2009年5月27日 星期三

唔係人人都知的道理

識但唔識表達出來=唔識

識但只識用文字表達=識啲

識得用語言表達所識=識

識得手口并用,用語言、用文字表達所識=好識

18 則留言:

  1. It's very true, that's why I always stress the importance of learning foreign languages, especially when we live in a foreign country.

    回覆刪除
  2. 我睇完...個腦閃出
    骨精強! 佢算唔算"好識"類呢?

    回覆刪除
  3. Desertfox ,語言係好重要,但我指的係表達唔係單指講說話。識講說話并唔代表識將所識的好有條理咁表達出來。

    行行:我淨係識托比jar

    回覆刪除
  4. 呵呵呵,一定不同意。

    用番成日用既例子:點踩單車

    好多人都識,但唔會有好多人識得表達。

    又用番好多老闆既成功原因:直覺

    咁當然,識得手口并用,用語言、用文字表達所識可以係好識,但唔一定比人地識得更多更深入囉。

    回覆刪除
  5. 最怕D人又手又口又腳,以為自己好識,但係最後冇人知佢講乜Q。

    回覆刪除
  6. 無論講得或寫得多有條理,都只是停留在知道、了解的層面。我認為,所謂識嘅最終表達,係在於應用。

    回覆刪除
  7. Hana,
    明白. 但每个人的理解能力和方式都不同. 要有条理地表达自己让每个人都明白真的不容易.

    回覆刪除
  8. 識但只識用文字表達=識啲

    ------------------


    就....有些知識用文字表達比較適合,如果文字表達得淺白流暢,結構緊密又上下皆通,我覺得文字表達都 so far 可取的。

    當然,用語言表達知識,某程度上確係難過用文字,因為語言既要簡潔清楚,也要明快淺白,要人一聽即明,確是頗有難度。

    我相當同意,就算滿有知識,但不懂表達出來,就等於有個富豪但一毫子也不駛,咁其實同無錢係無分別嘅。

    如果做教師,就真係要有良好語言表達技巧,重於滿腹經論,良好的語言導向,可令學生得到啟蒙。

    回覆刪除
  9. C.M哥哥:呵呵呵,我都一定不同意。我俾你笑死啦!

    踩單車踩俾你睇已經係徹底清楚咁表達咗啦!

    表達未必淨係講說話喎!總有肢體語言吖嘛!

    >咁當然,識得手口并用,用語言、用文字表達所識可以係好識,但唔一定比人地識得更多更深入囉。

    深唔深入係後話,至少俾人知道你係識嘅先囉!

    阿ta ,我講嘅手口并用唔係指講野果陣指手畫腳咁,而係用手寫文字,用肢體表現,例如踩單車踩俾人睇。

    小朱:都係你醒,表達就係咁嘅意思了,僻如我話我手車好掂,吹到天花龍鳳都係假,滴你上車落手落腳飛幾轉就見真章。


    Desertfox ,正是因為不容易所以那些能說會道的學者才會比那些只能寫的學者知名度高和攢錢更多。

    匿名 :(我估到你係邊個)文字和語言各有善長,能夠融會貫通先至係高手。

    回覆刪除
  10. 有很多人很有學問,
    但他不懂教人做不了教師,
    那他究竟算唔算識?

    回覆刪除
  11. 他可以躲在研究室裡做學問,著書立說,像霍金,人們知道他識先至係識。

    單單話有學問太抽像,必須有實物去認証。

    回覆刪除
  12. 呢個道理真係唔係人人都知, 早前同人拗到火紅火綠沒完沒了就係拗呢個道理, 算啦.

    > 我認為,所謂識嘅最終表達,係在於應用。

    多謝小小珠!

    回覆刪除
  13. 如果一位性學專家,每次高談偉論,都全場鼓掌,但其實他是不能人道的.咁,他是識、或是識啲、或是好識呢?

    回覆刪除
  14. 唔記邊個theory 講,話口語愈流利,d人就愈覺得你叻,是真理。

    識野又識講固然好得,但唔識野又吹得一樣搵到大茶飯!

    回覆刪除
  15. 冰,

    好野下,我近排比你倆母子窒到啞左。

    回覆刪除
  16. 佛爺 :佢係好識性學知識。

    老麥 :但唔識野又吹得一樣搵到的大茶飯係唔得長久嘅。

    回覆刪除
  17. c m哥哥:咪咁話我啦!我都唔窒人嘅。
















    最多串下咁啦!

    回覆刪除
  18. 我真的有很多嘢都唔識。
    我的表達能力真的不好,書真的要多讀啊,表達能力應該會變好一點。

    回覆刪除

淡极始知花更艷,愁多焉得玉無痕。

Related Posts with Thumbnails