2010年2月22日 星期一

似曾相識

《香港經濟日報》:新地(00016)位於元朗的大型新盤YOHO MIDTOWN,雖然定價進取,仍錄得理想銷情,過去2天極速沽出約900伙(佔總數1890伙約48%),套現約42億元,平均呎價逾5500元。其中一個2房連天台特色戶,以呎價9238元沽出,創新界區2房呎價新高。

這樣的地段這樣的價位,報紙訪問的買家還都異口同聲說合理,很有似曾相似的感覺,也很怕怕。要知道近五、六年新起的樓宇實用率都是超低的,現在的600呎樓甚至比10多年前500呎的更狹窄,也就是說實際價遠高於5500元。

虎年第一擊极積佈暑放盤連租約紅磚出租物業,希望放到好價啦!匡湖居就啱價先放。

22 則留言:

  1. 香港既價係因為政府唔批地唔起居屋引致.. 係疚由自取..
    要爆就要等大陸先爆。但大陸好難爆.. 爆起上黎亦非同少可... 不過睇黎未咁快,我估要等多一兩年(最好等我儲夠錢一兩年後執平貨)(好如意算盤囉)

    回覆刪除
  2. 都係嗰句:留啲錢俾人賺...貨如輪轉吖嘛!

    下下想賺盡往往接火棒!(過來人慨嘆吖!)

    大陸地大物/人博當然冇咁快爆,香港我就真係唔睇好啦!(話明係爆當然冇跡可尋且突然其來啦!)

    回覆刪除
  3. 連我公司做左幾十年既老野都話呢個價錢傻架

    我都估呢個升浪最多維持兩年,不過到時D息口應該無而加甘低

    回覆刪除
  4. 其实都系想买番层住下姐...真系好难...

    回覆刪除
  5. assenav ,香港樓市一加息好快爆,而加息最快第三季就會來...

    小瓶子 :新界好多10幾年樓總未係太貴實用率又相對較高,真係要買來住都ok嘅。但如果好似嗰對準醫生律師咁嘅要求就當然冇地住啦!

    回覆刪除
  6. 我又覺得hk 未必爆大鑊 (細細鑊就難免), 原因:
    1. hk新樓由大陸同胞主導, 國內爆大鑊hk先死1鑊
    2. 現時hk好多業主都有能力守, (整體借貸比率仍然偏低),好多時寧可轉放租都唔平價賣
    3.hk人見過03sars, 心底已經有個譜

    不過, 如果手邊有幾層樓, 真係不妨趁高沽, 有jetso !

    回覆刪除
  7. 新地代理業務部項目總監(銷售)張卓秀敏指開售至今錄得3組大手買家,一名港島區的投資者昨斥資約5200萬元大手購入11伙。買家則以本地客為主,內地客比例僅佔1%,其中10%買家來自港島區、約25%來自九龍區,其餘約65%來自新界區,以元朗、屯門及北區為主。

    大陸佬買香港樓用現金多,加息冇乜影響,但香港人買就借盡一加息就唔多掂,總有隱形通脹,人民幣升值等因素,層樓守起來冇想像中咁易。

    回覆刪除
  8. 元朗$5,000幾$6,000蚊呎係唔係貴各有睇法!但比得出$5,000幾$6,000蚊呎,我就一定唔會住元朗!就算真係要揀元朗住,元朗大把獨立屋唔駛$5,000幾$6,000蚊呎

    回覆刪除
  9. >比得出$5,000幾$6,000蚊呎,
    我都係咁話!

    但獨立屋呎數大銀碼都大嘛!冇咁易上車啵!

    回覆刪除
  10. 加洲、錦秀實用率都高啦!

    回覆刪除
  11. 呢個價,反映香港仲係「盛世」呀。

    回覆刪除
  12. 唉...月滿則虧,人滿易損,「盛世」之後...

    回覆刪除
  13. 以二百萬樓租八千按七成供二十年黎計,而加HIBOR大約一釐,扣埋管理費差餉,只要息口唔多過三釐都仲係供抵過租。所以呢一年應該未必會爆,除非有人唔識死走去借九成半。

    回覆刪除
  14. 加下好多二百萬樓租唔到八千喎!同埋就算八千都總要扣埋差餉地租呀!總有要計埋倒漏斗式按揭息喎!(頭頭供嗰陣1萬銀九仟係息吖!)

    回覆刪除
  15. 已經扣左管理費差餉等雜費。
    就算我當租七千,只要息口唔過兩釐都係供抵過租,仲要係非常保守既估計。
    而加HIBOR只有一釐,我唔認爲今年内有邊間銀行夠膽加一釐息,HSBC先剛剛推出新既H按揭,同建行並列最低1%
    所以,我覺得起碼一年内唔會爆,最多唔升,但一日供抵過租,一日都唔會爆

    回覆刪除
  16. 我層樓, 借左九成, 套現D錢搵幾他投資好過。

    BTW, 關於國內同胞買樓有兩種人, 一是一炮過唔做按揭, 但另一種是盡按, 原因:
    1.香港按樓成本比國內借貸低, 買層樓保值之餘留番彈藥在國內搵食做生意好過
    2.睇人民幣升值, 變相買樓平左

    我成日諗, 一炮過既應該係多錢多到數唔曬, 或者係洗黑錢----呢D人, 永遠唔怕加息

    回覆刪除
  17. 仲有以二百萬樓按七成供二十年息率2%黎計,頭一年每月供款有33%供息,一萬銀九仟息要去到八釐先有可能。

    回覆刪除
  18. 其中 50樓 E室一房戶, 487方呎,成交價 340.9萬元,呎價高見 7000元。

    $350萬住唔夠500方呎,得一房仲要係元朗....唉......


    咁買得起700呎兩房+超細實用率嘅,點解唔住屋仔.....

    加州花園 獨立屋 爵仕居 1410 方呎$ 465 萬.....呎價$3,298元

    回覆刪除
  19. 頂,六千元...搬上深圳好過。

    回覆刪除
  20. assenav ,都係你心水清啲,我係一朝被蛇咬十年怕荊繩吖!話說N年前第一次置業借咗7成,供咗2年幾廿萬俾銀行賣嗰陣諗住扣埋使費有幾廿萬執,點知睇清楚條數原來幾廿萬都係息(計埋罰息)本金先扣得嗰幾萬,埋數僅僅打和囉!叫做賺到住,但嗰陣個市係向上囉!

    所以如果借錢買樓就算當時條數係供平過租都要係樓價係低位(之後會一路向上)長遠來講先至會供平過租囉!要知道供果二、三十年後樓會折舊,所以Location亦變得重要過樓本生囉!總有供樓閑閑地講緊廿幾三十年,係咁長嘅時間中息口好似依加咁低嘅情況唔會係大部分時間。

    又:查實我邊有本事知佢幾時爆吖!(唔爆總好話曬總有物業係手)不過隱隱覺得唔妥驚定先遮,而且真係覺得哩個地段哩個價係非常之唔抵。

    回覆刪除
  21. 篤篤篤撐 :你食長糧有長俸借十成都冇有怕啦!

    大陸人係香港做按揭唔係咁易,除非係大公司高層又有好多抵押,香港銀行對哩啲客睇得好緊貸款成數又唔會超過6成,因為冇辦法知佢係國內已經借咗幾多又驚個客唔知幾時被雙規...

    >我成日諗, 一炮過既應該係多錢多到數唔曬, 或者係洗黑錢----

    嘩!乜你咁諗!我自從第一次借錢買樓俾銀行食咗我9成供款後就冇再借錢買樓了,冇錢就唔買有就一炮過買,就算Ex送層按揭樓俾我我都唔要,驚佢唔知幾時唔供又驚負資產...

    馬沙:爭百幾萬筆數對打工仔來講唔算少,入息配合唔到銀行唔會借多一筆俾佢。
    而且一闊三大差響地租管理費都係錢,獨立屋維修保養又貴啲,新樓起碼十幾年唔使諗哩方面問題。

    老麥 :深圳?嗯...要兩睇(無線新聞都要過濾啵!)而且人民幣貴咗消費、車錢都貴咗...

    回覆刪除
  22. 妖!買注六合彩先,睇下可吾可以.....

    回覆刪除

淡极始知花更艷,愁多焉得玉無痕。

Related Posts with Thumbnails