人生的目標

中午把車子泊在商場對面的咪錶停車場，因為在商場的吉野家買個飯盒才22元，沒有免費泊車優惠，最低消費要付16元的泊車費，更何況只需幾分鐘的時間，所以寕願走多兩步花2元把車子泊在公共停車場。我的超好視力一直是我最引以自豪的特質，坐在車子裏都能看清咪錶上有沒有剩餘時間。看到一個還剩ニ十多分鐘的車位，趕緊把車停進去，熄匙、關車門很瀟灑的掉頭就走。

這個時候有駕如圖所示的黑色豪華van駛到我身邊停低，個司機探出頭來同我講：「阿靚女，你要記得入錶啊！今日好多差佬抄牌啊！正話先抄完一輪。」我望一望個司機，竟然口窒窒只識得對住駕逐漸遠去的車不停咁講：「噢、噢，唔該唔該...」但其實我好想結識佢呀！因為係果一刻我發現我搵到了人生的目標。

個司機係個六、七拾歲的阿婆，灰白色的頭髮挽起一個整齊的髮髻，福相的臉笑口噬噬，手指間擔住支煙(唔係卡碧果啲幼煙)，成個人型到吖！

有冇人話俾我知，如果有下次，想結識阿婆要點做？