人物A：最壞的男人
人物B：貪玩中女
人物關係：最壞的男人的太太是B的半個同行，最壞的男人有個拍了幾年拖的婚外女友，分手後轉功B，可惜功极都係過年擺設。
對話：
B：嘩！咩事吖？今日你老婆生日喎？！(A特登請假陪老婆過生日，前一晚已經掉低對仔女俾賓賓，ニ人世界去食自助餐＋睇戲。)咁都打俾我？
A：有咩問題啊？唔打得俾你嘅咩？掛住你咪打俾你囉！
B：點嘛？點同你老婆慶祝啊？
A：依加咪同佢唱K囉！我落來入咪表咪打俾你囉！(都唔知係咪特登入少啲時間...)
B：嘩！你咁都要打電話俾我，實係好中意我哩！不如你離婚罷了！
A：嘩，入一入咪表就要離婚咁大劑？你個衰人吖！係唔係我離咗婚你就嫁俾我先？
點評：A太和A由中學開始拍拖，大家都係初戀，結婚十多年有一對的仔女。A太覺得自己是世界上最幸福的女人。有些事情不知道遠比知道的好，眼睛看到的不一定是真的，連用心感受到的也可能是假的，這樣想起來三聚菁胺要比大部分男人安全。
The Lama
2 小時前
發表文章
娜姐:
回覆刪除哈哈! 岩岩整完野, 誤打誤撞霸左頭位添:p
>有些事情不知道遠比知道的好，眼睛看到的不一定是真的
呢句真係好認同.
呢d男人..連自己老婆識既都溝, 都好大膽
o下!
real story?
回覆刪除男人
回覆刪除唉~~沒有一個是好東西
男女都有机会出来玩姐.
回覆刪除出得来玩, 预左要还.
不过我不但害怕比人地女朋友/老婆用老强淋面, 而且如果自己的男朋友另结新歡, 我亦宁愿供手相让. 鬼知道佢新女友是否神经病会拿刀斬我架. 始终自己命仔紧要.
> 男人
回覆刪除> 唉~~沒有一個是好東西
唔好一竹槓打晒全船人啦, 好慘o架~
呢o的故事, 真係好sex & the city 喎, 離譜到o丫~
不過, 呢pair (阿a 同 b)真係一個願打, 一個願捱喎, 衰o的咁講, 真係『姣婆遇著脂粉客』
川：嗱嗱嗱！講野小心啲，睇文又要睇清楚啲。
回覆刪除>可惜功极都係過年擺設。
即係得個桔，追唔到！又何來一個願打, 一個願捱呢？請問？
又
回覆刪除>唔好一竹槓打晒全船人啦, 好慘o架~
改咗啦！你係另外果小部分，好冇？hehe
行行：快啲去買六合彩。
回覆刪除Desertfox ，珍珠都冇咁真。
tt,不是的，我愛過嘅都幾好！
小瓶子 ：新女友斬嘅係佢遮，問題係佢掩飾得咁好，佢老婆根本冇可能知。
人物A乃一落機即打比你果位人兄乎?
回覆刪除咁又唔係，只不過貪新鮮、見異思迁嘅男人個個都差唔多遮，所以...
回覆刪除依加咪同佢唱K囉！我落來入咪表咪打俾你囉！
回覆刪除>>>呢句註定佢溝唔到女, 佢remind B:
1. 自己只係偷偷地先可以搵B
2. 佢會放太太第一位
O甘樣點溝到女丫...
B擺明高班好多, 一開始就REMIND佢有老婆, 仲等佢招架唔到; 最後講離婚, 直情曬佢冷, A即刻縮沙, 真係冇鬼用
回覆刪除難道你是B？(咁問會不會畀人打？)
回覆刪除篤篤篤撐 ：咁又唔係冇鬼用嘅，佢知我玩佢遮，嗒多兩句嗲都開心啩。(最衰我間公司同佢有生意來往，又唔可以完金唔聽佢電話啦！嘿嘿，人在江湖身不由己啊！)
回覆刪除讀食姐：真係醒吖！(錫都來唔及啦！)
又：我有獨門功夫，就係鬧人唔使講粗口，打人唔用自己對手，嘿嘿...
又又：其實我唔識A太，反而識A個女朋友，陰功吖跟咗佢幾年，人到三十想生仔先俾A飛，總要美其名曰：為佢好！至敗係A女友到依加總認為A係真愛佢，真心為佢好...
>難道你是B？
回覆刪除吓，文首講到明喎
一箭雙鵰???
回覆刪除我都係咁 我成日同男友講, 如果佢有另一個,都不要給我知.
回覆刪除米：
回覆刪除難道我睇漏咗？邊句？
---->人物B：貪玩中女
哈。你就當我睇漏啦。
嘩! 大鑊! 真係睇漏o左前文後理添!
回覆刪除可以唔好派殺手殺我嘛?
逢場作興罷~為何當作一回事?
回覆刪除