2010年10月4日 星期一

被逼乖和有時曳

全女班舊同學聚會,扯來扯去講到了乖和曳,有個其貌不揚為人孤高自許的女同學很自豪地說:「我從小到大都很乖的,從不行差踏錯的。」當下心想:很多人很多時候乖都是被逼的。

沒錯,曳是講條件的,小時候在幼稚園曳曳的小孩都是聰明伶俐變著法打破課堂沉悶無聊氣氛的人。到了中小學,精明又聰明的人看似乖,其實曳到老師看不到。在中小學曳還要人緣夠好,一個人是曳不起來的。

至於出軋、Flirt什麼的就更加講究個人條件了,那些被逼乖的人只要有一次機會分分種萬劫不復,機會總在身邊轉的人反倒是見慣不怪、氣定神閒的,除非對像极之吸引否則一概視若無睹,出事率反而高。如果純以比率計有條曳的人其實比被逼乖的人更乖。

10 則留言:

  1. 花花:

    我又乖又曳,條線真係好鬼模糊。插對天使嘅翼時我會奸笑,生咗魔鬼對角我又會誠心誦佛,死喇,我真係好分裂!

    回覆刪除
  2. 不知道那位創造性交歷史的鍾愛寶能否適用於這個例子呢

    回覆刪除
  3. 很喜歡這篇呀!好像為自己出了點氣。對呀,人看似乖,其實曳到旁人看不到。小時乖是被逼的,不然會有後果呀(i.e.被人打)。

    中國人父母真的令人很累。都已經成了年n年了,還是要說,"你這樣做就乖了"。我的天... 第一,我作決定不需要父母的肯定; 第二,我已經成年了,別再像小孩般對我。如果他們仍然留戀那種權威,可以養寵物。如果做的決定有違他們之意,就會說,"你好唔生性、好任性... (下刪一千字)"。

    "從不行差踏錯",這句話真的奇怪。究竟什麼叫做"行差踏錯"?犯法?有二奶?紋身?放棄做律師走去做自由職業?

    沒錯,曳是講條件的。當人完全可以獨立,不需要靠別人,就可以選擇曳。當然有些人習慣了乖(i.e.被閹),也就不會想到曳。

    "至於出軋、Flirt什麼的就更加講究個人條件了... 除非對像极之吸引否則一概視若無睹"。哈哈,這句同意極了。去到夜場,當別人問"你是否單身"時,當然不會立刻回答,因為答案視乎對方的外在條件吸引與否。因為只有一句話在腦中盤旋: "你係老幾?點解我要同你上床?" 無論男女,自信心足夠的話,都不會饑不擇食。試過食好嘢,豬扒固然唔會食,普普通通都免問。係咪送上門嘅都要食,我咪好唔得閒?

    回覆刪除
  4. 20分有同感... my theory is " if you obey all the rules, you miss all the fun."
    曳唔曳得起係首要問題, 先再諗想唔想去曳好了!
    不過乖底既人想曳也曳唔黎... 根本沒有曳的本錢. flirting does not come with a handy manual, 照我睇叫妳那位乖足一世既女朋友去曳, 也曳唔出咩黎姐...............

    回覆刪除
  5. 我系被逼乖哦....其实都好想曳架...哈哈哈....

    回覆刪除
  6. 我諗我應該係有時乖但被逼曳咁囉..

    回覆刪除
  7. 校長:當然,我都唔buy不二法門嘅。

    舞了 :我唔識鍾愛寶(你應該都唔識?)現實中佢份人係點我唔知,佢個性交AV係Job來遮,Job邊有分乖同曳呢又?!

    Anon,出軋都可以柏拉圖式嘅,未必下下講上床嘅...

    imak ,

    >my theory is " if you obey all the rules, you miss all the fun."
    哩句同蔡蘭嗰句:凡係好食嘅野都唔健康得去邊,有異曲同工之妙。I like it.

    小瓶:我唔覺你乖喎!hehe...

    火鶴 :我又唔覺你曳過喎!haha...

    回覆刪除
  8. 都幾羨慕有條件曳的人,想乖又得,想曳又得.
    最慘就係果啲想曳又曳唔起的...

    回覆刪除
  9. 好彩好彩,我都叫做可以曳下...

    回覆刪除
  10. 好彩,我都可以講呢句"好彩好彩".

    另,寫完呢個先發現,可能係 inspired by 妳說的"被迫乖"!!
    http://sally-smallthoughts.blogspot.com/2010/10/blog-post_07.html

    回覆刪除

淡极始知花更艷,愁多焉得玉無痕。

Related Posts with Thumbnails