richmapoorma講 環保袋 ，新鮮人 好正面咁留言話：「無論去那裏買東西,養成帶環保袋的習慣便可以了!」我搭咀話：
「可是一個環保袋往往不夠裝吖！唯有
1)買少啲。
2)帶多幾個環保袋出街(但買野好即興喎！)
結論：膠！」
大家都係女人，所以richmapoorma都答話：「如果帶不太大的手袋, 其實也無可能放環保袋的. 膠袋或許可以的. 很多時買東西是即興的. 例如午飯時段到超市去, 多數都不會帶的. 一般來說, 手袋中的一個環保袋根本裝不了什麼.」
新鮮人果然正面到爆棚，再留言話：「問題就是人人貪方便,no pain no gain!」
我本身邪邪哋見到竟然有人咁正面，難免有啲唔順超，火就咁來了，忍唔住問下正新鮮人：「請問你屋企用咩装垃圾？你唔會用環保袋装垃圾係哇？咁我又問你，啲垃圾膠袋係咪用膠做吖？垃圾袋係咪淨係用一次吖？唔貪方便就連垃圾膠袋都唔好用！！！咁先至係真正的環保！！！」
自從征咗膠(袋)稅之後，屋企每個月買多咗兩包垃圾袋(當然係膠嘅)，屋企各人間唔中都有俾五毫子嘅，稅就交咗，但膠袋都冇用少到，因為就算買野用環保袋，垃圾都係一定用膠袋嘅。未征膠稅之前，好多人都習慣咗用超市膠袋當埋垃圾袋用。依加啲垃圾袋越做越薄，好容易穿，套多一個落去是平常事，賣得貴嗰啲就唔易穿，因為用得膠多厚好多嘛！
總有，唔係個個男人出街都會好似女人咁帶個手袋！因為膠稅，唔少細佬少咗睇下爸爸放工帶啲咩糖果餅干返來俾我的樂趣。
發表文章
我喺richma度留言,話呢鑊膠袋稅係 loss-loss case。家吓諗清楚d,應該係loss-loss-loss-loss case至啱!
回覆刪除loss 1-膠袋稅係幫唔到環保(夠膽拿出數據來反駁！）；
loss 2-motivate 咗d人喺超市買少d嘢，搵超市笨；
loss 3-大家唔方便咗;
loss 4-中咗化妝銷售稅嘅計，大家做咗老襯都唔知，仲要話呢鑊嘢係為大家好。
我又比較中庸, 即係環保袋係幾好ka, 如果唔方便, 駛多5毫子lor.
回覆刪除不過千萬唔好以為用環保袋就可以拯救地球,即係好似有d人揸hybird就以為自己係環保先鋒。
總之, 都市人係冇法完全環保, 做得幾多得幾多la
(btw, 如果環保袋可以進化為時裝靚袋, 1家條氣應該會順d...)
>人人都習慣咗用超市膠袋當埋垃圾袋用
回覆刪除urrrrr... 我唔係喎，因為超市袋太細．．．
唔係特登反對你，不過真係人人情形唔同
我比較中立，唔覺得呢個膠袋稅好有用（因為未有之前都係冇攞袋），但亦唔覺得呢項政策帶泥任何既唔方便．．．
米兄：你啱，即改。
回覆刪除urrrrr... 我都知嘅係男人都介意個袋太細啦！(最好唔攞袋添)
我之前寫過話超市袋大有大用細有細用(廁所垃圾桶、書房字紙桶...)
不如你問下屋企個賓賓/米太，以前會唔會用超市便利店果啲超細袋來包實啲用完的衛生巾。依加又用咩來包，好嗎？
Ebenezer ，咪係！
回覆刪除篤篤篤撐：不如你又問埋同一個問題吖？
"我都知嘅係男人都介意個袋太細啦！"
回覆刪除不好意思, 看到这个立刻联想到一些18+的事情.
外國有生物可分解塑膠(綠色膠袋)(biodegradable plastic bag)冇計錯的話約HK$1個。雖然貴少少不過比收果5毫子好得多。果種袋係土壤中會由好氧微生物、水及氧等作用分解成二氧化碳及水，在少氧環境下，由厭氧微生物及H2O等作用分解成二氧化碳及甲烷。根本可以完全取代膠袋，係D公司唔用之嘛!
回覆刪除我絕對支持hana所講！
回覆刪除一個普通家庭真係唔會每日用個大垃圾袋，因為阿媽教落垃圾留過夜會惹曱甴！到頭來用殺蟲水仲破壞生態！
其實環保不只是多用少用一兩個膠袋，要做到只用所需，不浪費，才是環保之道。
花小姐可能沒知到新鮮人別號"包拗頸"！
回覆刪除呢個膠袋稅擾民搵笨，我極度反對！
英雄所見略同：其實用環保袋長遠係更不環保，因為大部份人都不會用多過一次：
回覆刪除http://makblogg.wordpress.com/2007/08/05/%e7%92%b0%e4%bf%9d%e8%a2%8b%e9%9c%80%e4%bb%98%e8%86%a0%e8%a2%8b%e7%a8%85/
其實講黎講去，都係因為徵膠袋稅而要特登駛錢買垃圾袋而唔多高興。
回覆刪除不過話時話，我習慣從屋企帶生果返公司食，亞媽都話﹕屋企膠袋用完一個少一個，你個膠袋唔好掉，要拎番黎，好好笑。
我又唔覺膠袋稅好擾民喎，就算lunch hr 出去行下，我都要自動自覺拎定環保袋，因為唔知自己會唔會買野。另，環保袋(即街邊唔同花款十蚊個，厚身靚D則$25 - 35個)，摺埋真係好輕好細個，不論男士女士，真係無奶油話自己裝唔落。
去超市要自備購物袋，你睇到實施時完全無阻力，D師奶幾習慣就知，你就知政府幾戇居，呢些措施，早應該好多年前強勢推出! 一些陋習，如果教育宣傳多年都唔掂，就應果斷D立法要市民改。人，習慣左冇改變不了的事情。
講真，六百萬人每日屋企用的垃圾袋，無論係徵收膠袋稅前或後，堆填區都預左要接收。但如果徵收膠袋稅後，減少垃圾袋之外一些非必要的膠袋，或盡可能重用(如載生果)，做到每個人都"惜袋"，呢個先係重點。
我唔同意一些政客扭曲政策又唔造福環境的聲音。
就算d人話徵收膠袋稅激化市面推出更多"環保袋"，更唔環保，我覺得過渡期jeh。當一個人已經買了夠用同屋企積左一定數量的環保袋。我唔覺得仲有人買。與其鬧徵膠袋稅呢個政策，不如叫商戶唔好隨隨便便用環保袋(免費都係咁話)，用多D可生物降解膠袋算吧。
我最同意香港其實無因為膠袋徵稅而用少d膠袋.
回覆刪除我心裡常有個問題: 究竟一個發泡膠飯盒, 加膠叉, 膠羹, 筷子, 牙簽, 紙巾和載著上述東西的小透明膠袋加一個大膠袋所帶來的污染量等於幾多個超市膠袋呢?
要環保, 不如連快餐點都收環保稅, 以便促使大家帶食物盒去買外賣, 可能更有效.
同意篤篤篤撐所說 :在城市生活, 很難講會環保, 不過, 並不表示大家要作無謂的浪費就是了.
selina ，見你寫咁多，幾唔得閑都要講少少先，
回覆刪除>其實講黎講去，都係因為徵膠袋稅而要特登駛錢買垃圾袋而唔多高興。
哩個想法絕對係你心底的反射。俾多幾廿蚊垃圾袋錢肯定唔係最大的原因(當然小小唔情願梗有)。
最唔高兴係唔方便同埋見到啲更唔環保的情形：請問你帶環保袋去超市買生魚生蝦生蟹生豬肉係咪就咁擺晒落個環保袋度？係嘅話你個滴滿哂血水鱼汁的環保袋點善後？唔係的話，你係咪會套多兩個透明膠袋落去？
>但如果徵收膠袋稅後，減少垃圾袋之外一些非必要的膠袋，或盡可能重用(如載生果)，做到每個人都"惜袋"，呢個先係重點。
你冇見到自從胶稅之後各大超市生的食品多咗好多預先包裝咩？而的包裝材料全部係膠做！
載生果我係唔用膠袋嘅，用保鮮盆既環保又整洁，食的時候總可以保持仪態。
>就算lunch hr 出去行下，我都要自動自覺拎定環保袋
唔係个個人食lunch都心思思諗定去做啲咩而拎定袋！你要明的。袋，唔係個個都中意用嘅。
我意思唔係完全唔用膠袋，買生魚生蝦生蟹生豬肉，唔用膠袋，完全係唔可能。我完全唔係講要慳呢些袋。
回覆刪除我講既係用黎做"垃圾袋"以外，一些我們以前因為免費會不自覺拎多左的百佳/惠康袋。
我帶生果番工，會擺落揹既大袋中，所以要用細膠袋裝住。我唔係好get到你講既保鮮盆係指什麼。
至於說超市多左好多"預先包裝的"的東西，呢個論點我之前聽107動力既何民傑講過，大意話超市多左D"買二送一"兼有手挽的膠袋包裝，這個我有點懷疑，呢 D 好似以前不嬲都有架啦，仲乜算到膠袋稅頭上? 不如叫生產商慳番啖氣，消費者只會因為抵、買多D平D先會買。
我唔係話環保袋人人唔介意帶，就我個人來看，一個摺埋得3X7 CM 的袋，要隨時隨地帶，真係唔難。一個人唔係返工，就係周末逛街，女士黎講，總會帶個袋，咁擺埋落去有幾難? 可能真係一D D 人，我寫個咁長既POST,係想講自己同身邊人，對膠袋稅真係唔係睇得咁負面。
啊呀！我投降了！
回覆刪除當你睇咗啲博文有意見要交流的話，首先要睇清楚成篇文再要跟足哂啲留言先，消化下睇下自己明唔明人哋講緊乜野先得！
老老實實，你令我諗起趙燕萍。
我其實頗同意selina 觀點，我又唔太覺得佢離題、或get唔到呢度討論的重點。某程度，佢仲講多一些其他人冇留意到的perspective…
回覆刪除膠袋稅，唔係萬惡之源，很多其他人認為”必要發生”的反效果，唉，我覺得事在人為啦。唔係話要做環保鬥士/道德塔利班，一個膠袋都唔用，而係每個人做到今日拎的膠袋總量比昨日少，已叫有成果。
P.S 我屋企都係用傳統白色垃圾袋多，我身邊人、親友、同事，全部都很習慣自備購物袋。
(小小愚見，咪又鬧我似趙燕萍)
justin ，
回覆刪除首先我話似趙燕萍絕對唔係鬧，趙燕萍係代表一種態度，一種自說自話自以為對的態度。
1)
>我唔係話環保袋人人唔介意帶，就我個人來看，一個摺埋得3X7 CM 的袋，要隨時隨地帶，真係唔難。一個人唔係返工，就係周末逛街，女士黎講，總會帶個袋，咁擺埋落去有幾難?
我篇文清清楚楚寫住：「可是一個環保袋往往不夠裝吖！唯有
1)買少啲。
2)帶多幾個環保袋出街(但買野好即興喎！)
2)
>我帶生果番工，會擺落揹既大袋中，所以要用細膠袋裝住。我唔係好get到你講既保鮮盆係指什麼。
完整的香蕉萍果橙抹干淨就咁擺落手袋度啦！總使乜用細膠袋裝住！切好的生菓或提子果啲梗係「用保鮮盆既環保又整洁，食的時候總可以保持仪態。」
......
我冇時間逐一講解啦！總之，對我來講辯論唔係一定要嬴！要知道時間係好無情嘅。