走

上星期四入嘅1398今日為止又有11％執，小女人冇大志，又將長線變短炒，走咗先算。

後市仍然唔睇好，救得一間花旗總有幾多要救？再一次証明富者愈富窮者愈窮，連企業/銀行都係越大虧損愈多愈唔容易執笠(但就唔知女人個胸係咪越大越有景？)。

通用汽車，救來都係把鬼，經營不善的大笨象企業政府注資即係等如倒錢入咸水河，揸咗十幾年車，換過唔少款有平有貴有歐洲車日本車，就係冇買過美國車。

係時候做定功課隨時再上車買黃金同白金(白金由高位回落差唔多六成)，美國佬係咁印銀紙，啲銀紙真係分分鐘渣都冇，揸住黄金真係世界大戰嘅話，走佬應該都有啖好食啩。