2012年8月21日 星期二

想死的心

某日,在某個盛大的私人派對遇見某個十多年沒聯絡的前度,擦肩而過卻熟若無睹,然後再被某個‘好事之徒’拽在一齋互相介紹,我低頭瞄一瞄名片一邊抬頭一邊詫異地說:「,我有個朋友和您的名字一模一樣噢!」對方很尷尬地說:「嗯,我想那就是我。」那一刻我只有低著頭努力地尋找,試途找個地洞鑽進去一了百了。

第二天他寄了封洋灑灑幾仟字的電郵給我,原來當時他想死的心都有了。

都說歲月是把殺豬的刀,而這把刀殺男人比女人更厲害。女人經過歲月的洗禮走樣的比例雖然比男人高,但無論是老或胖,眉目間依希還有往日的風情,而男人一旦走樣可以是變目全非、換若兩人……

一個我曾經愛他多過他愛我的人 ,一個曾經令我有種真命天子般感覺的人 ,居然相見不相識,似乎不能怪我的有眼不識泰山,大概也不能怪他的面目全非,要怪只能怪歲月的無情吧!

「走著走著, 就散了, 回憶都淡了;看著看著, 就累了, 星光也暗了; 聽著聽著, 就醒了, 開始埋怨了;回頭發現, 你不見了, 突然我亂了。」 原來徐志摩老早已揣透了愛情敵不過歲月這回事了。

這個故事教訓我,第一,戀愛次數越少越好;第二,直接找個已經走樣的人戀愛。






37 則留言:

  1. 我早幾年都有類似的經歷. 對方沒有以往的風華, 自己也白髮蒼蒼.
    (好彩小肚兜沒有被發現! :D)
    大家只是打個招呼就走了. 以往種種,誰對誰錯,都不需介懷.

    回覆刪除
    回覆
    1. 你身形咁fit點同呢?佢即情判若兩人咁先恐怖吖嘛!

      刪除
  2. 恕我問得直接,你是真的認不出他麼?還是 ... :-P

    回覆刪除
    回覆
    1. 真係完全認唔出!陳啟泰變咗地中海林雪點認吖!

      刪除
    2. 冇陰公,地中海係男人最痛!幾叻丶幾有公丶原本幾靚仔都冇晒! >_<

      刪除
    3. 有啲男人光頭都幾性感!係地中海核突啲遮,即情剃曬反而ok吖!

      刪除
  3. 我未試過在任何場合踫見EX,不過試過有一個EX找我出來吃飯。當時我以「活得比你好」的姿態出現,令他打消返撻的念頭。

    回覆刪除
    回覆
    1. 無事無龫我唔會同前度約食飯、見面架!費時隔離嗰個亂諗野。嘿嘿

      刪除
    2. 當時我想睇下佢點折墮(因我知佢當時剛比女飛)好變態… 哈哈!

      刪除
  4. 我完全走樣,就算唔走樣,也該迍跡深山!

    回覆刪除
    回覆
    1. 你keep得咁好邊有走樣呢?

      刪除
    2. 我没有EX,所以没有你的煩惱:P

      刪除
    3. 呢樣野,唔使講,你完勝!

      刪除
  5. 我諗佢比你大好多,已進入了生理上的「走樣期」,很唏噓哦!

    回覆刪除
  6. 有無攪錯?居然有人不懂得珍惜你?!還要是你愛他多過他愛你,正正是身在福中不知福!這個故事教訓做人要知福、惜福和守福!好運或許在漫長人生中只有一次,很難想像有人會作出如此愚笨的決定,也許他的八字不好,命中合該無此福緣!

    回覆刪除
    回覆
    1. 我後生嗰陣比較好勝、比較自大、比較固執,仲有啲持靚\年輕行凶,做人做事冇依加咁圓滑,個性並不討好吖!

      刪除
    2. 明白,典型美女個性,但如果是你愛他多過他愛你,猜想你以前對他不會太硬,他又不是呆子,怎會不知凡是美女均有個性,能夠得到垂青已是萬幸,世事豈有完美?親眼見過有對中年夫妻,丈夫寵愛太太,始終未變,而太太刁蠻性格只隨年月收斂少許,竊為他太太慶幸,估計年輕時是標準美人胚子,因外表已變,但老公的愛卻恒常如一!

      刪除
    3. 嘩,咁佢真係好好彩了。只不過許多外人或愛人睇到的恆常如一都係表相非真相,即使係咁都係好好彩㗎!能夠欺瞞到最後的謊言都是甜蜜而美好的,需要天時、地利、人和的完美配合。

      刪除
    4. 見道之言!你也看得很開,但未嘗不是一種無奈。有時感情上被永遠欺騙又或記憶中的永恆假相,在某個角度來看,又看似一種福份!謹祝願你的ending係sweet & memorable!With my best wishes!

      刪除
    5. 咿,你肯定係新來既,我份人比較怪雞,我對男人純身體走私持開放態度,并不介意亦毋須隱瞞。

      詳情可參考這篇舊文:

      叫雞的男人
      http://hana-ox.blogspot.hk/2008/08/blog-post_4308.html

      刪除
    6. 剛看完叫雞的男人,發覺你看事情很通透,洞悉世情,但有時太清晰會否有點不開心呢?對於我這個路過的陌生人來說,這裡很特別,你我雖不認識,但某程度上是我舊夢的重溫,亦是故事的延續,人生際遇之奇,莫過於此!

      刪除
    7. 不會呀!整體來說我是個正面、樂天的人,偶爾會有啲多愁善感,我媽咪話我呢種感性來自後天,係因為選擇音樂、歷史雙休,同埋睇得書多喎!本質上始終都係標準金牛座個性主導灬

      刪除
  7. 回覆
    1. 吓,四十幾歲就走樣到完全唔認得?

      刪除
    2. 係呀!好恐怖,一個曾經如此親近過的人我竟然完全認唔出!

      刪除
  8. 甩頭髮真係男人之苦-___-"

    回覆刪除
    回覆
    1. 係囉,幾有錢幾勤力幾努力都冇得番生。

      刪除
  9. 能夠欺瞞到最後的謊言都是甜蜜而美好的,需要天時、地利、人和的完美配合。

    Cannot agree more!

    回覆刪除
    回覆
    1. 可惜個天唔係成日都生性幫忙囉!

      刪除
  10. 但係有些男生剃光左頭都可以幾好睇的。但如果又光頭又大肚腩咁就真係死得冇得救V_____V

    回覆刪除
    回覆
    1. 其實我唔係嫌佢又光頭又大肚腩,掉返轉頭如果佢由地中海林雪變咗陳啟泰我一樣會認唔出!

      刪除
  11. 故事教訓: 唔理發生咩事,做咩角色,首要係點都要keep住自己!

    幾仟字的電郵? 咁恐怖?仲寫咁多做咩?

    回覆刪除
    回覆
    1. 我覺得最重要係善待自己,點樣舒服就點樣的過,有啲人會覺得keep住自己係件好辛苦的事,咁就唔需要難為自己。

      刪除
  12. 哈哈!!! 真的又唏噓又好笑!

    回覆刪除

淡极始知花更艷,愁多焉得玉無痕。

Related Posts with Thumbnails