郁手

對上果次偷雞賺些少走咗之後，我一路都冇回頭，賣仔莫摸頭，個市再點升已經唔關我事。之後成交量少，牛皮向下揸住一現金嘅我都冇再蹱個頭埋去，因為低處未算低，係熊市嘅時候，銀行門口的大利是機總係人頭湧湧，証明散戶啲錢總未陰干，亦即係未係時候入市建長倉，個市未跌完！

今日恆指跌果6、7百點，匯豐己跌到上次個最低價，但對比起52周最低價一眾中資股都總有20-30％嘅升幅，匯豐跑輸大市矣......

今日入咗一手匯豐，75蚊邊嘅匯豐太吸引，如果唔係佢被摩笛強奸，跑輸大市我應該會入多啲嘅，因為預期總會跌所以買住一手先。

另外又入咗1398、753、 386、3377，我買股票中意用'市場即造價'，睇啱靈感到即到買/沽，唔會在意俾高/沽少一兩個價位，咁樣好過set位，市場瞬息萬變，set價又多搞咗一重腦汁，係初涉股海嘅時候，啃咗太多悔之已晚的苦之後，果一、兩個價位我豪俾你。