食

尋晚美股又大跌，雖然尋日入咗貨，但今早都照去一田趁墟。人迫人到想叫拉登搵人來放炸彈，使咗仟幾二仟蚊，衫褲鞋襪一件都冇，全部係食物(都唔知係咪女人？)。啲野真係好抵食，哩度最少平咗四份一。人人都識講：「使咗嘅錢先至係你嘅錢」，我加多一句：「食咗落肚先至係你嘅」。

下届返到來，一開市見到尋日入果啲有錢執，冇大志如我都係食咗先算，753平手蝕手續費，留返1398塞床下底，其他走哂，最和味反而係3377有成10％執，真係估佢唔到。

有冇發覺買股票都要講投唔投緣，有啲股票掂親都蟹，有啲就買十次八次都有錢執，又有啲人同所有股票都唔啱鉸，掂邊隻都死。

依加個市其實係好淡通殺格，短炒唔係咁容易，所以除非認為自己哩期特別旺，如果唔係都係做下塘邊鶴好啦！