。

33 則留言:

  1. Hana 有趣美人,

    >>..領取綜緩過活的所謂街頭斗士..
    過客最愛此句, 美人, 妳有見地 !! 過客亦最討厭那些人; 不務正業, 整天白痴地叫一些不可能從客觀角度去完成的要求。

    美人幾時都咁有魅力唧 ^3^

    過客

    回覆刪除
  2. 過客:你記唔記得果個何來啊?個女一陣讀國際學校,一陣又冇書讀,佢就一路攞綜緩,連阿媽都唔識做總出來選議員。

    回覆刪除
  3. 「事實上妓女比政客高貴得多」

    智者所言甚是

    回覆刪除
  4. 美人呀,

    好似有 d 印象 ;))

    過客

    ps : 別怪過客見識少喔, 其實我都係估估喳; 過客雖回流八個月, 但真正留在家及看本土新聞的時間, 就只有兩、三個月而已。

    回覆刪除
  5. 看你出入市時機拿得極準,不禁暗暗叫好。

    高手!

    回覆刪除
  6. Hana:

    這我比你更走前一步了。

    我廿二三歲時很相信普選,跟現在的所謂民主派信眾一樣,但經十年觀察與思考,我已不相信普選能帶來穩定與良好的管治。

    從學理思考與環境驗證都說明了這個道理。幾年前我有一個心高氣傲的通識科學生,由抗拒我的看法到接受了我的看法。進大學後回校探我,還說我的理論令她更清晰的看通事物。

    然而這有關分析不是三言兩語可以說盡,延伸理論也太多。民主是個好東西?可以,不過治國政策是以人民的利益為主,不是以人民的決定為主。若為後者,何需領袖?

    說政治沈重嗎?不,我在學校天天說,香港的、國家的、世界的,不知幾心滿意足!

    回覆刪除
  7. ”衣食足,而知榮辱”,放諸何時何地皆準!

    至於何來, though being a personal friend of her, still can't accept her way of feeding her daughter! During the 2 election in late 2007, she said it's only her "political chips", honestly, i totally disagree w/her, even sick of it!

    回覆刪除
  8. 政客真係冇個好架?我曾經都認為做倒一個好老闆又點,照顧倒既人咪只得員工幾百至幾千。若果要真人係做福萬人,就只能夠做政客選特首。唉,我諗都係天意難違,想得呢個世界太簡單。連我個康小姐都未照顧得掂呢﹗

    回覆刪除
  9. 什麼是 political chips ?

    很怕看這種港式英語.

    回覆刪除
  10. Anonymous: this is English, not 港式英語, it means 政治本錢 or 籌碼.

    Hana, sorry:)

    回覆刪除
  11. 寫政治不算沉重。國父話:政乃眾人之事。政治乃管理眾人之事。今日有無普選、邊個做特首、邊個做議員,在在都與自身息息相關,聊表意見反而毋有不可,總比個D乜都唔知連自己區有邊個議員都UP唔出既選民登記大使明星仔好掛。

    不過,西藏牽涉國際政治、中英歷史以及無數既博奕權謀,還有獨特的西藏文化,貿然評論顯得太膚淺,要寫得好用心研究太沉重...


    五十萬推倒董建華既例子,原來唔足以說服死硬派中共都係會聽民意的。中共係咁橫蠻,董建華要腳痛北去嗎?若虛有朋友堅持民主抗爭要流血,若虛憤言,如果有五十萬人爭取普選而北京唔睬你,我唔會阻止你。事實證明,不忿建華七年(即係,佢又黑仔啦)既人遠比要爭普選既人少。

    關於何來嘛,嘿,若虛以往都有寫過:
    http://polyyyh.blogspot.com/2007/10/blog-post_11.html

    回覆刪除
  12. 我又反而同你進程有點相反,原本是不大關心政治,但到聽過名句:如果你不參與政治,你最後就是被差過你的人統治。之後才留意多啲囉。

    民主,當然唔係淨講普選咁簡單,所以我比較傾向曹仁超既取向:即要有成熟選民才應有普選。然則何謂成熟,well...又有排拗

    回覆刪除
  13. 妓女是否比政客高貴得多倒不好說,但是妓女的確比政客擁有更多條件去高貴,甚至基本上可以說政客真的沒有甚麼條件去高貴。

    突然想起倪康談及"妓女"這個稱謂遠比"性工作"者更能表達對這個行業的人士的一份尊重,我也很同意。也許這就是"神探"裡面所說的,每個人心中都有鬼。

    回覆刪除
  14. derek:我都係聽返來架!

    過客:既然返咗來哩個地方生活就多啲關心佢啦!

    老麥:千奇咪咁講,哩度高手如雲,通常高手係唔會寫出來架!我只不過夠運遮。

    回覆刪除
  15. 校長:你係校長我就畢咗業好耐;你係大男人我係小女人;你對國家有抱負我對自家有感情,所以咪...

    a a:使乜sorry丫,我彈咗廿幾年琴都偶有錯手啦,只不過哩度高手如雲,我哋都係用返母語,等啲人冇機可乘。

    匿名:多謝指教!但淨係挑我骨頭好了,話哂過門都係客,俾啲面好喎。

    回覆刪除
  16. 靚鎚:我對上個男友係高級公務員(!)政壇中人啲真面目,唉...
    康小姐有你真係有福了!

    若虛:我其實睇過你哩篇文架但做咗CD-R睇怕日後都係要多啲留言至得了。
    冇家何來國?家都顧唔掂又點論政顧國!

    米兄:都話男女唔同囉,唔同你講了我要去煮飯煲湯了。

    xiao zhu:每個人心裡還有一座斷背山呢(李安曰)

    回覆刪除
  17. 若虛兄:

    >>不忿建華七年(即係,佢又黑仔啦)既人遠比要爭普選既人少。

    咦?查實會唔會兩類人(不忿建華七年及爭普選)既人都差唔多呀?我身邊大部分既朋友同埋我認識既某d大學講師,佢地話因為有建華,所以先多左人爭普選。我都認為,比著10年前,大部分都係“睇定先”既心態,對普選並不太熱切。

    回覆刪除
  18. >>家都顧唔掂又點論政顧國!

    萬分同意!!

    回覆刪除
  19. 呀有趣美人,

    >>..既然返咗來哩個地方生活就多啲關心佢啦!
    我關心佢 ! 不過更關心佢的母親 !! 過客從紅、白、藍嘅組合顏色, 已變成全紅、黃的一對。 (以前老鏈咁多星星, 依家得五隻) 母親那裡讓過客豐衣足食, 我愛死她了。

    佢只係小朋友摟下計唧, 及自小被寵壞了, 母親不會怪佢的。 看看大佢 d d 的壞哥哥都醒覺左, 也差不多要回母親家了。

    望佢早日一家團聚, 人人搵銀的【過客】

    回覆刪除
  20. Hana,

    您一語道破,superb:)

    Honestly, your readers/fans (except me) are usually of high quality, i'm amazed (surprised!) that my choice of word could have triggered this sort of petite "storm of cup"!

    回覆刪除
  21. one more thing: beware of those without a name ... it's weird, isn't it?

    回覆刪除
  22. a a: 咁又唔使講到質唔質數咁高層次,講真現實生活中我啲朋友三教九流乜人都有。上一篇提到'有質數'都係唬人架遮,你知啦要撑人唔打得都要唬得下丫嘛!ha ha
    關於匿名我契仔火鶴話真係有啲初玩扑冇ID架,遲下或者就會開返個來玩咁囉。

    過客:>望佢早日一家團聚, 人人搵銀的
    x2

    c.m:你提下我,我係好榮興架。

    回覆刪除
  23. cm兄:

    嗯,呢樣其實可以講一個topic囉。講到底香港人都係經濟掛帥經濟好乜都有得傾經濟唔掂理得你天王老祖。即使如你所言要董下台同支持普選人數相約但今時今日都無可能再動員五十萬人去遊行要求爭取普選架喇,即係話即使都係有咁既訴求但決心就差好遠,講到底經濟好左港人對咩改革都覺得可以慢慢黎唔使抗爭得咁衡囉(唔好搞親個股巿嘛)。

    回覆刪除
  24. >>家都顧唔掂又點論政顧國!
    >>>萬分同意!!

    (補按,“家”的意思其實也是條件性的)

    回覆刪除
  25. Hana:

    所以咪.....乜嘢?大家都是硬淨人,有時我覺得我這男人不大,你這女人不小。你真係好鬼叻!

    回覆刪除
  26. 如果50萬人上街爭普選,
    big 6 即刻收緊香港管治都似
    呢世香港都唔會有普選...甚至假普選都唔會有

    面對同big 6, 唔能夠同鬥爭方式
    香港人最叻仔, 一面細細力大大聲要普選, 一面拿拿林攞阿公著數 (當然係攞著數行先, 民主行後)


    至於攞綜援又大大聲爭民主既人, 我又冇所謂, 因為兩樣野冇乜關係。
    確實, 對何來冇好感, 原因只得一個-----佢冇料到 ! 如果佢有料, 用公帑養佢有乜所謂, 即如我地用公帑養班AO 同大學學者一樣。

    所以, 係唔關佢攞綜援事。

    回覆刪除
  27. 我就好有所謂,做乜我要納稅養呢班廢柴,有破壞冇建設。啲 AO 都話定時上班,有 job 有責任,啲學者都話要教下書寫下論文,班咸包散水平低,淨識得抬棺材嘈嘈閉,有 Q 用!

    街咩頭鬥士呀,博出位撈過議員仔攞著數咋,呢班人,社會負資產嚟架咋!

    回覆刪除
  28. 篤篤篤撐:多謝光臨、留言、連接!但我撑你唔落,她有料就唔會連個女都顧唔掂啦,係哇?

    回覆刪除
  29. hana,
    你睇錯左ar,
    我係話佢冇料ar~~~~

    回覆刪除
  30. 慘,睇唔明你啲反諷法添。咁長毛入議事廳你又點睇呢?

    回覆刪除
  31. 長毛入議事廳你又點睇呢?
    >>>>
    我有投票比佢KA
    因為, 當時我想有人入去令董生知醜丫MA
    反正, 其他反對派成事/敗事都不足

    放一個長毛入去都唔影響大局
    仲可以幫大家出氣
    幾爽
    事實上, 長毛都做到丫
    佢算對選民有交待了...KAKAKAKA

    不過, 一個長毛好了
    再多, 唔係幾好.....

    回覆刪除

淡极始知花更艷,愁多焉得玉無痕。

Related Posts with Thumbnails