2010年2月3日 星期三

綁架車牌

大國崛起,任何事情都講與時迸進,繁榮的表相背後千蒼百孔,犯罪這一行也推陳出新了。大陸最新的搶錢招數是綁架車牌。

賊人先選定以私家車為主的目標,趁車主車停人去之時,卸下車牌(大陸稱號牌)藏好,再塞張紙條在倒後鏡上,上書銀行帳戶、索款銀碼,并請車主留下手機號碼,款到就傳sms給車主通知車主在附近的某個隱敝位置取回車牌。贖金是公價人民幣150元。

150元是精心計算過的價位,第一,涉及金額太少,報案的話公安都是發張報案紙就算了,基本上幫車主立了案也抓不到罪犯,車主還要花上很多時間和精神去落口供費時費事。第二,大陸的車牌都是由車管局統一製做的,遺失補領100元/副(前後),自受理之日起五個工作日內辦結。基於以上原因很多車主都選擇付錢贖回車牌了事。

第一次聽朋友說的時候我還義正嚴詞地'教訓'朋友不應該付贖金,這樣會縱容了賊人雲雲,但是當聽到N次之後,發現原來不付贖金的話,車子很大機會被刮花要花幾倍甚至十倍的價錢去維修,我已經不敢出聲了。

11 則留言:

  1. 所以大陆D 野真系....

    分分种偷车牌的是大陆公安部D人做既, 真系吹佢唔涨架!

    回覆刪除
  2. 唉,這種市場觸覺與智慧,正是 MBA 課程所要學的!

    回覆刪除
  3. 未知是否在廣東省發生。

    有人好蝦唔蝦,用你講嘅方法蝦著一個好Q有錢但其貌不揚,只係開架比亞迪的人。

    結果佢畀咗錢後,叫人響附近車場刮人,最後袋返6000文飲茶費。

    呢個世界乜都有喇,政府搞唔掂咪自己搞掂囉。你見全世界啲大孖沙都係自己請保鑣,唔通叫警察每日派8個人保護佢咩。

    回覆刪除
  4. "發現原來不付贖金的話,車子很大機會被刮花要花幾倍甚至十倍的價錢去維修"

    經濟學ABC:有錢人如大姐既機會成本高,同佢花時間甚至硬撼代價太大!

    回覆刪除
  5. 一日十單就千五蚊, 超好揾!

    所以話呢, 世上最惡嘅人, 就係冇嘢輸唔起嘅人.

    回覆刪除
  6. 將汽車防盜改動通高壓電,邊個刮花佢就電到佢PK。

    >150元是精心計算過的價位....遺失補領100元
    補領唔係平D咩?

    >我已經不敢出聲了
    哈,你都會驚?

    >大國崛起
    哼!應該返去做好D公民教育先。否則家醜外傳果陣,中國人去到邊都只會受人白眼。

    回覆刪除
  7. 小瓶子 :佰伍蚊1單,公安不屑做啦!

    校長:諗橋嗰個一定唔使落手做。

    SZE ,都係!不過冇咁危險囉!(雙方都係)

    過內人 :係廣東省。

    係大陸我唔認為以暴易暴係一個好辦法,就算點有錢有勢都好,大陸地大勿搏啊!哩種事你在明(認得你車牌)佢在暗,呈一時之氣并冇著數。而且大陸的江湖係冇規矩嘅,太多單打獨斗的悍匪了。N年前威猛哥個老友係叔父輩來!出出入入有幾個傍住!就係呈一時之氣食宵夜時得罪咗個東北漢,三個月之後係停車場俾個東北漢一槍打爆咗個頭,當時連司機有成4個人傍住!


    再講了大孖沙個司機點會離開駕車吖!綁架車牌哩啲對像係我哩挺小市民咋!邊有錢請保鑣,邊有時間同佢周旋吖?

    回覆刪除
  8. 老人 :執住!托賴總未遇過。(事實上第一次知哩種事已經叫個司機泊車要泊係有保安/攝像機嘅正規停車場并加固個車牌了。)

    火鶴 :我沽某啲地區係集團式經營,事關佢搞完你一次之後就算。(我總未聽過同一車牌被綁2次嘅。)

    易 :嘩!咁樣會唔會陰毒咗啲吖?你知好多細佬手多多吖嘛!行過行埋可能用手掃下駕車喎!

    >補領唔係平D咩?

    你都無心睇文嘅,都話補領最慢要5日囉!快都要2、3日,總要親自去車管所排隊搞幾粒鐘,攞又要排隊呢?

    >你都會驚?

    梗係會驚啦!驚俾人怨吖嘛!

    回覆刪除
  9. $150的定價確是無敵,算死草也不外如事!

    回覆刪除

淡极始知花更艷,愁多焉得玉無痕。

Related Posts with Thumbnails