2009年5月15日 星期五

行不計路,食不計數

前幾天和家人去了這間郭富城帶藤原紀香吃飯敘舊的店子吃飯,一頓飯居然吃出蠻多的感受來。

這家店子由老闆到太子爺以至伙計都將勢利眼、白鴿眼表演得淋漓盡致,可以一舉獨得最佳團隊表現獎。事緣我們一行五人到達飯店的時候才六點多,還沒什麼客人,可能我們幾個沒有名牌裝身又是生客,所以伙計給我們安排了一張小桌子,有兩個位子還要用牆做靠背。和他們商量可否換張大點的桌子,幾經陳述不得要領,太子爺還喃喃自語來了一句:「我哋哩度啲位都係咁,李澤楷來都係咁坐。」

我們穿山又過海的來這裏也不是找架炒的,所以趕緊點菜想著早點吃完回鄉下去聽蟬觀星罷了。怎知一點完菜,劇情當堂峰迴路轉,兩位阿姐立即安排我們轉檯,是一張12人的大桌子!老闆娘馬上由隔壁(他們有三間相連鋪位)跑來,老細前老細後的打招呼并立即派卡片,不過只限疑似老細的威猛哥有份,說是下次去可以打電話預留位子。

上面這張卡片是在我取出公司黑金卡埋單後,太子爺寫下名字再派給我的,現在應該已經在堆填區了。
女人如果不想離婚就不應該去試探、追查老公有沒有去滾,知道真相只會徒令自己傷悲和後悔。用餐前看著阿姐在你面前用熱茶幫你清洗和消毒餐具,然後一路都吃得心安理得的話,就不應該在吃甜點的時候手多多的用濕紙巾去抹那把小叉,雖然只是一下而已。看似風、牛、馬不相及的事,道理卻是一樣的。
他們的茶水不怎麼地,這杯是我們另外叫的'靚啲的鐵觀音',和洗手用的茶水相差無幾,還是餐前餐後的功夫茶比較好喝。
我對蟹沒什麼感覺,只是比較喜歡大閘蟹和潮洲凍蟹。這隻蟹約兩斤多(已是全店最大的了)。
凍蟹做得非常棒,蟹肉鮮美無比,蟹肉很實身而且每一部分都已敲碎蟹殼,幾乎不用動蟹鉗。
滷水鵝肝拼鵝腸和掌亦,大肝用滷水做不及掌亦好吃,我不好鵝腸也試了一塊,這裏的鵝腸很好吃爽脆入味。 戲肉是這個螺片,據說李澤楷喜歡午餐時間一個人走去吃個五、六片就走人,盛惠每片$240元。我說這麼貴一人要一片試試就好了,威猛哥來了一句:「一片怎試到味,兩片啦!阿女記住做人要學識行不計路,食不計數。」這裏說的數指的是價錢。
始終是老江湖,果然一片是試不到真味的,第一片點了附上的蝦醬和梅醬味道全箇被蝦醬搶掉了。第二片什麼醬也沒點才吃出螺片的清甜來,雖說很好吃但240元一片對我來說一試無妨再試咪搞,因為這個價錢有很多其他好吃的值得吃的選擇。(如果我像李生那麼有錢我應該會比他更豪,會拿螺片當零食。)
這個潮洲翅(詩爾白同野孩子咪踩場住吖!生日飯喎,俾我食啦!我已經食少咗好多啦!)做得很好,又香又濃的味道很搶,用了豬油調味确實聰明。這碗翅還相當抵食才$198,比坊間各種中式洒樓三、四百塊一碗的翅有過之而無不及。
心思思想叫多一碗來吃又怕膽固醇超標,威猛哥又出金句:行不計路,食不計數,這次的數指的是卡路里和膽固醇。炸雙棗做得也非常好,這個用來點雙棗的秘制醬油膏居功不少,蝦棗比蟹棗更好吃。

為什麼沒相片呢?喂,我又不是白目,為了拍照寫博客,熱辣辣的東西不吃,左擺又擺拍張靚相才吃?那碗魚翅也是第二碗才拍的呢。 這是我超級喜歡的潮式點心反沙芋,這裏做的賣相不太好,味道卻一級棒,外層包裹的糖不太多(這個很考功夫),內裏的芋頭又粉又香,超好味。還有一個糖醋麵也是我的至愛,這裏也做得好好吃,又脆又香的,我一個人就吃了半碟。 這是老闆娘送的糖水一清心丸綠豆爽,清心丸超好吃QQ的,可惜糖水略甜。


本來想說回來後要上討論區唱衰這家店子的,而且以後都不會再幫襯,但吃完又覺得食物真的做得好吃,我做人喜歡實話實說,不能昧著良心講瞎話的,現在其實蠻矛盾的,也不敢夸下海口說再也不會去光顧,做人說話永遠不能說過頭。

還有個小插曲蠻好笑的,埋單時威猛哥取出一張仟元鈔票麻煩阿姐打散說要給小費,接過散鈔他抽出兩張一佰元舉高遞過去,還沒來得及說話,兩個阿姐摩打手似的一人一張背著老闆娘,當著我們的面飛快地塞入上衣口袋。說時遲那時快威猛哥說:「阿靚姐,唔好意思啲tips係俾廚房嘅,」視線再越過兩位阿姐,向她們身後的老闆娘說:「唔該你事頭婆。」兩位阿姐只好尷尬地掏出錢來交給老闆娘。

27 則留言:

  1. 臨尾個小插曲最好笑....

    回覆刪除
  2. 生日依d日子,食得起既,不妨食好d...最緊要生日果個開開心心...而且,即場仲有集體變臉表演,相信都算得上係值回票價...

    AK都試過有相似既經歷,不過...感覺上就係...你唔變,我會贊你夠cool...你變,我反而會睇唔起囉...

    回覆刪除
  3. 威猛哥玩死佢地ar~~~
    kakakaka

    回覆刪除
  4. AK兄:查實我哋愛登士家庭中意住家飯多啲,少去街食,但出親去食唔理係咪特別日子都會撿好嘅食。我話個螺片貴係因為女人會計值唔值。

    篤篤篤撐 :佢係老頑童來!

    回覆刪除
  5. 话...全部都唔吃得吖!!!!!!!

    回覆刪除
  6. >>>(如果我像李生那麼有錢我應該會比他更豪,會拿螺片當零食。)

    虽然可以甘做, 但胆固纯过高会死快D哦!

    回覆刪除
  7. 螺片係健康養身食物來,冇膽固醇

    回覆刪除
  8. 是吗? 不是海鲜来的吗?

    甘我食唔食得架?

    回覆刪除
  9. 尚興就喺我校附近,我每天放學都經過。哩幾日我都六點幾走, 原來你哋大棚人正喺裏面大擦特擦。

    哈哈,店內店外,都幾得意!

    回覆刪除
  10. 睇完呢篇文,發覺個keyboard濕o西, 滴o西 D 口水落去
    嗚!嗚!嗚!

    回覆刪除
  11. 小插曲: 兩個阿姐摩打手似的一人一張背著老闆娘<-- 2個阿姐? 邊到飄出黎?

    我睇完你D相& COMMENT 真係好想去試呀~~~
    我想試螺片﹑潮洲翅﹑反沙芋!
    我第1次睇錯左240蚊一碟螺片,原來係240蚊一片!?!??! 好貴呀...........仲貴過神戶牛柳呀!!!
    係咪真係咁好食? 係咪煮法/來源地好特別? 唔明點解咁貴...?

    唔知係咪潮州人獨有嘅生意手法? 我去九龍城果間又係咁喎,埋單410,我俾500,找錢時,當我拎左張10蚊之後,佢立即用第2隻手'禁'住所有錢,大大聲聲+鞠躬尖叫: 多謝哂多謝哂。

    我唔係有錢人囉..........

    回覆刪除
  12. 好想食凍蟹!難唔難訂位的?

    回覆刪除
  13. 呀, 我竟然對於呢D 個個都話正既嘢食冇趣....唗料.

    回覆刪除
  14. 小瓶子 :響螺有滋陰補腎,對氣虛血弱,貧血,衰弱,腎氣不足,腰膝痠痛有很好的療效。但如果你對海鮮敏感都係唔食得。

    校長:早響吖嘛,搵埋你入來























    埋單

    回覆刪除
  15. 阿ta ,兩個阿姐聽到埋單一路係度啦!一個埋單一個唱散紙吖嘛!

    係用上湯淥一淥就上檯嘅,一隻響螺片到三、四片遮,所以貴囉!

    eric ,生客好似不設訂位(唔知係咪驚人食得平,事實上佢啲小菜并唔貴,我見隔籬檯兩個人食埋單190蚊jar)。七點前去應該總大把位。

    匿名 :正常吖!青菜羅ト各有所愛吖嘛!

    回覆刪除
  16. 哈哈,我出名走得快!

    回覆刪除
  17. 呀, 我真係好鐘意食羅白...
    計我話一間舖頭最緊要係老細同員工都有好好既服務態度。
    有態度, 嘢食就自然有保証。
    而對住D 鞋口鞋面既人, 幾好食既嘢都比度氣頂住。

    回覆刪除
  18. 名人飯堂嘛!好把炮ga呢間野!

    當然威猛哥仲把炮啦!嘻嘻

    回覆刪除
  19. 睇完你篇 post 笑爆咀。 
    Cheers!

    回覆刪除
  20. 校長:好彩我夠錢俾遮,唔使留低洗碗...

    匿名:咁我中庸又貪食嘛,好食大哂!

    老麥 :查實佢啲小菜都係中等價錢遮。

    市場維京人 :有冇口罩?

    回覆刪除
  21. 威猛哥好型又風趣呀~

    $240 一片嘛...未免過份了點(叫多碗翅最尾用O黎漱口咪好囉~)

    回覆刪除
  22. 威猛哥真係超型!

    回覆刪除
  23. 呢間嘢二十年前同有錢uncle去過,經歷和你差不多,叫完菜就有大枱坐!有錢uncle最後當面撕咗老闆的名片,想當年應該係老竇而唔係太子爺當家,可見父母對孩子的影響力有多大!臭坑出臭草一點也不錯!

    回覆刪除
  24. 嘩,咩事?你總有冇遲啲吖?哈哈哈!

    父母言傳身教真係好緊要。

    回覆刪除

淡极始知花更艷,愁多焉得玉無痕。

Related Posts with Thumbnails